logo

иқтисод

ХАТЛОН. ҚАРИБ 5200 ГЕКТАР ЗАМИНИ ОБӢ АЗ ГАРДИШИ КИШОВАРЗӢ БЕРУН МОНД

1. Нигаронии муовини Сарвазир
Гулмаҳмадзода Давлатшоҳ, раиси вилояти Хатлон, дар ҳузури муовини Сарвазири кишвар Маҳмадтоҳир Зокирзода, раисони шаҳру навоҳӣ,  сардорони раёсату идораҳо ва фаъолони вилоят нишондодҳои иқтисодию иҷтимоии соли рафтаро натиҷагирӣ кард.
 Маҳмадтоҳир Зокирзода зимни суханронӣ зикр намуд, ки аз ҳама  зиёд дар сатҳи ҷумҳурӣ - аз гардиши кишоварзӣ берун мондани 5 ҳазору 199 гектар замини корами обӣ дар вилояти Хатлон (яъне 49 дарсад) боиси ташвиши ҷиддии роҳбарияти Ҳукумати мамлакат гардидааст. - Бар замми ин, дар ҳудуди вилоят боз 5 ҳазору 656 гектар замин дар ҳолати ғайримелиоративӣ қарор дорад, - гуфт ӯ.
Масъулони ассотсиатсияҳои истифодабарандагони оби вилоят ҳаққи истифодаи обро пурра ғундошта натавонистанд. Азбаски хоҷагиҳо ҳамагӣ 70 дарсади маблағи обро пардохт карданд, дар миқёси вилоят аз ин ҳисоб ҳанӯз 11,1 миллион сомонӣ бақияи қарз боқӣ мондааст.
- Соли 2017 вобаста ба замин дар маҷмӯъ 5 ҳазору 858 ҳолати қонунвайронкунӣ ошкор шуд, ки ин, мутаассифона, аз соли гузашта 20 дарсад бештар аст. Биноан, мувофиқи мақсад мебуд, агар мутасаддиён назоратро тақвият мебахшиданд, - гуфт муовини Сарвазир.

2. Саноату маориф пешравиҳо чашмрас нестанд
Соли 2017 ҳамагӣ 591 корхонаи саноатии вилоят фаъолият кард, ки ин 22 адад нисбат ба соли 2016 камтар аст. Таъкид шуд, ки ин ноҷӯрии кори соҳаи саноат ба иқтисоди вилоят бетаъсир намонд.
Маҳмадтоҳир Зокирзода, ҳамчунин, оид ба зарурати ба таъмири куллӣ фаро гирифтани роҳҳо ва азнавсозию бунёди мактабҳою муассисаҳои томактабӣ ибрози назар кард. Ба таъкиди ӯ, бояд то соли 2018 дар ҳудуди вилоят барои деҳаҳои навбунёд 20 мактаб сохта мешуд, вале ин масъала ҳанӯз аз мадди назари масъулон дур мондааст. То соли 2020 дар вилоят бояд 365 муассисаи томактабии хусусӣ таъсис ёбад, аммо дар ин росто низ пешравии назаррасе нест.

3. Аз барзиёдии пахта то авҷи коррупсия
Раҷабалӣ Раҷабов, муовини раиси вилояти Хатлон, зикр намуд, ки бо вуҷуди дар сатҳи вилоят барзиёд иҷро шудани нақшаи ҷамъоварии пахта, нишондиҳандаҳои баъзе ноҳияҳо қонеъкунанда нестанд.
Ҳаҷми маблағҳои дар натиҷаи ҷиноятҳои коррупсионӣ тасарруфшуда тамоюли зиёдшавӣ дорад, ки ин ташвишовар аст.
Дар вилоят картошка хеле кам истеҳсол шуда, боиси ба миён омадани мушкилот гардидааст. Гузашта аз ин, дурнамои кишти ин маҳсулот дар шаҳри Қӯрғонтеппа ва ноҳияи Восеъ ҳанӯз ҳам анҷом наёфтааст.
Навоҳии Қубодиён, Ёвон, Муъминобод ва Восеъ дурнамои истеҳсоли маҳсулоти полизиро таъмин карда натавонистанд.
То ҳол дар ҳудуди вилоят 29 сардхонаю яхдони калонҳаҷм ташкил шуда, мавриди баҳрабардорӣ қарор доранд. Дар шароити махсус 59 тонна тухмии хушсифати зироатҳои кишоварзӣ захира гардидааст, аммо ин масъала дар шаҳри Норак ҷавобгӯйи талабот нест.

4. Дурнамо иҷро нашуд
Дурнамои пиёзи барвақтӣ дар навоҳии Қубодиён, Восеъ, Панҷ, Мир Сайид Алии Ҳамадонӣ иҷро нашуд. Саршумори паранда дар ноҳияи Муъминобод ва моҳӣ дар шаҳри Норак коҳиш ёфт. Тараққӣ бахшидани соҳаи занбӯриасалпарварӣ дар шаҳри Сарбанд ва ноҳияҳои Дӯстию Темурмалик қаноатбахш нест. Дар навоҳии Дӯстӣ ва Восеъ ҳудуди калони заминҳо аз гардиши кишоварзӣ берун мондаанд. Қарзи аз ҳама бештари ҳаққи истифодаи об ба ноҳияҳои Ҷайҳун, Дӯстӣ, Ёвон ва Фархор рост меояд.
Соли 2017 дар шаҳру навоҳии Кӯлоб, Мир Сайид Алии Ҳамадонӣ, Восеъ, Бохтар, Сарбанд, Вахш, Ёвон, Ҷайҳун ва Носири Хусрав 75 корхонаи саноатӣ таъсис ёфт ва аз ин ҳисоб қариб 2 ҳазор сокини маҳаллӣ бо ҷойи кори доимӣ таъмин гардид. Аммо ҳаҷми истеҳсоли маҳсулоти саноатӣ дар 140 корхонаи вилоят назар ба иқтидори истеҳсолӣ ва имконият кам аст.

5. Супориши раиси вилоят
Раиси вилоят барои рафъи камбудиҳо ба масъулин супоришҳои мушаххас дода, талаб намуд, ки барои иҷрои дастуру супоришҳои Сарвари давлат ва таъмини рушди устувори иқтисодию иҷтимоии вилоят аз тамоми захираю имконоти мавҷуда босамар истифода шавад.
Зокир ҲАСАН, “Ҷумҳурият”


Баёни ақида (0)    Санаи нашр: 18.01.2018    №: 14    Мутолиа карданд: 609
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед