logo

сиёсат

НАФРАТ. АЗ ИФРОТГАРОӢ ТО БОЗИҲОИ ПАСИПАРДАГӢ

Ҷумҳурии Тоҷикистон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сиёсати байналмилалӣ бо мавқеъгирии оштинопазир алайҳи ҳамагуна хатарҳо, аз ҷумла терроризму ифротгароӣ мақоми шоиста касб кардааст. Масоили доғи ҷомеаи муосир ҳамеша дар меҳвари таваҷҷуҳи Пешвои муаззами миллат қарор дошта, таҳлили вазъи сиёсии ҷаҳони муосир, ҳамгироии Тоҷикистон бо кишварҳои олам дар оғози Паёми навбатии Сарвари давлат ба Маҷлиси Олии мамлакат баёнгари ҳамин ҳақиқат аст.
Таҷриба собит менамояд, ки гурӯҳҳои ифротгаро метавонанд, барои расидан ба ҳадафҳои нопоки худ аз номи ҳар дину мазҳаб ва ҳар қавму миллат суистифода намоянд. Вале дар асл, ягон дину оин ва қавму миллат бар он нест, ки мардуми осоиштаро ҳангоми анҷоми маросими ибодатӣ дар ибодатхонаҳо ҳадаф қарор дод ё марказҳои оммавиро мунфаҷир кард. Гузашта аз ин, ҳеҷ як қавонини диниву дунявӣ чунин ваҳшониятро дар худ инъикос накарда, баръакс онро маҳкум месозанд.
Мутаассифона, тайи чанд даҳсолаи охир гурӯҳҳои манфиатҷӯву ифротгаро бо истифода аз номи ислом ба даҳшатафканӣ машғул шуда, аҳли башарро ба таҳлука андохтаву чандин кишварҳои осударо хароб, миллионҳо нафарро қатл ва миллионҳои дигарро сарсону овора намуданд. Мо дар мисоли кишварҳои Ховари Миёна, шоҳиди он будем, ки чи гуна гурӯҳҳои террористӣ дар мисоли «ДИИШ» бо пуштибонии тарроҳони худ марказҳои тамаддуни исломӣ ва ҳазорҳо осори таърихии бебаҳои башариро ба нестӣ бурданд.
Ин зуҳуроти харобкор ва даҳшатафкан аз давлатҳои ҷангзадаи исломии арабӣ ва ғайриарабӣ ба дигар кишварҳои осоишта низ бетаъсир намонд. Тарғиби идеологии гурӯҳҳои тундрав тариқи шабакаҳои иҷтимоӣ тавонист, бисёр шаҳрвандони ғофил ва ҷавонони ноогоҳро аз кишварҳои гуногуни минтақа ва ҷаҳон, аз ҷумла кишвари моро ба доми худ кашад. Раванди тундгароӣ то ҷое ба бархе ҷавонони мо таъсир гузошт, ки бо ақоиди ғайримазҳабии хеш на танҳо арзишҳои дунявиро инкор карданд, балки бар муқобили рӯҳониёну домуллоҳои суннатӣ низ бархостанд ва ба кофир хондани ҳамдигар шурӯъ карданд.
Тавре маълум аст, кишвари мо низ ҷараёни номатлуби терроризм ва экстремизмро дар мисоли фаъолиятҳои собиқ Ҳизби наҳзати исломии Тоҷикистон таҷриба кард. Кӯшишҳои тахрибкоронаи роҳбарияти ин ҳизб моҳи сентябри соли 2015 дар шаҳрҳои Душанбеву Ваҳдат маълум намуд, ки ин ташкилоти террористӣ аз оғози фаъолияташ хислати иртиҷоӣ дошта, ба раванди инкишофи сиёсӣ, таҳкими принсипҳои демократӣ халал ворид менамояд. Гузашта аз ин, вақт нишон дод, ки аъзои он зарфи 10 - 15 соли охир бар пояи нишондоди хоҷагони хориҷии худ батадриҷ дар ҷомеа фазои хурофотӣ ва таассуби диниро ба вуҷуд оварда, дар ниҳоят мехостанд, ки қудрати сиёсиро тариқи исёни мусаллаҳона ба даст оранд.
Мардуми шарафманди тоҷик, ки дар ибтидои Истиқлолияти давлатӣ ин гуна дассисаҳоро таҷриба кардаву талхии онро чашидаанд, ҳаракатҳои ташкилоти экстремистӣ – террористии ҲНИТ – ро бо нафрати зиёд маҳкум карданд. Бо вуҷуди ин, роҳбарият ва аъзои фирории ин ташкилоти террористӣ, ҳанӯз ҳам дар пайи хизмат ба сармоягузорону тарроҳони хориҷии худ буда, даст аз аъмоли ҷинояткорона набардоштаанд. Ҷойи нигаронии амиқ аст, ки бархе аз созмонҳои манфиатхоҳи хориҷӣ барои расидан ба аҳдофи усулии худ бо ин гурӯҳи ҷиноятпешаи фирорӣ ҳамкориро идома дода истодаанд. Чунин бархӯрди номуносиб аз ҳар фарди худогоҳ тақозо менамояд, ки ҳадафи аслии бозингарони сиёсиро дарк намуда, дар ҳифзи ҷомеаи солим ва сулҳу амнияти пойдори мамлакат саҳмгузор бошад.
Ҷӯрабек ОДИЛЗОДА,
сокини Ҷамоати деҳоти  Чортеппаи ноҳияи Рӯдакӣ


Баёни ақида (0)    Санаи нашр: 30.01.2018    №: 23    Мутолиа карданд: 293

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед