logo

иҷтимоиёт

ВМКБ. СИМҲОИ ТЕЛЕФОНРО КӢ БУРИД?

Қариб  як  моҳ  боз  1500  нафар  муштариёни филиали ҶСК “Тоҷиктелеком” дар  шаҳри  Хоруғ аз хизмати телефонҳои  муқаррарӣ маҳруманд. 8 январ сокинони шаҳраки Исмоили Сомонии шаҳри Хоруғ огоҳ шуданд, ки телефонҳои хонагиашон кор намекунанд. Ба қатъ гардидани телефонҳо «амалиёт» - и навбатии дуздони шабгард боис шуд. Онҳо шаби 7 январ сими телефонро, ки тариқи кӯпруки автомобилгарди маркази шаҳр ба соҳили дигари дарёи Ғунд мегузарад, дуздиданд.
Ба гуфтаи сардори минтақаи № 12-и ҶСК «Тоҷиктелеком» Амрихудо Гиёев, ҳодисаҳои дуздидани симҳои телефонҳо аслан аз соли 2015 бо фаъол гардидани нуқтаҳои хариди оҳану оҳанпора дар вилоят оғоз гардиданд. Аз он вақт сар карда 25 ҳодисаи дуздии кабелҳо ба амал омад ва ба соҳаи алоқаи вилоят ба маблағи зиёда аз 170 ҳазор сомонӣ зарари молиявӣ расонда шуд. Аз рӯи ҳамаи ҳодисаҳо ба мақомоти ҳифзи ҳуқуқ аризаҳои дахлдор  ирсол гардиданд, вале то ҳол танҳо якчанд ҳодисаи дуздии симҳо ошкор гардидаасту халос.
Ба гуфтаи масъулини соҳаи алоқаи  вилоят, аз соли 2015 то ҳол дар шаҳри Хоруғ 6430 метр симҳои гуногунҳаҷми алоқаро дуздидаанд, ки ин боиси қатъи хизматрасонии алоқа ба 3420 муштарӣ гардидааст. Дуздон кабелҳоро бурида, месӯзонанд  ва  симҳоро  бо нархи ночиз ба  нуқтаҳои  хариди  металл мефӯрашанд, ҳол он ки нархи аслии симҳои мисдор дар бозор хеле баланд аст ва корхона на ҳама вақт метавонад зарари расондашударо аз ҳисоби худаш барқарор созад. Маҳз ин омил боис гардидаст, ки сокинони маҳаллаҳои Наводак, Тем ва Хирҷи шаҳри Хоруғ муддати тӯлонӣ аз истифодаи алоқаи телефонӣ маҳруманд. Инак,  сокинони  маҳаллаҳои   Заводи  нон  ва  Бизмич, ҳамчунин,  даҳҳо  идораву  муассисаҳои шаҳриву  вилоятии  мустақар  дар  ин  маҳаллаҳо  низ ба хатар мувоҷеҳанд.
Бино ба  иттилои Амрихудо Гиёев, филиали «Тоҷиктелеком» - и вилоят  соли  2017 ба маблағи 526,1  ҳазор сомонӣ даромад гирифтааст, ки нисбати соли гузашта 28 дарсади камтар мебошад. Ҳаҷми хизматрасонӣ ба аҳолӣ бошад, дар ҳаҷми 121,9 ҳазор сомонӣ иҷро гардид, ки ин танҳо 47,5 дарсади ҳамин давраи соли гузаштаро ташкил медиҳад. Сабаби коҳишёбии ҳаҷми хизматрасонӣ дар филиали “Тоҷиктелеком”-ро  сардори  минтақа ба  он  низ  марбут  медонад, ки силки нахи нурии ба  самти ноҳияи Мурғоб кашидашуда  нуқсонҳои техникӣ дошта, алоқаи  телефониро  таъмин  карда  наметавонад. Ба ноҳияи Ишкошим бошад, то ҳол силки нахи нурӣ кашида нашудааст. Аз ҳамин сабаб ноҳияҳои Мурғоб ва Ишкошим ҳоло аз алоқаи байнишаҳрӣ тавассути нахи нурӣ маҳруманд. Системаи алоқаи шаҳри Хоруғ, ноҳияҳои Рӯшон, Шуғнон ва Роштқалъа низ чанд  вақт боз  кор накарда истодааст.  Дар хизматрасониҳои интернетию факс ҳам мушкилот ба миён омадааст. Қарздории идора аз ҳисоби андоз  409 ҳазор сомонӣ, дебиторӣ 351 ҳазор, музди меҳнати кормандон 30 ҳазор ва ширкати «Помир-Энерҷӣ» 15 ҳазор сомониро ташкил медиҳад. Бинои сеошёнаи филиали ҶСК «Тоҷиктелеком» дар  вилоят ба иҷора дода шуда  бошад  ҳам, аз  иҷорапулиҳо  фоидае  ба  даст  намеояд, ки  ягон  каму  костро  барорад. Агар масъулин  дар  ин самт  чораҳои  бетаъхир  роҳандозӣ  нанамоянд, фаъолияти минбаъдаи ҶСК “Тоҷиктелеком”  дар  вилоят зери суол меравад.
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 05.02.2018    №: 27    Мутолиа карданд: 466

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед