logo

иҷтимоиёт

ДАР ПАЙИ ШУКУФОИИ ДИЁР

Мақомоти иҷроияи маҳаллии ҳокимияти давлатии ноҳияи Тоҷикобод фаъолиятро дар асоси талаботи қонунҳои Ҷумҳурии Тоҷикистон, дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва қарорҳои Ҳукумати Ҷумҳурии Тоҷикистон ба роҳ монда, соли 2017 - ро бо як қатор нишондиҳандаҳои назаррас ҷамъбаст намуд. Иҷрои нақшаи чорабиниҳо, ки аз Паёми Президенти мамлакат, Стратегияи миллии рушди иҷтимоию иқтисодӣ ва барномаҳои давлатии Ҷумҳурии Тоҷикистон бармеоянд, мавқеи меҳварӣ доштанд.
Нақшаи даромадҳои давлатӣ дар маҷмӯъ 4 миллиону 638 ҳазор сомониро дар бар гирифта, ба андозаи 102 дарсад иҷро гардид.
Дар ноҳия 1399 субъекти соҳибкории фаъол ба қайд гирифта шудааст. Барои рушди соҳибкории хурду миёна дар доираи иҷрои дастури Сарвари давлат ба соҳибкорони ноҳия аз ҳисоби Барномаи шуғли аҳолӣ ба маблағи беш аз 190 ҳазор сомонӣ қарзҳои имтиёзнок дода шудааст. Ҳамчунин, барои фаъолияти бомароми соҳибкорон соли гузашта ба онҳо аз ҷониби бонкҳои давлатӣ, тиҷоратӣ ва муассисаҳои хурди қарздиҳӣ 2 миллиону 197 ҳазору 467  сомонӣ ҷудо гардид.
Ҳаҷми маҳсулоти умумии кишоварзӣ  дар қиёс ба соли пешӣ 3,4  миллион сомонӣ афзуда, 131,3 миллион сомониро ташкил дод. Картошкакорӣ бахши муҳим ва афзалиятноки  соҳаи кишоварзии ноҳия ба ҳисоб меравад. Соли гузашта бо мақсади иҷрои дастуру супоришҳои Сарвари давлат бобати рушди картошкакорӣ майдони кишти он ба 1000 гектар расонда (назар ба соли гузашта 42 гектар зиёд), 21 ҳазору 923 тонна картошка истеҳсол карда шуд.
Дар майдони 19,2 гектар боғи нав бунёд ёфт, ки аз ин 1,2 гектарашро боғи интенсивӣ ташкил медиҳад.
Ҳаҷми умумии истеҳсоли маҳсулоти саноатӣ 23 дарсад зиёд гардида, 3 миллиону 900 ҳазор сомониро ташкил намуд.  Соли 2017 коргоҳҳои нави саноатии атласу адрасбофӣ ва либосдӯзӣ ба кор шурӯъ намуданд.
Дар ноҳия 43 муассисаи таълимӣ бо фарогирии 9400 хонанда фаъолият дорад. Дар онҳо 586 омӯзгор, аз ҷумла 363 нафар бо маълумоти олӣ, машғули кор мебошанд. Дар интиҳои соли хониши гузашта 218 хатмкунандаи синфи 11  (аз 335 нафар) аз қайди маркази миллии тестӣ гузашта, 152 нафар ба муассисаҳои олии касбии кишвар дохил гардиданд, ки нисбат ба соли пеш 49 нафар зиёд мебошад. Соли сипаригашта тибқи Квотаи президентӣ 21 нафар ба муассисаҳои олии касбии кишвар дохил шуд.
Дар ноҳия чор шифохона, 5 маркази саломатӣ ва 21 бунгоҳи тиббӣ ба аҳолӣ хизмат мерасонанд. Таъмири асосии бинои маъмурии беморхонаи марказии ноҳия, қисмати берунии шуъбаи бемориҳои даруна ва беморхонаи минтақавии Ҷамоати деҳоти Ширинчашма ба анҷом расид. Соҳибкорони маҳаллӣ шуъбаи касалиҳои сироятии беморхонаи марказии ноҳияро пурра таъмир карда, ба истифода доданд.
Сохтмончиён ба маблағи 4 миллиону 504 ҳазор сомонӣ корҳои пудратӣ, аз ҷумла аз ҳисоби маблағҳои буҷети  маҳаллӣ ба андозаи 354 ҳазор сомонӣ, корҳои сохтмону васлгариро ба иҷро расонданд. Сохтмони бинои маъмурии суди ноҳия, таъмири беморхонаи минтақавии Ҷамоати деҳоти Ширинчашма ва муассисаи таълимии рақами 10 идома дорад.
Мутаассифона, дар қатори комёбиҳо камбудиҳо низ ҷой доранд. Ба фонди ҳифзи иҷтимоӣ назар ба нақша камтар маблағ ворид шудааст. Ҳосилнокии заминҳои кишт ҳанӯз кам аст. Соли 2011 дар деҳаи Нӯшори Боло якумин корхонаи саноатӣ - заводи хишт бо иқтидори 2,5 миллион дона дар як сол бо харҷи 500 ҳазор сомонӣ сохта ба истифода дода шуд ва беш аз 30 коргар бо ҷойи кори доимӣ таъмин гардид. Аммо аз сабаби дуруст ба роҳ намондани кор корхона муфлис гардида, фаъолият надорад. Бинои касалхонаи марказии ноҳия куҳнаю фарсуда гардида, зарурати сохтмони бинои наву ҳозиразамон пеш омадааст. Норасоии кадрҳои баландихтисос, хусусан дар соҳаи нигоҳдории  тандурустӣ, эҳсос мешавад.
Мо дар оғози роҳи сиёсати нави давлат ва бартараф  намудани монеаҳои зиёди зиндагии мардуми хеш қарор дорем.
Бовари комил дорам, ки бо дастгирию пуштибонии мардуми сарбаланди ноҳия пешрафту тараққиёт ва ободию шукуфоии диёри азизамонро таъмин карда, шароити зиндагии арзандаро фароҳам меоварем.
Нодираи МАҲМАДИСО,
раиси ноҳияи Тоҷикобод


Баёни ақида (0)    Санаи нашр: 12.01.2018    №: 10    Мутолиа карданд: 230

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед