logo

сафарҳо

Дар Туркманистон чор санади ҳамкорӣ ба имзо расид

Рӯзҳои 9 ва 10 октябр Президенти Ҷумҳурии Тоҷикистон Эмомалӣ Раҳмон бо  сафари корӣ дар шаҳри Туркменбошии Туркманистон қарор дошт.

Дар фурудгоҳи шаҳри Туркменбошӣ, ки бо шиору овезаҳо оро ёфта, ҷузъу томҳои горди фахрӣ саф ороста буданд, Сардори давлати Тоҷикистон Эмомалӣ Раҳмонро намояндагони воломақоми Ҳукумати Туркманистон бо эҳтироми хоса ва ҳусни ҳамсоягӣ истиқбол гирифтанд.
Қобили таъкид аст, ки ин сафари корӣ бо ҷараёни мулоқотҳо ва натиҷаҳояш хеле ба сафари расмӣ шабоҳат дошт, зеро сарони ду давлат - Эмомалӣ Раҳмон ва Гурбонгулӣ Бердимуҳаммадов масоили ҳамкории дуҷониба ва минтақавиро нахуст дар мулоқоти хоса ва сипас бо иштироки ҳайатҳои бонуфузи ду ҷониб баррасӣ намуданд ва  4 санади нави ҳамкорӣ ҳам ба имзо расид.
«Муносибот бо Туркманистони бародарӣ барои мо аҳамияти хоса дошт, дорад ва хоҳад дошт», - изҳор намуд зимни сӯҳбати хоса Сардори давлати Тоҷикистон Эмомалӣ Раҳмон ва афзуд, ки  мутобиқат ва ё наздикии мавқеъҳо дар масоили минтақавӣ ва байналмилалӣ худ заминаи мусоиди сиёсӣ  аст барои рушди робитаҳои судманди ду кишвар дар ҳама самтҳо.
Гурбонгулӣ Бердимуҳаммадов дар навбати худ посух дод, ки дар муносиботи Туркманистону Тоҷикистон боварии байниҳамдигарӣ, ҳусни ҳамсоягию тафоҳум ва дӯстию рафоқат ҳамеша мақоми хоса доранд.
Таъкид гардид, ки миёни Тоҷикистону Туркманистон имкону захираҳои истифоданашудаи ҳамкорӣ хеле зиёданд, аз ҷумла баҳри беҳтар намудани равобити нақлиётӣ, шароити рафтуомади шаҳрвандон, рушди тиҷорати дуҷониба ва ғайра. Кушодани хатсайрҳои мустақими ҳавоӣ ва роҳи оҳан миёни ду кишвар зарур шумурда шуд.
Ҳамгироӣ баҳри истифодаи босамар аз захираҳои обию энергетикии минтақа аз самтҳои афзалиятноки муносибатҳои ду кишвар арзёбӣ гардид.
Эмомалӣ Раҳмон Гурбонгулӣ Бердимуҳаммадовро даъват намуд, ки барои ба сатҳи сифатан нав баровардани муносибатҳои ҳамкории ду кишвар соли оянда ба Тоҷикистон бо сафари давлатӣ ташриф биёрад. Даъват бо арзи сипос пазируфта шуд.
Баъди анҷоми мулоқоту гуфтушунидҳо 4 санади зерин ба имзо расид:
-  Созишномаи байниҳукуматӣ оид ба ҳамкорӣ дар соҳаи тарбияи ҷисмонӣ ва варзиш;
-  Созишномаи байниҳукуматӣ дар бораи Комиссияи муштарак оид ба ҳамкориҳои тиҷоратию иқтисодӣ ва илмию техникӣ;
- Протоколи ҳамкорӣ байни вазоратҳои корҳои хориҷии Тоҷикистону Туркманистон;
-Баёнияи муштараки Тоҷикистону Туркманистон.  Зери  он   сарони    ду давлат - Эмомалӣ Раҳмон ва Гурбонгулӣ Бердимуҳаммадов имзо гузошта, маросими бастани асноди ҳамкориро ҳусни анҷом бахшиданд.
Зимни сӯҳбатҳо ба таври возеҳу равшан таъкид гардид, ки дар ин сафар Тоҷикистону Туркманистон боз ҳам ба ҳам наздиктар шуданд.
Бегоҳии рӯзи 9 октябр   Президенти Ҷумҳурии Тоҷикистон Эмомалӣ Раҳмон ва Президенти Туркманистон Гурбонгулӣ Бердимуҳаммадов дар консерти бошукӯҳи идонаи ин кишвар, ки ба муносибати ифтитоҳи расмии минтақаи туристии Аваза дар соҳили баҳри Хазар бахшида шуда буд, иштирок намуданд.
Дар ин консерти бошукӯҳ, ки беш аз 2 соат идома ёфт, ҳамчунин як гурӯҳ аз аҳли санъати Тоҷикистон низ фаъолона иштирок намуда, дар таҳкиму густариши муносибатҳои фарҳангии ду кишвар саҳми намоён гузоштанд.
Дар қатори шумораи зиёди аҳли санъати Туркманистон ҳамчунин як санъаткори туркманзабони Тоҷикистон Пенҷӣ Анаев низ, ки сокини ноҳияи Ҷиликӯли вилояти Хатлон аст, бо медали тилло ва мукофоти пулӣ сарфароз гардонда шуд.
Субҳи 10 октябр Президенти Ҷумҳурии Тоҷикистон Эмомалӣ Раҳмон ва Президенти Туркманистон Гурбонгулӣ Бердимуҳаммадов бори дигар мулоқот намуда, аз гуфтушунидҳои идомаёфтаи ҳайатҳо натиҷагирӣ намуданд ва ба ҳукуматҳои ду кишвар дастур доданд, ки баҳри дарёфти роҳу василаҳои нави ҳамкории гуногунҷанба робитаҳои худро густариш диҳанд.
Дар охир иттилоъ дода шуд, ки зимни сафари давлатии  Президенти Туркманистон Гурбонгулӣ Бердимуҳаммадов ба Тоҷикистон ҳамчунин рӯзҳои фарҳанги ин кишвар дар шаҳри Душанбе баргузор хоҳад гашт.
Бегоҳии рӯзи 10 октябр Президенти Ҷумҳурии Тоҷикистон Эмомалӣ Раҳмон баъди анҷоми сафари пурмаҳсули корӣ аз шаҳри Туркменбошии Туркманистон ба Ватан омад.


Баёни ақида (0)    Санаи нашр:    №:    Мутолиа карданд: 691

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед