logo

иҷтимоиёт

ОФАТИ ТАБИӢ ДАР СУҒД БЕСИФАТИИ КОРҲОИ СОХТМОНИРО РӮИ ОБ БАРОВАРД

Оқибатҳои офати табиӣ, ки рӯзҳои охири соли 2017 дар вилояти Суғд ба амал омад, бартараф карда мешаванд. Бар асари офати табиӣ иншооти муассисаҳои тандурустӣ, маориф, фарҳангу варзиш, биноҳои маъмуриву истиқоматӣ,  хатҳои интиқоли барқу симчӯбҳо дар шаҳру навоҳии Хуҷанд, Гулистон, Бӯстон, Бобоҷон Ғафуров ва Ашт зарари ҷиддӣ диданд.  Мувофиқи маълумоти пешниҳодкардаи бахши вилоятии Кумитаи ҳолатҳои фавқулода ва мудофиаи гражданӣ ва идораи сохтмони асосии вилоят, аз шамоли сахт асосан боми иншоот, симчӯбҳо, дару тирезаҳо, хатҳои барқ зарар диданд. Хушбахтона, бар асари ин офати табиӣ талафоти ҷонӣ рух надод.
Асадулло Ҳувайдуллоев, сардори ситоди ҳолатҳои фавқулода ва мудофиаи граждании ноҳияи Ашт, дар суҳбати телефонӣ  вобаста ба зарари офати табиӣ иттилоъ дод, ки мувофиқи ҳисобҳои пешакӣ маблағи зарар 1 миллиону 831 ҳазору 200 сомониро ташкил медиҳад. Бар асари офати табиӣ дар ноҳия хати интиқоли барқ дар масофаи 24, 2 километр, манзили 1 ҳазору 172 нафар, 38 муассисаи мактабиву томактабӣ ва дигар иншооти хоҷагии халқ  хисорот дидаанд. Ҳоло оқибатҳои ин офати табиӣ аз ҷониби сохторҳои марбута бартараф мешаванд.
Тибқи маълумоти расмии идораи сохтмони асосии вилоят, фақат зарари ба иншоот расида қариб  5 миллион сомониро ташкил медиҳад. Шамол ба иншооти маркази вилоят - шаҳри Хуҷанд  зиёдтар  зиён овард.
Тоҳир Қудратзода, сардори идораи сохтмони асосии вилоят, дар суҳбат ба хабарнигори «Ҷумҳурият» иброз дошт, ки гурӯҳи корӣ хисороти бар асари офати табиӣ расидаро пурра таҳқиқ кардааст. Барқарорсозии  иншооти иҷтимоӣ оғоз ёфта, корҳо идома доранд.
Роҳбари идораи сохтмони асосии вилоят дар иртибот ба иншооти зарардида сухан гуфта, аз кори бесифати  баъзе бинокорони ширкатҳои хусусӣ изҳори нигаронӣ кард.
- Баъзе муассисаҳо ба хотири сарфаи маблағ  дар таъмир  қувваи ҳашарчиёнро истифода бурдаанд, ки корҳои анҷомдодаи онҳо ба одитарин талаботи сохтмон ҷавобгӯй намебошад. Аз ин офати табиӣ бояд масъулини муассисаҳо, сабақи ҷиддӣ гиранд, - таъкид кард Тоҳир Қудратзода.
Воқеан, мо чанд тан рӯзноманигорон субҳи баъди офат аз чандин мавзеву иншооти зарарбардоштаи шаҳри Хуҷанд дидан кардем ва мушоҳида намудем, ки ҷиҳати анҷоми кори бомпӯшии кӯдакистонҳо, мактабҳо ва баъзе иншооти дигар аз ҷониби сохтмончиён  бемасъулиятӣ зоҳир шудааст. Нафақат сифати корҳо, балки сифати  маҳсулоти сохтмонӣ низ куллан ҷавобгӯйи талабот намебошад.
- Аз 63 иншооти зарардидаи шаҳри Хуҷанд корҳои сохтмонии 56 иншоотро афроди ғайрикасбӣ анҷом додаанд. Аз ин ҳолат масъулини идораву ташкилотҳо ва ширкатҳои сохтмонӣ бояд сабақ гиранд, - гуфт Насимҷон Аҳмадов, раиси кумитаи иттифоқи касабаи кормандони  бахши бинокории вилоят.   
Ҷовиди АШТӢ, «Ҷумҳурият»


Баёни ақида (0)    Санаи нашр: 18.01.2018    №: 14    Мутолиа карданд: 418

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед