logo

сиёсат

ТОҶИКИСТОН. ЭЪТИМОДИ ҶОМЕАИ ҶАҲОНӢ ТАҚВИЯТ МЕЁБАД

Ҷумҳурии Тоҷикистон дар замони соҳибистиқлолӣ ҳамкории густурдаи минтақавӣ ва байналмилалиро  воситаи муҳимтарини ҳалли масъалаҳои иқтисодиву иҷтимоӣ ва таъмини амнияту субот эътироф намуда, ҷонибдори таҳкими муносибатҳои байниҳамдигарӣ бар пояи дӯстӣ ва ҳусни эътимод мебошад.  Ин аст, ки кулли пешниҳодоти Пешвои миллат муҳтарам Эмомалӣ Раҳмон аз ҷониби бонуфузтарин созмонҳои байналмилалӣ, хосса СММ,  мавриди пуштибонӣ қарор мегиранд. 
Чунонки  ҳамватанони азиз огаҳанд, 22 марти соли ҷорӣ татбиқи ташаббуси нави глобалии Пешвои миллат – Даҳсолаи байналмилалии амал "Об барои рушди устувор, солҳои 2018 - 2028" шурӯъ мешавад. Тавре иттилоъ дода шуд, вобаста ба ин, дар мамолики гуногуни ҷаҳон, аз ҷумла кишвари мо, чорабиниҳои муҳим баргузор мешаванд.
Дар остонаи ин рӯйдоди муҳиму фараҳбахш, бамаврид аст бори дигар аҳамияти онро таъкид созем. Бегуфтугӯ, ин иқдом саривақтӣ буда, татбиқи он барои ҷомеаи ҷаҳонӣ муфид хоҳад буд. Зимни пайгирии масъалаи мавриди назар суханони Дабири кулли СММ Антониу Гутерриш бароям ҷолиб буд.  «Аз дидани асароти тағйири иқлим ба шок афтодам – 30 дарсади пиряхҳои Тоҷикистон об шуданд. Ин ҷо дигар фурсати таъхир барои иқдом дар масъалаи иқлим боқӣ намондааст» («Shocked to see effects of climate change - 30% of Tajikistan's spectacular glaciers melted. There's no time to lose to take climate action»). Ин нигоштаи Антониу Гутерриш дар саҳифааш дар шабакаи иҷтимоии Твиттер, бо нашри се акс дар канори кӯли Сарез, ки баъд аз сафараш ба кишварамон нашр шуда буд,  шояд барои баъзе нафарони «аз ҳама кас ва ҳама чиз норозӣ» падидаи маъмул арзёбӣ шавад.  Чун ин суханонро жарфтар мавриди таҳлил қарор диҳем, ҷанбаҳои дигар падид меояд.
Чун нафари аз назокат ва мушкилоти соҳаҳои обу энергетика  то андозае огоҳ гуфта метавонам, ки  ин андешаи роҳбари ниҳоди бонуфузи ҷаҳонӣ  муҳимияти ибтикори Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмонро  собит менамояд. 
Бартар аз ҳама, зимни сафари худ Антониу Гутерриш бобати обшавии пиряхҳо дар кишвари мо  воқеиятро гуфт ва ин омил барои фаъолияти густурда дар ин самт ва ҷалби таваҷҷуҳи бештари ташкилоту созмонҳои байналмилалии зиддахл омили таҳрикбахш хоҳад буд. Тибқи маълумот, аз 14 ҳазор пиряхе, ки дар кишвари мо ба қайд гирифта шудааст, дар давоми 40 соли охир бо сабаби гармшавии иқлим ҳазор пирях аз байн рафтааст ва ин раванд солҳои охир босуръат идома дорад. Бо дарназардошти чунин вазъ, зимни ироаи Паём ба Маҷлиси Олӣ  Пешвои миллат ба Академияи илмҳо супориш доданд, ки Маркази омӯзиши пиряхҳоро таъсис дода, мониторинги доимии пиряхҳо ва дигар сарчашмаҳои обии кишварро ҷиддӣ ба роҳ монад. Муҳимияти масъалаи мавриди назарро Роҳбари хирадсолори мо хеле барвақт дарк карда, дар яке аз суханрониҳои худ қайд намуданд,  ки дар 50 сол захираи пиряхҳои Помир ду маротиба кам гаштаанд.
Бо иттифоқи оро дастгирӣ ёфтани пешниҳоди Президенти Ҷумҳурии Тоҷикистон бобати эълони Даҳсолаи байналмилалии амал "Об барои рушди устувор, солҳои 2018 - 2028" аз чанд зовия барои кишвари мо муфид аст. Аввалан, далели он ки Тоҷикистон ин навбат низ дар соҳаи  об бо ташаббуси тоза баромад кард, шаҳодат аз он медиҳад, ки то чи андоза Сарвари давлат муҳтарам Эмомалӣ Раҳмон ба об ва истифодаи самараноки он аҳамияти хосса зоҳир менамоянд. Аз ҷониби дигар, Тоҷикистон оид ба масоили об дар арсаи байналмилалӣ бори дигар пешниҳоди муфид намуда, пешсафии худро дар ин ҷода собит кард. Барои мо, хеле муҳим аст, ки ҷомеаи байналмилалӣ аз ин пешниҳодот сабақ омӯхта, ба он пайравӣ намуда истодааст. 
Каримҷони ВАЛӢ


Баёни ақида (0)    Санаи нашр: 18.01.2018    №: 14    Мутолиа карданд: 668
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед