logo

фарҳанг

МУРОД МУРОДӢ: "ШОМИ ШАНБЕ" - ПАДИДАИ НАВ ДАР ЖУРНАЛИСТИКА

Инак, соли сеюм аст, ки саҳифаи иттилоотию фароғатии «Шоми шанбе» нашр мешавад. Аз рӯзҳои аввали чоп он зуд ба дили хонандагон ҷо гирифт ва миёни онҳо маҳбубияти хос пайдо кард. Ҳарчанд матлабҳои он аз нигоҳи ҳаҷм хурданд, аммо бори маънӣ бар дӯш доранд. Чуноне нависанда Маҷид Салим менигорад: «Хабарҳои тозаи саҳифа ва тозатарину ҷолибтарин навидҳои фарҳангӣ - адабӣ, шеъру ҳикоёти марғуб аз рӯзгори гузаштагону муосирон, ки бо аксу расмҳои афсонавӣ оро ёфтаанд, хонандаро ба сайри олами андешаҳои рангину дурпарвоз ҳидоят месозанд».
Дар баробари ин, саҳифа таваҷҷуҳи муҳаққиқони соҳаи журналистикаро низ ба худ ҷалб кардааст. Тавре огаҳӣ ёфтем, таҳти роҳбарии профессор Мурод Муродӣ  бо номи «Таҳлили мундариҷавӣ ва жанрии саҳифаи «Шоми шанбе» - и «Ҷумҳурият» рисолаи дипломӣ навишта мешавад. Устод зарурати роҳандозии чунин як иқдомро ҳангоми суҳбат бо хабарнигори рӯзнома чунин шарҳ дод:
- Нашрияи «Ҷумҳурият» дар низоми матбуоти имрӯзаи мо аз ҳар ҷиҳат бартарӣ ва афзалият дорад, ки инро метавон дар мундариҷа, ороиш, тарзи таҳия, гуногунжанрии мавод ва ҳам қобилияти нигорандагии журналистон арзёбӣ намуд. Ба таҳқиқ кашидани саҳифаи «Шоми шанбе» - и рӯзнома барои соҳаи журналистика аз чанд ҷиҳат муҳим аст. Аввалан, бояд зикр кард, ки таъсиси чунин саҳифа дар журналистикаи мо падидаи нав аст ва аз нигоҳи илмӣ мавриди омӯзишу баррасӣ қарор додани мундариҷа, шакл, таносуб ва ороиши матолиби он барои тарбияи касбии рӯзноманигорони оянда аҳамияти калон дорад. Ҷиҳати дигари зарурати пажӯҳиши саҳифаи «Шоми шанбе» ин аст, ки матолиби он на танҳо инъикоскунандаи ҳаёти дохилианд, балки рӯйдодҳои аҳамияти башаридоштаро низ фаро мегиранд. Зеро дар маркази таваҷҷуҳ мақоми инсон меистад, на халқияту миллат. Ҳангоми омӯзиш ва пажӯҳиш ин ҷиҳатҳо ошкор мегарданд ва  муайян карда метавонем, ки то кадом андоза таваҷҷуҳ ба шахсиятҳои шинохта ва инъикоси воқеаҳои фараҳбахш равона мегардад.
Зимни таҳқиқ метавон ба чанд паҳлу эътибор дод: аввалан хусусиятҳои мундариҷавии саҳифа. Яъне, аз рӯйи мазмуну муҳтаво саҳифа чӣ гуна матлабро фаро гирифтааст ва онҳо дар тарбияи зебоипарастӣ, бедории маънавӣ, шинохт ва ҷаҳонбинии хонандаи тоҷик чӣ нақше мебозанд. Аз ҷониби дигар, сохт ва шакли матолиб низ метавонад мавриди омӯзиш карор гирад. Чунки саҳифа симо - дизайни ба худ хос дорад. Пеш аз ҳама, дар шакли замонавӣ ҷой додани мавод, истифодаи аксҳо ва тарҳи сохтори саҳифа метавонад диққати хонандаро ҷалб созад. Самти дигари таҳқиқ истифодабарии жанр аст. Гарчанде дар нигоҳи аввал чунин ба назар расад, ки аксари навиштаҳо дар қолаби ягона омода шудаанд, аммо чунин нест. Маводҳо бештар дар қолаби жанрҳои хабарӣ ва бадеӣ - публитсистӣ таҳия мешаванд, вале матолиберо ҳам вомехӯрем, ки дар доираи жанрҳои адабӣ омода шудаанд ва баъзеи онҳо хусусиятҳои ҳикояву порчаҳои қиссамонандро ҳам дар бар мегиранд.
Шоистаи таҳсин аст, ки интихоби мавзӯъ басо нозукбинона буда, муаллифон дар таҳия ва таҳрири он маҳорати баланд доранд. Дар умум, натиҷаҳои илмии бадастомада метавонанд барои муҳассилини риштаи журналистика ҳамчун дастур хизмат кунанд.
Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 25.01.2018    №: 20    Мутолиа карданд: 340

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед