logo

фарҳанг

ДАВЛАТ ҲАМА З-ИТТИФОҚ ХЕЗАД...

Таърих собит намудааст, ки ҳар ҷомеа дар сурате бо низом пеш меравад ва ҳамаҷониба камол меёбад, агар мардум якдилу якмаром, дӯсту бародар, дастгиру пуштибони ҳамдигар бошанд, дар паноҳи якдигар рӯзгор гузаронанд, ягонагӣ, иттиҳоду иттифоқ ва ваҳдати миллиро шиори асосии худ қарор диҳанд, меҳри Ватанро дар дил устувор парвардаву ғамхори халқу миллати хеш бошанд.

Аз ин рӯ, рушди ҳар давлат ба мавқеъ ва вазъи сиёсиву иқтисодӣ, иҷтимоиву ахлоқӣ, фарҳангии он вобаста аст. Бавижа ҳамин ваҳдат, ифтихори ватандорӣ ва ҷамъияти комил буд, ки Тоҷикистони азиз дар тӯли солҳои Истиқлолияти давлатӣ шукуфотару пуршукӯҳтар гардид. Мардуми Тоҷикистон ҳама ҷамъ омаданд ва якҷоя баҳри ободии кишвар камари ҳиммат бастанд ва ҳама душвориҳоро бартараф сохтанд. Ба ин маънӣ Низомии Ганҷавӣ фармуда:
Ду дил як шавад бишканад кӯҳро,
Парокандагӣ орад андӯҳро.

Маҳз ба шарофати ваҳдат, ҳамдастӣ ва иттиҳоду иттифоқ мардуми банангу номуси кишвари мо ба зинаи баланди тараққиёти худ расид. Аз ин рӯ, мо ваҳдати миллиро азиз медорем.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд: «Мардуми Тоҷикистон оқибатҳои даҳшатноку фоҷиабори мухолифати мусаллаҳона ва ҷанги таҳмилии шаҳрвандиро ба чашми худ дидаанд. Маҳз аз ҳамин хотир, сулҳу субот ва ваҳдати миллӣ барои мо ҳамчун арзишҳои муқаддастарин қадру қимати бузург доранд ва ҳифзу таҳкими онҳо вазифаи ҷониву имонии тамоми халқи мамлакат мебошад. Бинобар ин, мо бояд ҳамеша аз Истиқлолияти давлатӣ ва Ваҳдати миллӣ, ки аз ҷумлаи муқаддасоти ҷовидонӣ мебошанд, шукрона карда, онҳоро чун гавҳараки чашм эҳтиёт ва ҳифз намоем».
Пешвои муаззами миллат барои ваҳдат, ягонагиву якпорчагӣ талош меварзанд. Боиси хушнудӣ ва мояи сарбаландист, ки кӯшишу талошҳои Сарвари давлат натиҷаҳои судманд ба бор оварданд. Ҳангоме ки 27 июни соли 1997 дар Маскав Созишномаи истиқрори сулҳ ва ризоияти миллӣ ба имзо расид, ба назарам ба тану ҷони Тоҷикистон насими тоза вазид, дили шикастаи мардумро шодиву сурури беандоза фаро гирифт. Оштии миллӣ, ваҳдат ба одамон пару бол бахшид ва онҳо бо камоли шавқу завқ баҳри сарсабзии Тоҷикистон камар бастанд.
Дар ҳақиқат ваҳдат дар ҳаёти сиёсиву иҷтимоӣ ва иқтисодиву фарҳангиву маънавии ҷомеа аҳамияти бағоят калон дорад. Ҳар сол бо тантана ҷашн гирифтани Рӯзи Ваҳдати миллӣ аз арзиши муҳими ин рӯзи саид гувоҳӣ медиҳад. Ин ҷашн моҳияти баланд дошта, халқи заҳматкаши тоҷикро боз ҳам ба якдигар қаринтар ва меҳрубонтар месозад.
Фарҳангу заковати фитрии миллати мо, таҷрибаи дӯстиву ягонагии мо ҷаҳонро фаро гирифтааст. Пас, иттиҳоду иттифоқи мо бояд қавӣ бошад, то шаҳрвандон битавонанд дасти ба даст мушкилоти мавҷудаи кишварро ба таври бояду шояд ҳаллу фасл бинмоянд.
Дарки ин нуктаи бағоят муҳим, бевосита барои наслҳои ҳозираву оянда, ки дар муассисаҳои таҳсилоти миёнаи умумӣ ва донишкадаву донишгоҳҳо сабақ меомӯзанд ва ниёзманди тарбиятанд, зиёда зарур бувад. Бинобар ин, роҳбарон ва омӯзгорони муассисаҳо бояд ҷиҳати шарҳу тавзеҳи моҳияти Ваҳдати миллӣ корҳои зиёдеро анҷом диҳанд. Дар ин бобат онҳо шароиту имконоти фаровоне доранд.
Дарси адабиёт аз аввал то ба охир тарбият, аз ҷумла тарбияти ваҳдат аст. Адибону мутафаккирони тоҷик дар бораи ваҳдат, ягонагӣ, ҳамдастӣ ва якпорчагӣ андешаҳои ҷолиб ба мерос гузоштаанд. Аз ҷумла, ин қитъаи машҳури Шайх Саъдии Шерозӣ, ки ҳама медонему пайваста ба хотир меорем, бояд оғози ҳамагуна суҳбату ҷаласаву маҳфилҳо бошад:
Банӣ одам аъзои якдигаранд,
Ки дар офариниш зи як гавҳаранд.
Чу узве ба дард оварад рӯзгор,
Дигар узвҳоро намонад қарор.

Бале, инсонҳо ба ҳазорон ришта бо якдигар пайванданд, бинобар он, бояд ғамхору ғамшарики ҳамдигар бошанд, дар ҳар маврид ба якдигар дасти мадад дароз кунанд. Чи хуш аст, ки имрӯзҳо халқи мо ба таври барҷаста ягонагиву якпорчагии хешро намоиш медиҳад: дар иншооти бузурги аср, аз ҷумла сохтмони Неругоҳи барқи обии Роғун сокинон, мутахассисон ва соҳибкорони мамлакат китф ба китф ниҳода, саҳм мегузоранд,
Нифоқ миёни мардум ҷудоӣ меандозад, одамонро пароканда, парешон ва овораю сарсон месозад.
Суханварон, фозилону донишмандон барои он, ки инсонҳо аз ҳам ҷудо набошанд ва парешону пароканда нагарданд, онҳоро ба ягонагӣ ва ваҳдат даъват кардаанд. Аз ҷумла:
Давлат ҳама з-иттифоқ хезад,
Бедавлатӣ аз нифоқ хезад,
таълим медиҳад Саъдии Шерозӣ.
С. ТУРОНОВ,
ходими илмии Пажӯҳишгоҳи рушди маорифи
Академияи таҳсилоти Тоҷикистон


Баёни ақида (0)    Санаи нашр: 01.02.2018    №: 25    Мутолиа карданд: 585
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед