logo

иҷтимоиёт

ТАНДУРУСТӢ. ЧАНД ПАҲЛУИ ЯК МУШКИЛОТ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии хеш бори дигар дар мавриди сифати маводи доруворӣ андешаҳои ҳидоятгарона иброз намуданд, ҳамзамон, изҳори нигаронӣ карданд, ки то кунун дар соҳа ягон беҳбудӣ ба назар намерасад. Аз ин рӯ, ба хотири ҳифзи тандурустӣ, беҳбудии фаъолияти дорусозӣ, ҳимоя аз маводи пастсифат, ҳамчунин, барои кам кардани такроршавии вазифаҳои ба ҳам монанд, ҳамоҳангсозии санҷишҳо, сарфаи маблағҳои буҷет ва кам гардидани монеаҳо барои рушд ва фаъолияти соҳибкорӣ се хадамоти тобеи Вазорати тандурустӣ ва ҳифзи иҷтимоии аҳолӣ - ба як хадамоти алоҳида табдил дода шуд.

Султон Бекмуродзода, сардори Хадамоти назорати давлатии тандурустӣ ва ҳифзи иҷтимоии аҳолӣ (хадамоти навтаъсис), гуфт, ки ин тадбир ҷиҳати иҷрои дастури Сарвари давлат барои беҳтар намудани хизматрасонии тиббӣ ба мардум роҳандозӣ шуда, ба ҷои Хадамоти назорати давлатии фаъолияти фармасевтӣ, Хадамоти назорати давлатии фаъолияти тиббӣ ва ҳифзи иҷтимоии аҳолӣ ва Хадамоти назорати давлатии санитарию эпидемиологӣ як сохтори алоҳида таъсис дода шуд.
- Дар соҳаи фармасевтӣ дар қатори муваффақияту пешравиҳо камбудию норасоиҳои зиёд низ ҷой доранд, ки бештар ба воридоти қочоқии маводи доруворӣ, молҳои тиббӣ, ороишию гигиенӣ марбутанд. Ҳамчунин, дар соҳаи дорусозӣ имконияту захираҳои бузурги табиию зеҳнии кишвар пурсамар истифода намешаванд, - иброз дошт С. Бекмуродзода.
Д. Содиқов, директори КВД «Экспертиза ва озмоиши маҳсулоти фармасевтӣ ва молҳои тиббӣ» зикр намуд, ки барои ташхис ва санҷиши сифати маводи доруворӣ озмоишгоҳҳои хадамот бо дастгоҳу таҷҳизоти замонавӣ таъминанд. Соли сипаришуда 33554 намунаи маводи доруворӣ санҷида шуд. Воридоти маводи доруворӣ нисбат ба солҳои қаблӣ камтар ба назар мерасад. Соли 2017 - ум  735 номгӯй маводи дорувории ватанӣ аз ташхис гузашт, ки назар ба соли пешӣ 133 адад зиёд мебошад.
Равшан Имомов, мудири озмоишгоҳи марказии хадамот, гуфт, ки дар бозори фармасевтӣ рӯз то рӯз зиёд шудани миқдори муассисаҳои истеҳсолӣ, афзудани номгӯи маводи истеҳсолӣ, дастрасии мардум ба маводи доруворӣ дар ҳамаи гӯшаю канори мамлакат ва ба сатҳу сифати нав баромадани хизматрасонӣ мушоҳида мешавад. Аммо ҳанӯз мушкилот назар ба пешравӣ зиёд аст. Яке аз ин камбудиҳо сифати  пасти баъзе доруҳои воридотист. Дар ин самт мо, пеш аз ҳама, бояд маърифати тиббии аҳолиро баланд бардорем, яъне корҳои тарғиботиву ташвиқотӣ барем. Танҳо якҷо бо мардуми огоҳ мо метавонем, ки қочоқи маводи дорувории бесифатро пешгирӣ намоем. Доруҳоро бидуни тавсияи табибон истифода кардан мумкин нест, аммо на ҳамеша харидорон ин қоидаро риоя мекунанд. Ниёзмандон аксари вақт ҳангоми харидани дору сертификати сифат он тараф истад, ҳатто муҳлати истифодаи онро аз назар намегузаронанд.
Дар мафкураи муштариён беҳтар будани маводи дорувории воридотӣ аз маҳсулоти дохилӣ ҳанӯз қавист. Баъзан духтурон ба муштарии худ доруҳои хориҷиро тавсия медиҳанд. Бемор низ гумон мекунад, ки маводи дорувории хориҷӣ беҳтар аз ватанист. Ҳол он ки таъсири маводи дорувории ватанӣ ҳам мисли ҳамон доруи хориҷист.
- Санҷишҳои муқоисавии гузарондаи мутахассисони мо собит намуданд, ки аз ҷиҳати сифат доруҳои воридотӣ аз ватанӣ ягон бартарӣ надоранд. Бояд таблиғу ташвиқи доруҳои истеҳсолгарони ватанӣ аз тариқи воситаҳои ахбори умум бештар ба роҳ монда шавад. Беҳтар мебуд, агар табибон низ доруҳои ватаниро таъйин ва тавсия намоянд, - гуфт оид ба ин масъала Аслиддин Имомзода, мудири озмоишгоҳи минтақавӣ дар вилояти Хатлон
Шаҳбоз АБРОР,
«Ҷумҳурият»


Баёни ақида (0)    Санаи нашр: 25.01.2018    №: 20    Мутолиа карданд: 303

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед