logo

иҷтимоиёт

ДУШАНБЕ. БАРДОШТ АЗ СОЛЕ, КИ ГУЗАШТ

«Пойтахт симо ва ойинаи давлату миллат буда, рафъи камбудиву мушкилоти мавҷуда ва ба ҷаҳониён ба таври арзанда муаррифӣ кардани он вазифаи на фақат мақомоти шаҳрдорӣ, балки тамоми сохтору мақомоти давлатӣ, ҳамаи хизматчиёни давлатӣ ва шаҳрвандони Тоҷикистон мебошад». Чунин таъкид намуданд Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  зимни суханронӣ дар мулоқот бо фаъолони шаҳри Душанбе.
Рӯзномаи «Ҷумҳурият» тасмим гирифт роҷеъ ба татбиқи амалии дастурҳои Пешвои муаззами миллат дар самти бунёдкорӣ дар як соли охири шаҳри Душанбе ба хонандагон маълумоти мухтасар диҳад.  


ДУШАНБЕ - ПОЙТАХТИ ТОҶИКИСТОН
Мувофиқи Қонуни нави Ҷумҳурии Тоҷикистон «Дар бораи мақоми пойтахти Ҷумҳурии Тоҷикистон» шаҳри Душанбе пойтахти Ҷумҳурии Тоҷикистон, воҳиди марзиву маъмуриест, ки мақоми махсуси давлатӣ дорад. Он қароргоҳи расмии Президенти Ҷумҳурии Тоҷикистон, маҳали нигоҳдории нусхаи асли матни Конститутсияи Ҷумҳурии Тоҷикистон ва ҷойи тайёр кардани шакли аслии рамзҳои давлатии Ҷумҳурии Тоҷикистон мебошад.

ШАҲРИ САЙЁҲӢ
Душанбе дар раддабандии (рейтинги) шаҳрҳои аз нигоҳи туризм ояндадор ҷойи аввалро соҳиб шуд. Ин раддабандиро маҷаллаи сайёҳии «34 travel» бар асоси таҳқиқоти ширкати машҳури  амрикоӣ «Mastercard», ки яке аз ширкатҳои бузурги трансмиллии молиявии ИМА маҳсуб меёбад,  таҳия кардааст.

НАВБАТДОРИИ ШАБОНАРӮЗӢ
Бо  мақсади таъмини фаъолияти муназзами соҳаҳои ҳаётан муҳими хоҷагидорӣ, зоҳир намудани вокуниши фаврӣ ва мусоидат ба ҳаллу фасли саривақтии муроҷиатҳо  ва мушкилоти ҳамарӯзаи шаҳрвандон дар мавсими сармо бо қарори раиси шаҳр ҷадвали навбатдории шабонарӯзии роҳбарияти шаҳр ва ноҳияҳои он ба тасвиб расид.

ТАНЗИМИ ҲАРАКАТИ НАҚЛИЁТИ МУСОФИРБАР
Бо мақсади танзим ва сифати баланди хизматрасонии нақлиётӣ ба сокинони пойтахт 23 марти соли 2017 мақомоти иҷроияи ҳокимияти давлатии шаҳри Душанбе 64 адад автобуси мусофиркаши тамғаи «ISUZU» - ро  ба Душанбе ворид  намуд, ки ҳоло ба сокинону меҳмонони пойтахт хизмат мерасонанд. То воридшавии автобусҳои боқимонда дар роҳҳои пойтахт микроавтобусҳои наве, ки зиёда аз 16 ҷойи нишаст доранд, мусофир мекашонанд. Танбашавии воситаҳои нақлиёт дар роҳҳо кам шуд.

ИСТГОҲҲОИ НАМУНАВӢ
Моҳи августи соли гузашта бо иштироки раиси шаҳр нахустин истгоҳи намунавӣ барои нақлиёти ҷамъиятии шаҳрӣ рӯнамоӣ гардид. Он дар мутобиқат бо меъёрҳои байналмилалӣ ва бо назардошти сабку услуби меъмории миллӣ бунёд гардида, аз ҷойи нишаст, нуқтаи фурӯши маҷаллаву рӯзномаҳо ва кортҳои электронии пардохти роҳкиро, таблоҳои электронӣ барои пешниҳод намудани маълумот ба сокинону меҳмонони пойтахт доир ба замон ва шумораи хатсайрҳо ва таблоҳои таблиғотӣ иборат буда,  дар онҳо нуқтаи хизматрасонии телефони шаҳрӣ насб гардида, ҳудуди истгоҳ тавассути камераҳои мушоҳидавӣ назорат карда мешавад. Айни ҳол  сохтмони 36 адад истгоҳи намунавӣ идома дорад.
Ҳамчунин, ба хотири танзими нақлиёт нимаи аввали соли сипаришуда, терминали нави мусофирбарии «Озод транс» дар даромадгоҳи қисмати шарқии шаҳри Душанбе ба фаъолият оғоз намуд. Ин гуна терминалҳо дар дигар даромадгоҳҳои шаҳр низ ба истифода дода шуданд.
Татбиқи лоиҳаи «Низоми пардохти электронии роҳкиро ва назорати он дар нақлиёти мусофирбари автомобилии истифодаи умуми шаҳри Душанбе» низ бо ҳамин мақсад роҳандозӣ шудааст.

ТАЪМИНОТ БО ОБИ ТОЗА
Раиси шаҳр истгоҳи обтозакунӣ ва обтаъминкунии «Худҷореъ» - и КВД «Обу корези Душанбе» - ро расман ифтитоҳ намуда, бо пахши тугмаи идора ба фаъолияти обполакҳои зудамали регӣ оғоз бахшид. Сохтмони обполакҳои зудамали регӣ бо мақсади аз байн бурдани мушкилоту норасоии оби тоза ва безараргардонии оби ошомиданӣ дар пойтахт оғоз гардида, иқтидори истеҳсолии он 150 ҳазор метри мукааб об дар як шабонарӯз мебошад.

ТАТБИҚИ НАҚШАИ ГЕНЕРАЛИИ ШАҲРИ ДУШАНБЕ
28 апрели соли 2017 бо Қарори Ҳукумати Ҷумҳурии Тоҷикистон нақшаи генералии шаҳри Душанбе тасдиқ гардид. Барои амалисозии он мақомоти иҷроияи ҳокимияти давлатии шаҳри Душанбе  нақшаи дурнамо тартиб дода, онро давра ба давра  то соли 2025 амалӣ  менамояд. Ҳоло  сохтмони инфрасохтори бахшҳои гуногун, иншооти варзишӣ, биноҳо, боғҳои фарҳангию фароғатӣ ва майдонҳо мутобиқи нақшаи генералии тасдиқшудаи шаҳри Душанбе бунёд меёбанд. Корҳои навсозӣ дар боғҳои фарҳангиву фароғатии ба номи Садриддин Айнӣ ва «Дӯстии халқҳо» ба анҷом расида, ин мавзеъҳо имрӯз ба марказҳои фарҳангию фароғатӣ ва макони дӯстдоштаи сокинону меҳмонони пойтахт табдил ёфтаанд.

БУНЁДИ БОҒУ ГУЛГАШТҲО
Ба истиқболи Ҷашни 20 - солагии Ваҳдати миллӣ  бо иштироки Рустами Эмомалӣ дар пойтахт маркази нави муҳташами истироҳатии «Обшорон» - калонтарин дар ҷумҳурӣ  аквапарк ё худ парки обӣ ба истифода дода шуд. Сохтмони  аквапарк  моҳи  феврали соли  2016 дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар майдони 20000 метри мураббаъ шурӯъ гардида, намунаи муосиру беҳамтои маҷмааи истироҳативу фароғатӣ маҳсуб меёбад.
Ҳамчунин, гулгашти назди истгоҳи вокзали роҳи оҳан то маҷмааи меъмории муҷассамаи Садриддин Айнӣ (дар масоҳати қариб 14 ҳазор метри мураббаъ) пурра навсозӣ гардид.
Дар назди биноҳои истиқоматӣ зиёда аз 80 майдончаи варзишию фароғатии замонавӣ   бунёд гардид, ки боиси хушнудии кӯдакону наврасон ва сокинони шаҳранд.  Бунёди зиёда аз 90 майдончаи варзишию фароғатӣ дар соли равон тарҳрезӣ шудааст.
Бо мақсади фароҳам овардани шароити мусоид барои истироҳату фароғат бахшида ба Соли ҷавонон  МД «Боғи фарҳангӣ - фароғатии «Ҷавонон» таъсис дода шуд. Боғи мазкур дар рӯ ба рӯи шаҳраки донишҷӯёни Донишгоҳи миллии Тоҷикистон дар масоҳати 13,7 гектар доман паҳн менамояд ва дар дохили он 21 суҳбатгоҳ, 2 қаҳвахона, майдончаи варзишӣ ва картодром бунёд мегардад. Дар дохили маҷмааи «Диёри Душанбе»,  воқеъ дар наздикии Кӯли ҷавонон обидаи нави меъморӣ  бо номи  «I  love Dushanbe» («Ман Душанберо дӯст медорам») ифтитоҳ гардид.

ГАРМИИ ПОЙТАХТ ГАРМИИ ДИЛИ СОКИНОН АСТ
Бо ибтикори мақомоти иҷроияи ҳокимияти давлатии шаҳр дар ҳамкорӣ бо вазорату идораҳои дахлдор то саршавии фасли сармо иншооти маъмурӣ, таълимӣ, хобгоҳҳо, муассисаҳои иҷтимоӣ ва биноҳои баландошёнаи истиқоматии шаҳр ба системаи гармидиҳӣ пайваст гардиданд. 28 ноябри соли 2017 дар  маҷлиси навбатии  Ҳукумати Ҷумҳурии Тоҷикистон таъкид шуд, ки дар Душанбе аз ҳисоби ба системаи гармидиҳӣ пайваст кардани хонаҳои истиқоматӣ беш аз 4 миллион киловатт - соат неруи барқ сарфа гардид.

10 ЧОРРОҲАИ СЕСАТҲА ТО СОЛИ 2025
Амалисозии «Барномаи рушди роҳҳои шаҳри Душанбе барои солҳои 2016 - 2020» имкон медиҳад, ки  тӯли 3 сол тамоми роҳҳои пойтахт пурра таъмиру таҷдид ва мумфарш гарданд.
Алҳол бо ташаббуси Ҳукумати Ҷумҳурии Тоҷикистон дар доираи татбиқи лоиҳаи «Таҷдид ва барқароркунии роҳи Душанбе - сарҳади Ӯзбекистон, қитъаи роҳ аз назди муҷассамаи Абуалӣ ибни Сино то дарвозаи ғарбии шаҳри  Душанбе» аввалин чорроҳаи сесатҳа бунёд меёбад. Ҳалқароҳи  нав аз 3 қабат  иборат аст. Инчунин, то соли 2025 даҳ адад ва дар доираи амалишавии нақшаи генералии шаҳр 20 чорроҳаи сесатҳа сохта мешавад.

МАРКАЗҲОИ САВДО ВА БОЗОРҲОИ НАВ
Тибқи  талаботи  нақшаи  генералии  шаҳр  алҳол сохтмони беш аз 200 иншоот, ба монанди марказҳои савдою хизматрасонӣ ва бозорҳо идома дорад. «Меҳргон», ки аксари савдогарони собиқ «Бозори Шоҳмансур»  барои идомаи тиҷорат дар он ҷойгир шудаанд, аввалин бозор аст, ки дар пойтахт бо тарҳи муосир сохта шудаасту ба меъёрҳои байналмилалӣ ҷавобгӯ мебошад. Бунёди марказҳои  бузурги  савдо  рӯ ба афзоиш дорад. Ҳамчунин, меҳмонхонаву тарабхона ва дигар иншооти хизматрасонии  ба сатҳи байналмилалӣ ҷавобгӯ низ сохта мешаванд, ки онҳо барои ба шаҳри сайёҳӣ табдил ёфтани Душанбе шароити мусоид фароҳам меоранд.

РОБИТАИ МУСТАҚИМ
Бо роҳандозӣ гардидани  суроғаи электронии раиси шаҳр сокинони пойтахт имкон  пайдо карданд, ки тамоми камбудиву нуқсонҳоеро, ки мебинанд ё аз мавҷудияти онҳо огоҳ ҳастанд, тавассути телефони мобилӣ сурат ё ба навор гирифта, ҷиҳати сари вақт бартараф кардани онҳо ба суроғаи DUSHANBE80@YAHOO.COM (раиси шаҳр) ирсол намоянд.

КОҲИШИ ШАБГАРДИИ НОБОЛИҒОН
Бо мақсади ҳимояи ҳуқуқу манфиатҳои ноболиғон, пешгирии содиршавии ҳар гуна қонунвайронкуниҳо бо иштироки ноболиғон қарори раиси шаҳр «Дар бораи манъ кардани воридшавии ноболиғон ба марказҳои дилхушӣ ва интернет - кафеҳо дар вақти шабона» ба тасвиб расид. Дар қарори мазкур омадааст, ки воридшавӣ ва будубоши ноболиғон дар марказҳои дилхушӣ ва интернет - кафеҳо дар вақти шабона ва ба фаъолияти меҳнатӣ ҷалб намудани онҳо дар чунин ҷойҳо қатъиян манъ карда шавад. Воридшавии ашхоси ба балоғат расида ба ин ҷойҳо дар асоси шиноснома ё ҳуҷҷати дигари тасдиқкунандаи шахсият ба роҳ монда шуд.

АШҚОБОД - БАРОДАРШАҲРИ НАВИ ДУШАНБЕ
Созишномаи байни мақомоти иҷроияи ҳокимияти давлатии шаҳри Душанбе ва ҳокимияти шаҳри Ашқободро дар бораи барпо намудани муносибатҳои бародаршаҳрӣ байни шаҳрҳои Душанбе ва Ашқобод раиси шаҳри Душанбе Рустами Эмомалӣ ва раиси шаҳри Ашқобод Шамуҳаммет Дурдилиев ба имзо расонданд. Айни замон, Душанбе бо 16 шаҳри давлатҳои ҷаҳон аҳди бародарӣ бастааст.
Шаҳбоз АБРОР, «Ҷумҳурият»


Баёни ақида (0)    Санаи нашр: 16.01.2018    №: 12-13    Мутолиа карданд: 412

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед