logo

иҷтимоиёт

БОХТАР. ҲУНАРМАНДОН АЗ ТАШАББУСИ САРВАРИ ДАВЛАТ ГАРМ ИСТИҚБОЛ МЕКУНАНД

Чанде пеш дар мақомоти иҷроияи маҳаллии ҳокимияти давлатии ноҳияи Кӯшониён (Бохтар) бо ташаббуси беш аз 300 ҳунарманд ҳамоиш баргузор гардид.
Ин ҳунармандон, ки асосан сокинони ҷамоатҳои деҳоти Исмоили Сомонӣ ва Меҳнатобод буданд, дар баробари миннатдорӣ аз ташаббуси Сарвари давлат ҷиҳати эълон шудани соли 2018 ҳамчун Соли рушди сайёҳӣ ва ҳунарҳои мардумӣ намоиш ва фурӯши маҳсули заҳмати дастии худро низ ташкил карданд.
Чанде аз пешаварони гулдаст, ки солҳо боз ба корҳои гулдӯзӣ, гулбурӣ, кӯрпадӯзӣ, чакандӯзӣ, ҷомадӯзӣ, тоқидӯзӣ, адрасбофӣ, гулдонбофӣ, ҷӯроббофӣ, сандуқу гаҳвора ва элаку мӯхпарсозӣ машғул буданд, аз он изҳори хурсандӣ намуданд, ки ҳарчанд омода кардани ҳатто як навъи маҳсулоти мардумӣ меҳнати зиёди шабонарӯзиро тақозо мекунад ва аз ҷиҳати бадошт будан он дар қиёс ба аксар маҳсулоти саросема омодашудаи корхонаҳо рақобатпазир аст, аммо ба он таваҷҷуҳи шоиста зоҳир намегардид.
- Мо, як гурӯҳ бонувони хонанишин, чандин сол боз ба ҳам омада, бо истифода аз ҳунарҳои мардумӣ ҳам маҳсулот омода ва ҳам ба василаи фурӯши онҳо як гӯшаи рӯзгорамонро обод мекунем, - гуфт истиқоматкунандаи Ҷамоати шаҳраки Исмоили Сомонӣ Тозагул Самадова. – Маҳсулоти моро то оғози ҳамин сол аксаран духтарон ва наварӯсон мехариданд. Ҳамчун армуғон парчамҳои гулдӯзии хурдҳаҷму муқаррарӣ, ҳамёнҳои гулдӯзии занона, тоқиҳои гулдӯзии кӯдакона ва барои калонсолон сумкаҳои гулдӯзии занона омода мекунем. Аммо, азбаски мутасаддиён ва фурӯшандагони мо маҳсули ҳунари мардумиро пушти по карда, ба меҳмонони хориҷӣ аксаран ширинию лимӯ тақдим мекарданд, бозори ҳунарҳои мо касод буд. Ҳоло шукрона аз он мекунем, ки акнун метавонем ҳам дар маҳсулоти хеш фарҳанги қадимию бойи миллатро таҷассум ва ҳам аз фурӯши он чархи рӯзгорамонро гардон кунем.
Дилафрӯз Шукруллозода, муовини раиси ноҳия низ иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро арҷгузории воло ба ҳунарҳои нотакрори мардумӣ унвон кард. Дар кишварҳое, ки соҳаи сайёҳии рушкарда доранд, маҳсулоти дастӣ, хусусан маҳсулоти намои миллидошта нисбат ба маҳсулоти корхонаҳо серхаридоранд ва арзиши гаронтар доранд. Ҳар як сайёҳ майл ба он дорад, ки ҳангоми бозгашт ба ватанаш барои худ ва пайвандонаш чизе ба хотира бубарад. Биноан, ҳунармандони ноҳияро зарур аст, ки бо истифода аз дастгирию ғамхориҳои пайвастаи Сардори муаззами давлат сифат, намуди зоҳирӣ, бастабандии маҳсулоти худро боз ҳам беҳтар карда, ҳамзамон дар андешаи эҷоди армуғонҳои наву ҷолиби дигар бошанд, - афзуд ӯ.
Муслима Раҳмонова, мудири шуъбаи кор бо занон ва оилаи мақомоти иҷроияи маҳаллии ҳокимияти давлатии ноҳия, иттилоъ дод, ки бо мақсади ба занони хонанишин ва дигар хоҳишмандони бе ҷойи кор омӯзондани ҳунарҳои мардумӣ аз вилояти Суғд чор дастгоҳи адрасбофӣ ва қолинбофӣ оварда шуд. То ин муддат анқариб 40 бону ҳунари адрас ва қолинбофиро аз худ карданд. Албатта, чунин маҳфилҳо идома доранд. Аммо, ба хотири он, ки нафарони омӯзишдида минбаъд дар пайдо кардани таҷҳизоти бофандагӣ душворӣ накашанд, сохтани онро дар ноҳия ба роҳ монданием. Пасон метавонем хоҳишмандонро аз дигар шаҳру ноҳияҳо низ ба ин маҳфилҳо фаро гирем.
Зокир ҲАСАН, “Ҷумҳурият”


Баёни ақида (0)    Санаи нашр: 31.01.2018    №: 24    Мутолиа карданд: 343

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед