logo

иқтисод

САНҶИШҲОИ БЕАСОС. ЧАНД ПАҲЛУИ ЯК ПРОБЛЕМА

Аз санҷишҳои ғайринақшавӣ то такрорӣ
Тибқи маълумоти расмӣ, дар ҷумҳурӣ соли сипаришуда 187 ҳазору 356 санҷиши фаъолияти субъектҳои хоҷагидор гузаронда шудааст, ки аз ин 31 ҳазору 107 санҷиш ғайринақшавӣ ва 20 ҳазору 833 санҷиш такрорианд. Қариб 80 дарсади санҷишҳо ба се мақомот - Хадамоти оташнишонии Вазорати корҳои дохилии Ҷумҳурии Тоҷикистон, Хадамоти назорати давлатии санитарию эпидемиологии Вазорати тандурустӣ ва ҳифзи иҷтимоии аҳолии ҷумҳурӣ ва агентии «Тоҷикстандарт» рост меоянд. Санҷишҳои мақомоти андоз, Прокуратураи генералӣ, Палатаи Ҳисоб, Агентии назорати давлатии молиявӣ ва мубориза бо коррупсия, ҳамчунин, Хадамоти гумрук ва Бонки миллӣ дар ин қатор ба ҳисоб гирифта нашудаанд. Дар маҷмӯъ, фаъолияти субъектҳои хоҷагидорро 78 мақоми санҷишу назорат ва  иҷозатномадиҳанда тафтиш мебаранд ва ба ҳисоби миёна ба ҳар як шахси ҳуқуқӣ 5 санҷиш рост меояд. Мутаассифона, бисёре аз санҷишҳо беасос ва такрорӣ буда, ба соҳибкорон имкон намедиҳанд, ки фаъолияти худро, махсусан дар самти рушди соҳибкории истеҳсолӣ, дилпурона ба роҳ монанд.

Нигаронӣ ва тасмими Сарвари давлат
Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олии Ҷумҳурии Тоҷикистон, ба ин масъала таваҷҷуҳи махсус зоҳир намуда, аз кори баъзе мақомоти санҷишӣ изҳори нигаронӣ карданд. Барои бартараф намудани санҷишҳои беасос ва кам кардани дахолати мақомоти санҷишӣ ба фаъолияти шахсони ҳуқуқӣ супориш доданд, ки дар давоми ду сол ба истиснои панҷ сохтори масъул ба санҷишҳо моратория   эълон карда шавад. 

Санҷиши 28 мақоми санҷишӣ
Бо ин мақсад дар ҷаласаи навбатии Шӯрои ҳамоҳангсози фаъолияти мақомоти санҷишӣ таҳти роҳбарии муовини аввали  Сарвазири  мамлакат  ва раиси шӯро Давлаталӣ Саид фаъолияти 28 мақомоти санҷишӣ мавриди таҳлил ва баррасӣ қарор гирифт. Таҳлилҳо нишон доданд, ки 13 мақомоти санҷишӣ аз рӯйи нақша бояд 11 ҳазору 223 санҷиш мегузаронданд, вале онҳо риояи нақшаи тасдиқшударо хилофи назар карда, беш аз 60 ҳазор санҷиш гузарондаанд. Аз ҷумла, Хадамоти давлатии назорат ва танзим дар соҳаи нақлиёт баргузории 324 санҷишро дар нақша дошт, аммо хадамот дар давоми як сол 14 ҳазор санҷиш гузарондааст, ки назар ба нақша 44 маротиба зиёд мебошад. Аз ин лиҳоз, аз Хадамоти давлатии назорат ва танзим дар соҳаи нақлиёт даъват ба амал оварда шуд, ки нисбат ба кам кардани рейдҳои беасос чораҳои қатъӣ андешад. Ба агентии «Тоҷикстандарт» низ барои минбаъд мақсаднок гузарондани санҷишҳо чанд пешниҳод ироа гардид.

Санҷишҳо чандон таъсиргузор нестанд
Мутаассифона, санҷишҳо дар бартарафсозии вазъ ва пешгирии воридоти маҳсулоти пастсифат ба бозори истеъмолӣ ҳанӯз таъсири назаррас  намегузоранд. Барои мисол, дар 11 моҳи соли 2017 дар ҷумҳурӣ аз ҷониби агентӣ 72 тонна маҳсулоти пастсифати гӯштӣ ошкор шудааст ва ин нишондиҳанда ба ҷойи кам шудан, баръакс, зиёд гардидааст. Танҳо дар моҳи декабр дар шаҳри Душанбе ва вилояти Суғд дар маҷмӯъ 160 тонна маҳсулоти пастсифат ошкор шуд. Маҳз ба хотири кам кардани чунин омили ба солимии аҳолӣ зиёновар ба як низоми муайян ва натиҷабахш даровардани санҷишҳо зарур мебошад.  

Санҷишҳо бояд ба талабот ҷавобгӯ бошанд
Файзиддин Қаҳҳорзода, раиси Кумитаи давлатии сармоягузорӣ ва идораи амволи давлатӣ, дар ин бора иброз дошт, ки санҷишҳо бояд шаффоф ва ҷавобгӯ ба талаботи муосир бошанд. Риоя нашудани муҳлати санҷиш, такрори ваколатҳои мақомоти санҷишӣ, риоя нашудани қонунҳои амалкунанда аз ҷониби шахсони мансабдори мақомоти санҷишӣ вазъро печидатар месозанд. Сарфи назар аз он ки шумораи санҷишҳо дар муқоиса ба нақшаи соли гузашта зиёд мебошанд, ҳаҷми ҷаримаҳо 24,4 миллион сомонӣ коҳиш ёфтааст, ки ин ҳол номутаносибии байни рақамҳоро нишон медиҳад.               
Сохторҳои масъул барои ҳар чи зудтар бартараф кардани камбудиҳо мақоми ягонаи санҷишӣ ва иттилоотии идоракунӣ таъсис доданианд. Кор дар ин самт ҷараён дорад.
О. ВАФОБЕК, «Ҷумҳурият»


Баёни ақида (0)    Санаи нашр: 16.01.2018    №: 12-13    Мутолиа карданд: 458
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед