logo

фарҳанг

ОСОРХОНА. Рӯ ба рушд

Тавре ҳамагон шоҳидем, дар давраи Истиқлолияти давлатӣ ба ташкили осорхонаҳо, ҳамчун махзани ҳифзи ёдгориҳои таърихӣ ва фарҳангии ниёгон ва ба намоиш гузоштани  онҳо, таваҷҷуҳи бештар зоҳир гардид. Дар ин раванд бунёди Осорхонаи миллии Тоҷикистон, таъмиру тармими Осорхонаи ҷумҳуриявии таърихиву кишваршиносии ба номи Абуабдуллоҳи Рӯдакии шаҳри Панҷакент, Осорхонаи таърихиву кишваршиносии вилояти Хатлон, Осорхона - мамнӯъгоҳи ҷумҳуриявии Данғара, Мамнӯъгоҳи таърихӣ - фарҳангии «Ҳулбук», Маҷмааи ҷумҳуриявии осорхонаҳои Кӯлоб, Осорхонаи ҷумҳуриявии ба номи академик Бобоҷон Ғафуров, Осорхонаи таърихии вилояти Суғд,  Осорхонаи таърихии Ҳисор тасдиқи ин гуфтаҳоянд.
Вале дар баробари ин, албатта, фаъолияти осорхонаҳо аз норасоиҳо, ба монанди норасоии мутахассисони соҳибкасб (осорхонашиносон), воситаҳои техникӣ, таҷҳизоти намоишӣ ва амсоли инҳо орӣ нест.
Тавре коршиносон таъкид месозанд, пайвасти осорхона ва тамошогарон ба воситаи нигораҳо ба амал меояд. Аз ин рӯ, кормандони соҳаро зарур аст, ки онҳоро бояд дар сатҳи баланди  илмию бадеӣ тартиб диҳанд, зеро он ба масъалаи рӯҳияи гиромидошти арзишҳои фарҳанги миллӣ иртибот мегирад.
Тоҷикистон барҳақ, кишвари биҳиштосост, диққат ва таваҷҷуҳи сайёҳон ба он бештар шуда истодааст. Боиси ифтихормандист, ки бо пешниҳоди Сарвари давлат соли 2018 - Соли рушди сайёҳӣ ва ҳунарҳои мардумӣ эълон гардид. Ин иқдом кормандони осорхонаҳоро вазифадор менамояд, ки дар самти хизматрасонӣ ба сайёҳон ва таблиғу намоиши санъати волои ҳунармандӣ тамоми ҷидду ҷаҳди хешро ба роҳ монанд. Таблиғи осори ниёгон ба воситаи ВАО ва буклетҳо, ташкили намоишҳои сайёр ба мавзеъҳои дурдасти кишвар аз манфиат дур нахоҳад буд.
Тадриҷан бояд биноҳои осорхонаҳои Тоҷикистон бо тарҳи миллӣ ороиш дода шаванд. Ҳар як осорхона  вобаста ба мазмуни фаъолиятнокӣ дорои рамзи худ гардад. Масалан, дар пештоқи бинои Осорхонаи ҷумҳуриявии таърихиву кишваршиносии ба номи Рӯдакии Панҷакент рамзи Саразми бостонӣ гузошта шудааст.
Бо риоя намудани чунин тарзи коргузорӣ фаъолияти касбии осорхонаҳо рушду нумӯи тоза пайдо намуда, барои тарбияи маънавии шаҳрвандон, ҳифзу гиромидошти арзишҳои фарҳангӣ пурсамар хоҳад буд. Ҳамасола бо дастгирии Пешвои миллат муҳтарам Эмомалӣ Раҳмон музди маоши кормандони осорхонаҳо низ зиёд гардида истодааст. Ин ғамхории бузург кормандони осорхонаҳоро ба фаъолияти пурсамар ҳидоят менамояд.
Фотима РОФИЕВА,    
директори Осорхонаи ҷумҳуриявии таърихию кишваршиносии ба номи Абуабдуллоҳи Рӯдакии шаҳри Панҷакент


Баёни ақида (0)    Санаи нашр: 11.01.2018    №: 9    Мутолиа карданд: 224

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед