logo

иҷтимоиёт

ПАНҶ. ОБРАСОНҲО СОҲИБИ ҶОИЗА ШУДАНД

Корхонаи давлатии фаръии обтаъминкунии (КДФО) ноҳияи Панҷ барои татбиқи саривақтӣ ва босифати лоиҳаи «Такмили системаи обтаъминкунӣ дар ноҳияи Панҷи вилояти Хатлон» сазовори ҷоизаи «Лоиҳаи беҳтарини JICA дар Осиёи Миёна» гардид. Маросими ҷоизасупорӣ дар меҳмонхонаи «Серена» - и пойтахт баргузор шуд.
Созишнома оид ба татбиқи лоиҳа байни Ҳукумати Ҷумҳурии Тоҷикистон ва Агентии ҳамкориҳои байналмилалии Ҷопон 27 июни соли 2014 ба имзо расида буд. Татбиқи лоиҳа, ки сохтмон ва васлкунии хати оби нӯшокӣ дар ноҳияи Панҷ, сохтмони бинои маъмурии корхона, бунёди биноҳои безараргардонӣ, манораҳои обфишор бо ҳаҷми 1800 метри мукааб дар шаҳраки Панҷ ва 250 метри мукааб дар маҳаллаи Сармантой, кандани 6 чоҳи амудӣ дар шаҳраки Панҷ ва маҳаллаи Сармантойро фаро мегирифт, бо ҷалби 15,5 миллион доллари ИМА моҳи январи соли 2015 оғоз ёфт.
Дар доираи лоиҳа 94,6 км хати обгузар  азнавсозӣ ва дар маҳаллаи Сармантой хатҳои обгузари системаи обтаъминкунӣ васл карда шуданд.
- Самари татбиқи лоиҳа аллакай хуб эҳсос мешавад. Шумораи муштариён то амалишавии лоиҳа 1929 нафар буда, муштариён обро бе ҳисобкунак истифода мебурданд. Пас аз амалишавии лоиҳа шумораи истифодабарандагон ба 5000 расид. Ҳамаи муштариён бо обҳисобкунак таъминанд. Назоратчиён маблағи истфодаи обро бе мушкилӣ ҷамъоварӣ менамоянд, - гуфт Асомиддин Асламов, директори КДФО – и ноҳияи Панҷ.
Аз тарафи мушовирони лоиҳа дар ҳолати рӯ ба рӯ шудан ба мушкилӣ ба назораткунандагон тавсияҳои техникӣ дода мешавад. Тибқи дастурамал корхона шабонарӯзӣ  фаъолият намуда, сокинони 4700 хоҷагӣ дар шаҳраки Панҷ ва 2000 хоҷагӣ дар маҳаллаи Сармантойро бо оби тозаи нӯшокӣ бе танаффус таъмин менамояд. Барои бехатарӣ ва беҳтар нигоҳ доштани низоми обтаъминкунӣ ҳамарӯза таркиби оби нӯшокӣ аз ҷониби нозирон бо таҷҳизоти ҳозиразамони электронӣ санҷида, безараргардонии об, бехатарии экологӣ ва нигоҳдории ҳаҷми муайяни хлор назорат карда мешавад. Тибқи нақша, дар оянда кори  муҳосиботи  корхона  пурра ба системаи электронӣ мегузарад.
- Дар баробари ин, байни Ҳукумати Ҷумҳурии Тоҷикистон ва Ҳукумати Ҷопон барои фаъолияти муназзами системаи обтаъминкунии ноҳияи Панҷ санади нави ҳамкорӣ ба имзо расида, татбиқи лоиҳаи «Системаи идоракунии ҳамкориҳои техникӣ барои кор бо таҷҳизоти насбшуда» оғоз гардидааст, - гуфт А. Асламов.
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 12.01.2018    №: 10    Мутолиа карданд: 369

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед