logo

иҷтимоиёт

ТОҶИКОБОД. НОРАСОИИ КАДРҲО ҲАНӮЗ ҲАМ ЭҲСОС МЕШАВАД

Дар ноҳияи Тоҷикобод эҳтиёҷ ба мутахассисони баландихтисос ва соҳибтаҷриба дар бахши тандурустӣ зиёд гардидааст. Фаъолияти самарабахши кадрҳо бошад, омили асосии пешрафт дар ҳама соҳаҳо мебошад. Аз як ҷиҳат он ба дараҷаи тахассуснокии худи кадрҳо вобаста бошад, аз ҷониби дигар ба ҷобаҷогузории дурусти онҳо алоқаманд аст.

Ин масъала аз ҳисоби квотаҳои ҷудонамудаи Президенти Ҷумҳурии Тоҷикистон ҳал гардида истодааст. Мутаассифона, пас аз соҳиби маълумоти олӣ шудан ҷавонон ё дар шаҳри Душанбе мемонанд ё бо барпо намудани оила (махсусан духтарон) ба ноҳия барнамегарданд, ки ин, албатта, боиси нигаронии роҳбарияти ноҳия гардидааст.
Рустам Раҷабзода сардухтури беморхонаи ноҳияи Тоҷикобод, мегӯяд, ки соли гузашта 7 нафар табибон бо маълумоти олӣ ва 19 нафар кормандони миёнаи тиббӣ бо кор таъмин шуданд, вале ин масъаларо пурра ҳал накард. Аз ҷумла, аз рӯи ихтисосҳои табиби оилавӣ, бемориҳои дарунӣ, кӯдакона, неонатологҳо, бемориҳои занона, табибони эҳёгар, чашм, пӯст, бемориҳои рӯҳӣ, нарколог, нуршинос (рентген) ва мутахассиси озмоишгоҳ, ҷамъулҷамъ 48 нафар мутахассис намерасад. Баҳри баланд бардоштани савияи дониши кормандон соли гузашта 3 нафар табибон ва 7 нафар кормандони миёнаи тиббӣ ба курсҳои бозомӯзӣ оид ба тибби оилавӣ фаро гирифта шуданд.
“Дар ноҳия чор шифохонаи дорои 180 кати табобатӣ амал менамояд. Шумораи духтурони маълумоти олидор 59 нафарро ташкил дода, 6 нафари онҳо дорои категорияи олӣ, 7 нафари дигар  бо категорияҳои якуму дувум ва 193 нафар кормандони миёнаи соҳаи тиб ба зиёда аз 44 ҳазор аҳолӣ хизмат мерасонанд. Шумораи марказҳои саломатӣ ба 5 адад ва бунгоҳҳои тиббӣ ба 21 адад мерасад”, - мегӯяд Р. Раҷабзода.
Соли 2017 бинои маркази саломатии Ҷамоати деҳоти Нӯшор бо маблағи 142 ҳазор сомонӣ аз таъмири асосӣ бароварда шуд. Ҳамчунин, он ба маблағи 14 ҳазор сомонӣ бо таҷҳизоти тиббии ҳозиразамон таъмин гардид. Аз ҳисоби маблағҳои буҷети маҳаллӣ таъмири асосии бинои маъмурии беморхонаи марказии ноҳия ва қисмати берунии шуъбаи бемориҳои даруна ба анҷом расида, аз ҷониби соҳибкорони маҳаллӣ шуъбаи касалиҳои сироятии беморхонаи марказӣ пурра аз таъмир бароварда шуд. Инчунин, таъмири асосии беморхонаи минтақавии Ҷамоати деҳоти Ширинчашма бо маблағгузории Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба анҷом расид.
Дилшод АМИРОВ,
“Ҷумҳурият”


Баёни ақида (0)    Санаи нашр: 22.01.2018    №: 16    Мутолиа карданд: 375

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед