logo

маориф

ХОҶА БОҒ ДОРӢ? ДОРАМ! Ё МУЛОҲИЗАЕ ЧАНД ДАР АТРОФИ ПАРКҲОИ ТЕХНОЛОГИИ ДОНИШГОҲҲО

Паркҳои технологӣ ҳамчун муассисаи инноватсионӣ бо мақсади рушди илм ва истифодаи самараноки технологияи аълосифат ташкил шуда, ҳадафашон қонеъ гардондани талаботи истеҳсолот дар истифодаи технологияҳои навтарин ва татбиқи лоиҳаҳои инноватсиониву инвеститсионӣ мебошад.
 
Таъсис ва фаъолияти паркҳои технологӣ дар сохтори муассисаҳои таҳсилоти олии касбии Ҷумҳурии Тоҷикистон баъд аз қабул шудани Қонуни Ҷумҳурии Тоҷикистон «Дар бораи Парки технологӣ» шурӯъ гардид. Тибқи муқаррароти қонуни мазкур, парк аз ҷониби шахсони воқеӣ, ҳуқуқӣ, як ё якчанд муассисаи таълимӣ, илмию таҳқиқотӣ, ташкилотҳои саноатии давлатӣ ва ғайридавлатӣ таъсис ёфта, барои амалӣ намудани мақсадҳо ҳамкориро байни онҳо ба роҳ мемонад.
Вале таҳлилҳо нишон медиҳанд, ки аз қабул гардидани Қонуни Ҷумҳурии Тоҷикистон «Дар бораи Парки технологӣ» 8 сол гузашта бошад ҳам, масъулин моҳияти онро пурра дарк накардаанд. Аз 39 муассисаи таҳсилоти олии касбии кишвар танҳо дар 14 донишгоҳ паркҳои технологӣ таъсис ёфтаанду халос. Аммо аксари ҳамин паркҳо ҳам танҳо ба ном вуҷуд дошта, мақоли машҳури «Хоҷа боғ дорӣ? Дорам!» - ро ба ёд меоранд. 
Лоиқи эътироф аст, ки миёни технопаркҳои мавҷуда технопарки Донишгоҳи техникии Тоҷикистон ба номи академик М. С. Осимӣ, ки дар соли 2012 ташкил ёфтааст, нисбатан фаъолтар аст.  Зимни суҳбат Маҳмадамон Абдуллоев, муовини ректор оид ба корҳои илмӣ ва робитаҳои хориҷӣ, директори парки технологии донишгоҳ, гуфт, ки айни замон корҳои илмию тадқиқотиро бо корхона ва ташкилотҳо дар асоси шартнома ба роҳ монда, барои муассисаҳои таҳсилоти олии касбии кишвар таҷҳизоти лабораторӣ тайёр карда истодаанд.
- Дар дохили парки технологии донишгоҳ озмоишгоҳи «Энергияи соф» амал мекунад, ки ба таҳқиқ ва истифодаи энергия аз манбаъҳои алтернативӣ машғул мебошад. Аз ҷониби устодони кафедраи «Технологияи мошинсозӣ, дастгоҳҳои металлбурӣ ва олот» якчанд дастгоҳи намунавӣ, аз ҷумла насоси гидротаран, дастгоҳи коркарди сангҳои қиматбаҳо, таҷҳизоти озмоишии таълимӣ ва ғайра омода  шудаанд, - зикр кард Маҳмадамон Абдуллоев.
Вале ба қавли  корманди раёсати илм ва инноватсияи Вазорати маориф ва илми Ҷумҳурии Тоҷикистон Раҷабалӣ Сангов ҳарчанд 14 муассисаи таҳсилоти олии кишвар паркҳои технологӣ таъсис додаанд, аммо аксари онҳо фаъолияти назаррас надоранд. Аз ҷумла, Донишкадаи соҳибкорӣ ва хизмат, Донишгоҳи давлатии омӯзгории Тоҷикистон ба номи Садриддин Айнӣ, Донишгоҳи славянии Тоҷикистону Русия, Донишкадаи молия ва иқтисоди Тоҷикистон, Донишкадаи давлатии забонҳои Тоҷикистон ба номи Сотим Улуғзода ва ғайра. Дар баъзе аз донишгоҳҳо ҳатто сехи дӯзандагӣ, нонвойхона ва курсҳои кӯтоҳмуддати забономӯзиро ҷузъи парки технологӣ ном мебаранд. Ҳамчунин, муассисаҳои таҳсилоти олии касбие низ ҳастанд, ки ба ном паркҳои технологӣ ташкил намудаанд ва сабаби фаъол набудани онҳоро дар  ҷудо нагардидани маблағи кофӣ ва таъмин набудан бо таҷҳизоти муосири технологӣ мебинанд.
Таҷрибаи ҷаҳонӣ далел аст, ки рушди аксари технопаркҳо маҳз ба таъсиси муассисаҳои зертобеи инноватсионӣ (резидентҳо) асос ёфтааст. Барои мисол, дар технопарки Донишгоҳи миллии техникии Беларус 7 корхонаи илмию инноватсионӣ ва 2 ҷамъияти дорои масъулияти маҳдуд  таъсис дода шудааст. Резидентҳои технопарк дорои имтиёзҳои махсус дар бахши андозсупорӣ, пардохти боҷи гумрукӣ ва қарзҳои бонкӣ мебошанд. Бинобар ин, масъулинро мебояд, ки дар масъалаи ҷалби резидентҳо ва пешниҳоди имтиёз дар соҳаи андоз, пардохти боҷи гумрукӣ ва қарзҳои бонкӣ тадбирҳо андешанд. Тавсеаи фаъолияти чунин паркҳо ҷанбаҳои зиёди мусбат дорад. Он агар аз як ҷиҳат ҳамчун корхонаи истеҳсолӣ дар ғанӣ гардондани бозори дохилӣ бо маҳсулоти ватанӣ саҳм гузорад, аз ҷониби дигар донишҷӯён дар он такмили малака намуда, мутахассиси дар бозори меҳнат рақобатпазир мешаванд.
Қурбон АҲМАДЗОД, «Ҷумҳурият»


Баёни ақида (0)    Санаи нашр: 19.01.2018    №: 15    Мутолиа карданд: 637
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед