logo

сиёсат

ТОҶИКИСТОН. ТАШАББУСҲО ДАСТГИРӢ МЕЁБАНД

Дар ҷаласаи Шӯрои амнияти Созмони Милали Муттаҳид, ки 19 январ дар қароргоҳи доимии СММ баргузор гардид, мавзӯи «Эҷоди ҳамкориҳои минтақавӣ дар Осиёи Марказӣ ва Афғонистон – омили тақвияти амният ва рушд» дар меҳвари гуфтугӯ қарор гирифт. Дар ҳамоиш Дабири кулли СММ, вазирони корҳои хориҷии кишварҳои Осиёи Марказӣ, ҳамчунин муовинони вазирони корҳои хориҷӣ ва намояндагони кишварҳои аъзои СММ, ширкат ва суханронӣ карданд.
Сироҷиддин Аслов, вазири корҳои хориҷии Тоҷикистон, зимни суханронӣ таваҷҷуҳи ҳозиринро ба масъалаҳои доғи минтақа, бадшавии вазъи сиёсии Афғонистон, афзоиши амалҳои террористию тундгароии динӣ, ҷиноятҳои фаромиллӣ ва оқибатҳои ногувори тағйирёбии иқлим ҷалб намуда, таъкид бар он дошт, ки барқарорсозию рушди иқтисодиёти Афғонистон ва густариши ҳамкориҳои минтақавӣ унсурҳои муҳимтарини таҳкими сулҳ дар ин кишвари ҷангзада ва амну субот дар минтақа мебошанд. Тибқи иттилои Вазорати корҳои хориҷии кишвар, Сироҷиддин Аслов аз номи Тоҷикистон ҷомеаи ҷаҳониро бар он даъват кард, ки дар татбиқи барномаҳои рушди иқтисодию иҷтимоии минтақа, аз ҷумла барномаи фарохдомани CASA - 1000, ки барои барқарорсозии иқтисодиёти Афғонистон пойгоҳи қавие буда метавонад, фаъолона ширкат варзанд ва ёрии худро ба ин кишвар дареғ надоранд.
Антониу Гутерреш, Дабири кулли СММ, зимни  суханронӣ таъкид намуд, ки талошҳои кишварҳои Осиёи Марказӣ ҷиҳати идораи босамари захираҳои обӣ барои рушди иқтисодии минтақа аҳамияти муҳим доранд. «Созмони Милали Муттаҳид омода аст ташаббусҳои созандаи бахши идораи захираҳои обӣ ва барномаҳои энергетикии Осиёи Марказӣ ва Афғонистонро дастгирӣ намояд», - изҳор дошт Антониу Гутерреш. Ба гуфтаи Дабири кулли СММ, тайи 10 соли охир об шудани қариб 30 дарсади пиряхҳо дар Тоҷикистон ва фоҷиаи баҳри Арал ҳушдори сахтест барои нооқилона истифода бурдани захираҳои обӣ.
Сабақи фоҷиаҳои экологӣ бояд талошҳоро барои тақвияти ҳамкориҳои густурдаи минтақавӣ ва роҳандозии амалҳои муштарак такони ҷиддӣ бахшад. Тавре хабаргузории ТАСС иттилоъ додааст, Дабири кулли СММ аз амалҳои мусбати густариши ҳамкориҳои энергетикӣ, ки барои рушди иқтисодӣ ва амнияти минтақа аҳамияти калидӣ доранд, истиқбол намуд.
«СММ тайёр аст амалҳои шоистаи барои рушд созгорро, ки сармояи азимро ҷалб ва шукуфоии минтақаро таъмин мекунанд, ҳамаҷониба дастгирӣ намояд», - изҳор дошт ӯ.
Тоҷикистон сиёсати судовари «дарҳои кушода» - ро меҳвари асосии муносибатҳои хориҷӣ қарор дода, онро барои густариши ҳамкориҳо бо кишварҳои ҷаҳон, минтақа ва созмонҳои байналмилалӣ пайваста пеш мебарад. Хушбахтона, кишвари мо дар саргаҳи оби тозаи минтақа қарор дошта, 60 дарсади захираҳои обии Осиёи Марказӣ дар Тоҷикистон ташаккул меёбанд. Дар ҳамин ҳол, аз захираҳои бузурги энергетикии кишвар, ки метавонанд барои тамоми минтақа, Афғонистон ва мамолики ҷануби Осиё нафъовар бошанд, фақат 5 дарсади онҳо истифода мешаванд.
Истифодаи босамар ва оқилонаи захираҳои обӣ ва густариши ҳамкориҳои энергетикӣ метавонанд барои рушду шукуфоии минтақа, барқарорсозии иқтисод ва таҳкими раванди оромию оштӣ дар Афғонистон мусоидат намоянд.
Ёдовар мешавем, ки Тоҷикистон тавассути сиёсати хирадмандона ва пешниҳодҳои башардӯстонаи  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тайи ду даҳсолаи гузашта пешоҳанги ҳалли масоили глобалии соҳаи об дар ҷаҳон эътироф шудааст.
С. АЗИЗ, «Ҷумҳурият»  


Баёни ақида (0)    Санаи нашр: 24.01.2018    №: 19    Мутолиа карданд: 439

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд


Дар сомонаҳои дигари Тоҷикистон хонед