logo

сиёсат

ПАЁМ. МАРҲИЛАИ НАВИ РУШДИ МУНОСИБОТ БО ҶАҲОНИ МУОСИР

Дар Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ самтҳои асосии сиёсати хориҷӣ ҳамаҷониба таҳлил шуданд. Пешвои миллат дурустӣ, воқеӣ ва судовар будани сиёсати «дарҳои кушода» - ро, ки меҳвари аслии муносибатҳои мо бо ҷаҳони муосир мебошад, таъкид карданд. Зеро ин сиёсат тавонист, ки доираи шарикони стратегиро афзоиш дода, барои таъмини фаъолнокии кишварамон дар созмонҳои байналмилалӣ ва минтақавӣ заминаи мусоидро фароҳам оварад.
Зимни ироаи Паём ба самтҳои асосии сиёсати хориҷӣ диққати махсус зоҳир гардид, ки минбаъд дар сиёсати байналмилалии кишвар мақоми хос доранд:
Якум, дар сиёсати хориҷии Ҷумҳурии Тоҷикистон ҳамкориҳои дуҷониба ва бисёрҷониба бо кишварҳои узви Иттиҳоди Давлатҳои Мустақил ва Осиёи Марказӣ мавқеи хос дорад. Тавре маълум, соли 2018 Ҷумҳурии Тоҷикистон раёсати ИДМ - ро ба уҳда дорад ва чунонки Пешвои миллат қайд намуданд, «…мулоқоти сарони давлатҳо ва ҳукуматҳои кишварҳои аъзо соли оянда дар Тоҷикистон аз муҳимтарин чорабиниҳои раёсати мо арзёбӣ мегардад...».
Дуюм, 22 марти соли 2018 дар Рӯзи ҷаҳонии об раванди татбиқи ташаббуси нави глобалии Тоҷикистон – Даҳсолаи байналмилалии амал "Об барои рушди устувор, 2018 - 2028" расман оғоз мегардад. Вобаста ба ин, дар мамолики гуногуни ҷаҳон, аз ҷумла кишвари мо, чорабиниҳои муҳим баргузор мешаванд. Баргузории чорабинии мазкур дар мамлакати мо, пеш аз ҳама, имиҷи Тоҷикистонро ба ҷомеаи ҷаҳонӣ ҳамчун кишвари ташаббускору башардӯст муаррифӣ менамояд. Гузашта аз ин, дар Соли рушди сайёҳӣ ва ҳунарҳои мардумӣ баргузор гардидани чорабиниҳои сатҳи байналмилалӣ шароит фароҳам меорад, ки имкониятҳои сайёҳӣ ва ҳунарҳои милливу мардумӣ тарғибу ташвиқ шаванд.
Сеюм, соли 2018 ҷаласаи сарони ҳукуматҳои кишварҳои аъзои Созмони ҳамкории Шанхай баргузор хоҳад гашт, ки аз ҷониби Пешвои миллат хеле муҳим арзёбӣ гардид. Вақтҳои охир дар гӯшаҳои гуногуни олам нооромиҳо торафт паҳн шуда, таҳдиду хатарҳои глобалӣ имрӯз тамоми кишварҳои ҷаҳонро нигарон кардаанд. Махсусан, терроризму ифротгароӣ ва тундгароии хушунатомез дар баъзе кишварҳои узви созмони мазкур ба вуқӯъ пайваста истодаанд. Бинбар ин, аъзои созмони мазкурро зарур аст, ки ба хотири таъмини суботу оромӣ ҳамкориҳои амниятиро тақвият бахшанд.
Чорум, ҳамкориҳои гуногунҷанбаи Тоҷикистон бо кишварҳои Осиё, мисли Ҷумҳурии Мардумии Чин, ҷумҳуриҳои Афғонистон, Эрон, Покистон, Туркия, Ҳиндустон, Ҷопон, Корея ва ғайра дар сиёсати хориҷӣ авлавият доранд. Мо имрӯз бо аксари ин кишварҳо дар доираи ҳамкориҳои сиёсиву амниятӣ, иқтисодиву иҷтимоӣ ва фарҳангиву илмӣ як қатор қарордоду шартномаҳоро ба имзо расондаем. Чуноне ки Пешвои миллат қайд намуданд, минбаъд низ ҳамкориҳоро дар чунин рӯҳияи созанда бо ҳамаи кишварҳои Осиё идома хоҳем дод.
Панҷум, тавре Пешвои миллат таъкид намуданд, Тоҷикистон хостори барқарор шудани сулҳу субот дар Афғонистон буда, аз ҷомеаи ҷаҳонӣ даъват ба амал меорад, ки барои дастгирии рушди иҷтимоиву иқтисодӣ ва беҳтар намудани вазъи амниятии ин кишвар кумакҳои амалии худро бештар афзоиш диҳанд. Барқарор шудани сулҳу оромӣ дар ин кишвар на танҳо барои минтақаи Осиёи Марказӣ, балки барои кишварҳои минтақаи Аврупову Амрико низ хеле муҳим мебошад.
Шашум, Тоҷикистон кӯшиш менамояд, ки ҳамкориҳои судмандро бо кишварҳои Аврупо ва Амрико минбаъд низ тақвият диҳад. Имрӯз ҳамкории Ҷумҳурии Тоҷикистон бо ин кишварҳо дар самти дуҷониба ва бисёрҷониба чандин шартномаҳои байниҳукумативу байнипарлумонӣ амалӣ гардида истодаанд. Ҳукумати Ҷумҳурии Тоҷикистон ҳар чи бештар ҳамкории илмӣ, иқтисодӣ ва сиёсии худро бо кишварҳои минтақаи мазкур тақвият бахшида, ҷалби сармояи хориҷӣ дар соҳаҳои энергетика ва ҷалби мутахассисони баландихтисосро ба соҳаҳои низоми бонкӣ ва маориф ба роҳ монад.
Ҳафтум, масъалаи дигаре, ки Пешвои миллат муҳтарам Эмомалӣ Раҳмон дар самти сиёсати хориҷӣ таъкид намуданд, ин фаъол намудани муносибат ва ҳамкориҳо бо кишварҳои ҷануби Африқо ва Амрикои Лотинӣ ба шумор меравад.
Ҳамин тавр, Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ самтҳои асосии сиёсати хориҷии мамлакатро матраҳ ва дар навбати худ фаъолияти ниҳодҳои давлатӣ ва, умуман, ҷомеаи моро барои як марҳалаи томи оянда муайян намуд. Иҷрои саривақтии дастуру ҳидоятҳои дар он зикршуда ба рушди устувори мамлакат ва фардои дурахшони кишвар такони ҷиддӣ хоҳад бахшид.

Табассум АЗИМЗОДА,
мутахассиси пешбари раёсати таҳлил ва ояндабинии сиёсати хориҷии
Маркази тадқиқоти стратегии назди Президенти Ҷумҳурии Тоҷикистон


Баёни ақида (0)    Санаи нашр: 12.01.2018    №: 10    Мутолиа карданд: 619
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед