logo

туризм

САЙЁҲӢ. БАРОИ РУШДИ ОН ТАМОМИ ШАРОИТҲО МУҲАЙЁ МЕШАВАНД

Бо назардошти иқтидори бузурги сайёҳии кишвар ва саҳми рӯзафзуни он дар иқтисодиёти ҷаҳонӣ Асосгузори сулҳу ваҳдати миллӣ –  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018-ро Соли рушди сайёҳӣ ва ҳунарҳои мардумӣ эълон карданд.

Боиси ёдоварист, ки дар Паёми соли 2016 Сарвари муаззами давлат иброз дошта буданд, ки “Тоҷикистони биҳиштосои мо сарзамини мардуми соҳибмаърифату меҳмоннавоз ва кишвари меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту набобот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад”.
Дарвоқеъ, осори таърихӣ - фарҳангӣ, зебоиҳои нотакрори табиат ва имкониятҳои экотуризм таваҷҷуҳи ҳар чи бештари сайёҳони хориҷиро ба кишварамон ҷалб менамояд. Пас, моро зарур аст, ки аз ин иқтидорҳои худ самаранок истифода барем. Аз ин рӯ, дар асри навин ба кишвари мо ҳар чи бештару фаъолона истифода бурдани фазои маҷозӣ (виртуалӣ) барои таблиғи имкониятҳои соҳаи сайёҳӣ зарур аст. Мутаассифона, дар ҳоли ҳозир имконияти сайёҳии Тоҷикистон пиар - абзори симоофари қавӣ надорад. Имкониятҳое, ки дар ин росто шабакаи ҷаҳонии интернет фароҳам овардааст, нокифоя истифода мегарданд. Наворҳои видеоии амсоли «Tajikistan.Feel the friendship», ки соли 2011 дар шабакаи телевизионии Евронюс барои ҷалби сайёҳон пахш мегардид, бояд хеле бештар бошанд, то бренди сайёҳии Тоҷикистон рушд ёбад. Албатта, дар ин замина ифтитоҳи интернет - саҳифаи Кумитаи рушди сайёҳии назди Ҳукумати Ҷумҳурии Тоҷикистон иқдоми хубест. Дар он оид ба сайёҳӣ дар кишварамон иттилоот кофист, аммо мундариҷаи сомона бояд пайваста таҷдид гардад ва бо маводи навини гуногуни расму видеоӣ мукаммал гардонда шавад. Аз рӯйи имконият фасли ҷудогонаеро дар ин сомона метавон таъсис дод, ки дар он сайёҳон битавонанд таассуроташонро баъди ташриф ба кишварамон боқӣ гузоранд, зеро тавассути онҳо метавон аз мушкилиҳои ҷойдошта маълумот пайдо кард ва, дар ин замина, барои бартарафсозии проблемаҳо тадбир андешид. Дар баробари ин, албатта, бояд ба беҳтар намудани инфрасохтори гардишгарӣ диққати ҷиддӣ дод. Ин масъаларо Президенти мамлакат муҳтарам Эмомалӣ Раҳмон борҳо таъкид кардаанд. Дар суханрониашон дар Шӯрои миллии кор бо ҷавонони назди Президенти Ҷумҳурии Тоҷикистон моҳи майи соли 2016 Пешвои муаззами миллат қайд карда буданд, ки “... дар муқоиса бо давлатҳои дигар инфрасохтори сайёҳӣ дар кишвар то ба ҳол дуруст рушд накардааст ва ба талаботи муосир ҷавобгӯ нест”. Бешубҳа, метавон гуфт, ки тайи ду соли ахир дар ин ҷода корҳои зиёде ба сомон расиданд, вале дар Паёми навбатии худ ба Маҷлиси Олӣ Сарвари давлат боз ҳам зикр карданд, ки “сатҳи иҷрои корҳо дар самти рушди сайёҳӣ, аз ҷумла ҷиҳати бунёди иншоот ва баланд бардоштани сифати хизматрасонӣ, ҳамоно беҳбудӣ металабад”.
Бо итминон метавон гуфт, ки дар ояндаи наздик Ватани азизамон ба яке аз кишварҳои рушдкардаи сайёҳӣ табдил ёфта, сатҳи некуаҳволии мардум боз ҳам баландтар хоҳад гашт. Зеро дар ин ҷода, аллакай, аз ҷониби Ҳукумати мамлакат қадамҳои аввалин гузошта шуданд. Аз ҷумла, воридоти таҷҳизот ва масолеҳи сохтмон барои иншооти сайёҳӣ аз пардохтҳои андозиву гумрукӣ ва ширкатҳои туристӣ дар панҷ соли аввали фаъолияташон аз пардохти андоз аз фоида озод гаштанд, ки барои дар амал татбиқ намудани ин нақшаҳо заминаҳои мусоид фароҳам овардаанд.     
Баҳрӣ БАҲРИЕВ,
аспиранти Донишкадаи давлатии
муносибатҳои байналмилалии Вазорати корҳои хориҷии Федератсияи Русия


Баёни ақида (0)    Санаи нашр: 18.01.2018    №: 14    Мутолиа карданд: 933

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед