logo

иҷтимоиёт

ОИЛА. ХИШТИ АВВАЛРО КАҶ НАГУЗОРЕМ!

Солҳои охир ба сифати таълиму тарбия аҳамияти ҷиддӣ медиҳанд.  Ин масъалаест, ки ба ҳамкории муассисаҳои таълимию оила алоқаманд буда, таҳлилу баррасии ҷиддӣ мехоҳад. Маънии таълим ба ҳамагон маълум аст: он саводнок кардани хонандагон мебошад, вале маънии тарбия васеътар аз онест, ки мо мепиндорем. Тарбияи насли наврас масъалаи мушкилтарин ва печидаи соҳаи маориф маҳсуб мешавад. Одатан, падару модарон ин вазифаро пурра ба зиммаи омӯзгорон гузоштаанд, ки мутлақо хатост. Дар кори тарбияи фарзанд – шогирд, қабл аз ҳама, модар масъулияту вазифаи бештар дорад. Модар ҳамеша ва қариб  тамоми рӯз дар паҳлуи фарзанд аст, аз рафтору кирдори ӯ хабар дорад. Аз ин сабаб, метавонад барои ислоҳу бартараф намудани ин нуқсу камбудиҳо кӯшишу талоши бештар кунад ва дар тарбияи фарзанд ба роҳбари синфу дигар омӯзгорони ёрӣ ҳам расонад.

Аз ҷониби дигар, бисёр мегӯянду менависанд, ки дар баъзе мамлакатҳои пешрафтаи олам, масалан дар кишварҳои Ҷопону Куриёи Ҷанубӣ ҳафтод дарсади модароне, ки маълумоти олӣ доранд, ба хотири тарбияи фарзанд солҳои дароз аз касбу корашон даст мекашанд ва чунон ба тарбияи ҷигарбандашон машғул мешаванду ба мактаб равуо мекунанд, ки мегӯйӣ худ омӯзгор бошанд. Эътибори ҷиддӣ, сахтгирӣ ва хоҳиши қатъии модарро фарзанд ҳамеша эҳсос мекунад ва масъулияташ меафзояд.
Мутаассифона,  бештари модарони мо чунин нестанд. Барои аксарияти онҳо мактабравии фарзанд танҳо дар шашсолагиаш ва ҳамон ҳам дар ду-се рӯзи оғози таҳсил аҳамият дорад. Баъд шавқу завқу эътибори модарон ба қавле «пир» мешавад ва барои онҳо мактаб асосан даргоҳеро мемонад, ки фарзандашон чанд соат онҳоро осуда мегузорад, то ба кору бори хонадон машғул бошанд. Болои сӯхта намакоб, чун хатою нуқсоне аз хонанда сар зад, ҳам масъулони соҳаи маориф ва ҳам кормандони ҳифзи ҳуқуқ маҳз ва аввал ба мактабу муаллим «дар» меафтанд.
Албатта, ман масъулияту вазифаи омӯзгору мактабро дар кори тарбияи шогирдон нодида гирифтанӣ нестам. Гап дар сари он аст, ки маҳз ва аввал оила ба тарбия ҷавобгӯ ва ҷавобгар аст. Гоҳо падару модарон ба мактаб омада, аз муаллим домангир мешаванд, ки писар ё духтарашон вақтҳои охир беадабӣ мекунад, ба бозиҳои бемаънӣ машғул мешавад, бевақт ба хона бармегардад. Онҳо ҳатто андеша намекунанд, ки фарзандашон буду шуд 5 - 6 соат дар мактаб аст. Замони боқимонда бояд таҳти назорати падару модар бошанд.
Тарбия дар муассисаи таълимӣ, ҳатто дар муассисае, ки таълим суст ҷараён дорад, одатан хуб мушоҳида мешавад. Вале, чуноне ки мегӯянд, қарсак аз ду даст нест. Аксарияти оилаҳои мо вақте ба худ меоянд, ки фарзандашон ба ҷиноят даст задааст. Дар ин ҳол онҳо бори масъулиятро ба гардани омӯзгор бор карданӣ мешаванд.
Албатта, қабули Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” вазъиятро хеле беҳтар намудааст. Агар он ҷо қайд мешуд, ки ҳафтае як ё ду маротиба ба мактаб ташриф наовардани волидон боиси ба ҷавобгарӣ кашидани онҳо хоҳад шуд, кор ранги дигар мегирифт. Чун падар ё модар ба мактаб ташриф орад, фарзанд инро дида масъулияти бештарро ҳис мекунад, ҳар қадами худро дониставу санҷидаву бошуурона мегузорад. Бе ёриву дастгирии оила ягон мактаб ба муваффақиятҳои назаррас ноил намешавад.
Мо даъвову талаб надорем, ки волидон вазифаи муҳими таълим доданро ба зиммаи худ бигиранд, мехоҳем оила низ дар ин раванд фаъол бошад. Агар шогирд вазифаҳои хонагиашро иҷро накарда ба мактаб ояд, пеш аз ҳама волидон гунаҳкоранд. Аммо, агар фарзанд вазифаашро иҷро кардан хосту аз уҳдааш набаромад, ба муассисаи таълимӣ муроҷиат кардани падар ё модар шарт аст. Фақат баъд аз ин, айбро бояд дар фаъолияти омӯзгор ҷуст. Албатта, волидони масъулиятшиносе низ ҳастанд,  ки зуд - зуд ба мактаб меоянд, ё занг зада одобу рафтори фарзандашонро пурсон мешаванд, вале ин гуна волидон хеле каманд.
Майрам ҶӮРАЕВА,
омӯзгори фанни забон ва адабиёти МТМУ № 51 шаҳри Душанбе


Баёни ақида (0)    Санаи нашр: 10.01.2018    №: 8    Мутолиа карданд: 67
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед