logo

фарҳанг

ҲУНАР АЗ НУҚРАВУ ЗАР БЕҲ

Ӯро  дар коргоҳаш  машғули  тоқидӯзӣ дарёфтем. Бо  ин  ҳунараш  Гулбегим Шаҳмироваро  на  танҳо  дар  деҳа, балки  дар  қаламрави   Вилояти Мухтори Кӯҳистони Бадахшон  ҳам  мешиносанд. Тоқиҳои  хуштарҳу  шинами  ӯ  рӯзҳои  тӯйи  хонадоршавӣ  сари  наварӯсону домодшавандаҳоро зеб  медиҳанд.

- Дар замони соҳибистиқлолии Ҷумҳурии Тоҷикистон барои занони ҳунарманд тамоми шароиту имкониятҳо фароҳам оварда шудаанд ва  таваҷҷуҳи Ҳукумати ҷумҳурӣ, хосса Сарвари давлат, Пешвои  миллат муҳтарам  Эмомалӣ Раҳмон ба ин самт сол аз сол бештар мегардад,- мегӯяд Гулбегим  Шаҳмирова.
 Аслан бонуи тоҷик аз қадим эҷодкор, ҳунарманд, ободгар буд ва боиси  ифтихор  ҳам  аст, ки ҳунари волои зани тоҷикро оламиён эътироф намудаанд. Дар  замони истиқлолият, даврони  бозгашти  миллатамон  ба  асли  хеш  ба  ин  ҷанба таваҷҷуҳи  бештар  равона  шудааст. Далели  равшани  инро  мо  дар Паёми навбатии  Президенти мамлакат ба Маҷлиси Олии  кишвар мебинем. Сарвари  давлат рушди  ҳунарҳои  мардумиро  дар  баробари умдатарин  вазифаҳои  давлат  арзёбӣ  карда,  аз соли нав фурӯши чунин молу маводро аз пардохти ҳамаи намудҳои андоз озод  намуд. Албатта, ин иқдоми ояндасоз ба тавсеаи ҳунармандӣ дар маҳалҳо бетаъсир намемонад.
- Ҳанӯз хеле  ҷавон будам, ки - мегӯяд ӯ,- модарам ба ман бофандагӣ  ва муҳрабофиву тоқидӯзиро ёд дод. Дар он вақт ман ба модарам мегуфтам, бофандагӣ ва тоқидӯзӣ ба ман чӣ даркор, ман муаллима мешавам. Модарам дар ҷавоб мегуфт, ки муаллимиатро  касе  аз  ту  гирифтанӣ  нест, лекин  ҳунар  ҳам  омӯз, ки  ба  кор  ояд.
Аз соли 2005 ман ба тоқидӯзӣ ва бофандагӣ машғул шудам. Баъди ба нафақа баромаданам  пурра ба ҳунар рӯ овардам. Духтари хурдиам дар ин ҷода ёварам гардид. Ҳар ду то як поси шаб ба дӯхтани тоқӣ машғул шуда, дар як рӯз то се тоқӣ медӯхтем. Маҳсули  дастамон  дар  бозор  харидори  худро  зуд  пайдо  мекард.
Солҳост, ки ба дӯзандагӣ машғул ҳастам ва бо хоҳиши ҳамсоязанҳо духтарон ва келинҳояшонро ба шогирдӣ гирифтаму дар хонаам ба онҳо ҳунар меомӯзам. Ҳар ҳунарманд бояд дар ҳифзи ин пеша худро масъул донад, то ҳунарҳои мардумӣ аз вартаи нестшавӣ эмин монанд.
Гулбегим Шаҳмирова соли 2015 дар Фестивали байналмилалии ҳунарҳои бадеии халқии «Бозори ҳунар» дар шаҳри Кӯлоби вилояти Хатлон иштирок кард. Инчунин, маҳсули дастонаш чун  намунаи  беҳтарини ҳунарҳои  мардумии  вилоят пешкаши тамошобинони  вилояти  Суғд  гардида, баҳои  баландро  гирифтанд.
- Дар оянда, ният дорам, коргоҳамро  васеъ карда, дар  заминаи он  сехи дӯзандагиро ташкил намуда, ҳамчунин, омӯзиши  ҳунари  тоқидӯзӣ,  дарздӯзӣ   ва  дӯхти   либосро  ҳам  ба роҳ монам, - мегӯяд ӯ.
 Раҳмони  ГУЛЗОР,
“Ҷумҳурият”


Баёни ақида (0)    Санаи нашр: 11.01.2018    №: 9    Мутолиа карданд: 382

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед