logo

туризм

ҲИКМАТИ ЯК ТАШАББУС Ё ЧАНД ОМИЛИ РУШДИ ВОҚЕИИ ТУРИЗМ

Охири соли гузашта дар чойхонаи  мунаққашу зебои шаҳри Панҷакент, ки шояд тимсолаш дар мамлакат камшумор бошад, бо гурӯҳи рӯзноманигорон ва соҳибкорон аз мамолики гуногун, ки Кумитаи рушди сайёҳӣ бо мақсади шиносоӣ бо имкониятҳои сайёҳии Тоҷикистон даъват кардааст, суҳбат доштам.
Масъули ширкатҳои сайёҳии Арабистони Саудӣ ба тарҳ ва кандакории ин бино бо ҳавас ва таваҷҷуҳи хосса менигарист ва ба саволҳои зиёдаш оид ба ҳунари мардуми тоҷик, ёдгориҳои таърихӣ, манзараҳои табиии Тоҷикистон ҷавоб гирифтан мехост.  Ин макон маркази сайёҳӣ ва фароғатии «Чойхонаи сайёҳат» ном гирифтаасту бо талошу кӯшишҳои яке аз собиқадорони соҳаи сайёҳии мамлакат, сарвари ширкати «Панҷакент интур» Муҳаммадрасул Шарифбадалов бунёд шудааст. Ба меҳмонон, хосса маркази иттилоотии сайёҳии ширкат, ки бозгӯкунандаи имкониятҳои сайёҳии диёр аст, писанд омад.
Барои рушди сайёҳӣ ёдгориҳои таърихӣ, манзараҳои табиӣ муҳиманд, вале танҳо бо инҳо таваҷҷуҳи сайёҳони хориҷиро ҷалб намудан душвор аст.
Муҳаммадрасул Шарифбадалов, ки собиқаи беш аз чилсолаи кор дар ин соҳаро дорад, мегӯяд, ки эълон шудани Соли рушди сайёҳӣ ва ҳунарҳои мардумӣ мавриди хубест, барои ҷустани тадбирҳо, омода намудани заминаҳо барои рушди соҳа. Дар ин робита, эълони озмун байни вилояту шаҳрҳо барои бунёди инфрасохтори сайёҳӣ, ширкатҳои сайёҳӣ барои хизматрасонии шоиста ба сайёҳон ва ҷалби бештари онҳо, рӯзноманигорон барои тарғиби захираҳои сайёҳӣ, айни муддаост. Гузашта аз ин, таҳияи хатсайрҳои нав бо ҷалби муаррихон, ҷуғрофидонҳо, кӯҳнавардон ва мутахассисони соҳа, ки аз кӯҳҳои Фон, Сари Хосор, Бешаи Палангон, Чилучорчашма, Тахти Сангин, Аҷинатеппа, Ҳулбук, Қалъаи Ҳисор, Бадахшон, шаҳрҳои Душанбе, Хуҷанд, Истаравшан, Кӯлоб ва  Панҷакент убур мекунанд, ҳамчунин, нашри китобҳо бо харитаи ин хатсайрҳо ба забонҳои  гуногун, муҳайё намудани шароити хуби  пазироӣ ва гусели сайёҳон дар гузаргоҳҳои сарҳадӣ, фурудгоҳҳо, таҳияи армуғонҳо аз ҳунарҳои мардумӣ,  китобҳои ҷайбӣ аз осори бузургон бо забонҳои гуногун, хушкмеваҳо барои сайёҳон бо дарҷи номи давлат, ташкили мағозаҳо барои сайёҳон, ки ин ҷо аз хайма то либосу зарфҳо, хӯрокҳои консервонида ва дигар ҷиҳози барои саёҳат зарурӣ дастрас бошад, аз ҷумлаи тадбирҳоеанд, ки бе хароҷоти зиёд, роҳандозӣ кардан мумкин аст.
- Имсол гурӯҳи сайёҳони фаронсавиро ба Бадахшон роҳнамоӣ намудам, - ба хотир меорад  М. Шарифбадалов. – Он ҷо бархе аз сокинон дар сари  роҳи хатсайрҳои сайёҳӣ хонаҳояшонро барои пазироии сайёҳон омода намудаанд. Ҳарчанд шароити онҳо на ҳамеша ҷавобгӯи талаботу эҳтиёҷи сайёҳон аст, вале ин корро дар ҳама хатсайрҳои кӯҳӣ бо ҷалби сокинон, бо додани имтиёз дар ҷудо намудани қитъаи замин, тарҳи миллӣ ва шароити созгор ташкил намудан мумкин аст. Таҷрибаи сокинони деҳаҳои Артуч, Ворӯ, Рашнаи Панҷакент, ки маркабҳояшонро барои кашондани бори сайёҳон ба кироя медиҳанд, собит месозад, ки он ҳам як манбаи хуби даромади сокинони деҳот буда метавонад. Ҳамчунин, ширкатҳои сайёҳӣ метавонанд худи мардумро барои қабули сайёҳон дар хонаҳояшон талқин намоянд. Хуб мебуд чунин шахсон ба таври содда бо гирифтани патент, бе ташвиши зиёд ба ин кор машғул шуда тавонанд.
Тавре мусоҳиби ман мегӯяд, бисёр сайёҳони хориҷӣ мехоҳанд дар фурсати кӯтоҳ аз Мурғоб, Қарокӯл, Кӯли Сарез, кӯҳҳои Фон ва дигар мавзеъҳо дидан намоянд ва омода ҳастанд, барои ин аз чархболҳо истифода кунанд. Инро ҳам месазад биозмоем.
Масъалаи дигаре, ки бояд мавриди таваҷҷуҳи Кумитаи рушди сайёҳии назди Ҳукумати мамлакат қарор гирад, ин ташкили Хадамоти наҷот барои сайёҳон аст. Чун аксари хатсайрҳои сайёҳии мо аз кӯҳистон убур мекунанд, эҳтиёҷ ба чунин гурӯҳи зудамали наҷотдиҳӣ низ ҳаст.
Чанде баъд Наврӯзи Аҷам ба сарзамини мо қадами сабзи худро бо рақсу суруд, хони наврӯзӣ, ҳунарҳои мардумӣ мегузорад. Ин мавридест, ки месазад ҳазорон нафар сайёҳи хориҷиро пазироӣ намоем, онҳоро бо расму оини миллӣ ошно созем. Бо муаррифии огоҳонаю оқилонаи ёдгориҳои таърихӣ, манзараҳои нотакрори табиат, ташкили инфрасохтори  мусоид  Тоҷикистонро метавонем ба наврӯзгоҳи сайёҳони хориҷӣ табдил диҳем.
Т. СОЛЕҲЗОДА, рӯзноманигор


Баёни ақида (0)    Санаи нашр: 31.01.2018    №: 24    Мутолиа карданд: 677
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед