logo

фарҳанг

ПАЁМ. ФАРДО АЗ ИМРӮЗ ДУРАХШОНТАР АСТ!

Дар низоми давлатдории муосири тоҷикон Паёми солонаи Президенти Ҷумҳурии Тоҷикистон ба Маҷлиси Олӣ ҳамчун ҳуҷҷати барномавии сиёсию ҳуқуқӣ, иқтисодию фарҳангӣ ва дорои афзалиятҳои давлатдории миллӣ шинохта шудааст.

Аз ҳамин дидгоҳ Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии мамлакат, ки моҳиятан дастури сабақомӯз ва ҳидоятнома ба фардои боз ҳам дурахшон аст, мардуми шарафманди тоҷикро вориди боз як марҳалаи нави рушд хоҳад кард. Бешак, мо аз Паём то Паём шоҳиди дигаргуниҳои азими иқтисодиву иҷтимоӣ, ҳуқуқию фарҳангӣ ва шукуфоиҳои беназирем, ки дар маҷмӯъ ба раванди рушди бонизоми кишвар таъсири мусбат гузоштаанд. Сиёсати бобарори дохилӣ, роҳандозии робитаҳои  мутавозини хориҷӣ, ки тарҳи аслии онҳо аз нишондодҳои Паёми Президенти мамлакат ба Маҷлиси Олӣ бармеоянд, сол ба сол нуфузи кишвари моро дар арсаи байналмилалӣ боло мебарад.
Таъмини волоияти қонун, ҳифзи ҳуқуқу озодиҳои инсон ва шаҳрванд, дар ин замина баланд бардоштани самаранокии фаъолияти мақомоти ҳифзи ҳуқуқ, аз ҷумла мақомоти судӣ, аз мавзӯъҳои калидие ба шумор мераванд, ки дар ҳар Паёми Сарвари давлат  мавқеи  хос доранд. Дар ин замина ба манзури таҳкими низоми ҳуқуқиву судӣ се барномаи ислоҳот ва як қатор санадҳои меъ-ёрии ҳуқуқии дахлдор ба тасвиб расиданд. Татбиқи босамари барномаи ислоҳот тавонист, ки  дар шаклгирии низоми боадолати судӣ, мустаҳкам гардидани сохтор, ҳалли масоили иҷтимоии он, тавсеаи муносибатҳои байналмилалии ҳокимияти судӣ заминаи воқеӣ гузорад. Зеро бо фароҳам овардани заминаҳои қонунӣ, ворид намудани тағйиру иловаҳои дахлдор ба санадҳои танзимкунандаи фаъолияти мақомоти судӣ мавқеъ ва нақши низоми судии кишварамон боло рафта, дар маҷмӯъ як марҳалаи сифатан навро дар таърихи ҳокимияти судии кишвар ташаккул бахшид.
Мо, кормандони ҷавони мақомоти судии кишвар, аз он сарфарозем, ки дар партави сиёсати ояндабинонаи Пешвои муаззами миллат ҳамеша аз имтиёзу дастгириҳои зиёд бархӯрдорем. Тавре маълум аст, дар доираи татбиқи сиёсати давлатии ҷавонон, ки аз ибтидо дар меҳвари таваҷҷуҳи Ҳукумати ҷумҳурӣ қарор дошт, институтҳои муҳими кор бо ҷавонон дар сатҳи ҳукуматӣ ва муассисаҳои таълимӣ созмон ёфта, ба ҳузури васеи ҷавонон дар умури давлатдорӣ мусоидат намуданд.
Айни ҳол дар баробари дигар соҳаҳо нақши ҷавонон дар пешрафти кори мақомоти ҳифзи ҳуқуқ, аз ҷумла судҳо, низ назаррас мебошад. Дар зарфи як соли охир бо Фармони Президенти Ҷумҳурии Тоҷикистон бори нахуст ба вазифаи судягӣ таъйин гардидани беш аз 60 нафар кадрҳои ҷавон, ки дорои таҷрибаи корӣ ва маҳорати хуби касбӣ мебошанд, далели ин гуфтаҳост. Дар мақомоти судии кишвар, аз ҷумла Суди Олии иқтисодӣ, бо ҷонибдорӣ аз сиёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастгирии кадрҳои ҷавон ва нақши онҳо дар таҳкими фаъолияти мақомот авлавият дода мешавад. Аз ҷумла, кормандон ва судяҳои ҷавон мунтазам ба курсҳои омӯзишии  такмили ихтисос фаро гирифта мешаванд, ки ба нафъи кор аст. Зеро давраҳои омӯзишӣ  дар баланд бардоштани малакаю дониши касбии кормандони ҷавон такони тоза бахшида, ба таҳия ва қабули санадҳои қонуниву асоснок, омодасозии ҳуҷҷатҳои мурофиавӣ, тартиби баҳои ҳуқуқӣ додан ба далелҳои парванда ва дигар самтҳои пешбурди адолати судӣ мусоидат менамояд.
Бо итминон метавон гуфт, ки кормандони мақомоти судии кишвар, бахусус кормандони ҷавони соҳа, фаъолияти хизматии худро дар партави дастуру ҳидоятҳои Пешвои муаззами миллат ба роҳ монда, саҳми арзандаи худро дар таъмини адолати судӣ, пешрафту шукуфоии Ватани маҳбубамон мегузоранд.

Фаррух ВАЛИЗОДА, мутахассиси пешбари Раёсати таъмини ташкили кори судҳо, ҷамъбасти амалияи судӣ, омори судӣ ва арзу шикоятҳои Суди Олии иқтисодии Ҷумҳурии Тоҷикистон


Баёни ақида (0)    Санаи нашр: 15.01.2018    №: 11    Мутолиа карданд: 264

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед