logo

иқтисод

МАҲСУЛОТИ ПАСТСИФАТ. БОЗОРИ ИСТЕЪМОЛИРО ЧӢ ГУНА ҲИФЗ КУНЕМ?

Ба касе пӯшида нест, ки бо вуҷуди роҳандозии як қатор тадбирҳо аз ҷониби мақомоти дахлдор, воридоти молу маводи пастсифати ба саломатӣ зиёновар ба бозорҳои истеъмолии кишвар ҳанӯз ҳам идома дорад. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон  дар Паёми навбатӣ ба Маҷлиси Олӣ таъкид намуданд: «Ҷиҳати пешгирии воридоти молу маҳсулоти пастсифат ва ғайристандартӣ мақомоти ваколатдорро зарур аст, ки доир ба риояи ҳатмии Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» чораҳои таъхирнопазир андешанд ва дар ин самт Барномаи бехатарии маҳсулоти озуқавориро таҳия ва амалӣ намоянд».
Мутаассифона, аз ҷониби бархе аз соҳибкорону тоҷирон дар самти иҷрои ин талабот қонуншиканиҳои зиёд ба назар мерасанд. Баъзе тоҷирон ба хотири манфиатҳои шахсӣ ба инобат намегиранд, ки фардо фарзандони ҳамин миллат маҳсулоти пастсифату заҳролуди вориднамудаи онҳоро истеъмол мекунанд ва ин оқибати ногувор хоҳад дошт. Эроди Сарвари давлат нисбат ба сохторҳои марбута ҷиҳати воридоти маҳсулоти гӯштии хатарнок ва бесифат, махсусан гӯшти мурғ, имрӯз ниҳоят саривақтӣ мебошад.
Аз рӯи маълумоти маркази матбуоти  агентии “Тоҷикстандарт”,  давоми соли 2016 ба қаламрави ҷумҳурӣ ба миқдори 35084  тонна ва давоми 10 моҳи соли 2017 ба миқдори 36151 тонна маҳсулоти гӯштӣ - асосан гӯшти мурғ ворид  гаштааст. Аз ҷониби мутахассисони агентӣ  соли гузашта 5240 ҳолати  қонуншиканӣ ошкор карда  шудааст.
Яке аз сабабҳои чунин ҳолат маърифати пасти ҳуқуқии тоҷирону соҳибкорон мебошад.  Дар баъзе мавридҳо соҳибкорон ҳатто танҳо баъд аз фурӯхтани маҳсулот  барои гирифтани сертификати мутобиқат дархост пешниҳод менамоянд. Тартиби интиқоли бор  ва қоидаҳои санитарию  нигоҳдории он риоя карда намешавад.
- Таҳлили вазъи кунунии бозори истеъмолӣ собит сохт, ки  бо вуҷуди назорати мақомоти дахлдор дар бозор ҳаҷми молу маҳсулоти пастсифати ғайристандартӣ тамоюли афзоиш дорад.  Аз ин рӯ, ҳоло  “Тоҷикстандарт” ҷиҳати иҷрои дастуру супоришҳои  Сарвари давлат ва Ҳукумати Ҷумҳурии Тоҷикистон оид ба дастгирии истеҳсолоти ватанӣ ва рушди соҳибкорӣ барои маҳдуд намудани воридоти  маҳсулоти гӯштӣ тадбирҳои нав роҳандозӣ мекунад, - гуфт Мурод Ашуров, сардори маркази матбуоти агентӣ.
Роҳи асосии ҳалли камбудиҳои ҷойдошта, ба андешаи коршиносони соҳа, бунёди корхонаҳои истеҳсолии ватанӣ ва истеҳсоли маҳсулоти босифати рақобатпазир мебошад. Барои баланд бардоштани сифат ва афзудани номгӯи маҳсулоти истеҳсоли ватании воридотивазкунанда ворид намудани технологияи муосири каммасраф, ҷорӣ намудани низоми нави идоракунии сифати маҳсулот аз рӯи меъёрҳои байналмилалӣ ва омода намудани мутахассисони касбӣ омилҳои асосианд.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 30.01.2018    №: 23    Мутолиа карданд: 375

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед