logo

фарҳанг

ВАҚТЕ ҲУНАР ШОДӢ МЕОРАД...

Ҳунар кулбаи торикро пурнур, қалбҳоро шод ва ҳаётро зебо мегардонад. Он зиндагии якрангро чунон тағйир медиҳад, ки баъзан инсон худ ба ҳайрат меояд. Ин аст, ки ҳар фард мехоҳад ҳунарманд бошад ва дар ҷараёни ҳаёт ба шарофати касби хеш мушкили садҳо касонро осон намояд.
Ҳар як ҳунар бо хусусиятҳои хосси худ тафовут дорад. Аз ҷумла, тоқидӯзӣ, ки чун дигар ҳунарҳои мардумӣ аз замонҳои қадим байни аҳолӣ роиҷ гардида, то имрӯз яке аз дастовардҳои хуби ҳунари мардумӣ шинохта шудааст. Дар гӯшаву канорҳои Тоҷикистони азизамон занону духтарони зиёд шавқу завқи беандозаи худро ба ҳунар бахшидаанд ва тавассути ангуштони сеҳрангез тоқиҳое меофаранд, ки қобили таҳсину офарин аст.
Раҷабмоҳ Гулова, сокини ноҳияи Абдураҳмони Ҷомӣ аз зумраи занони ҳунармандест, ки аз хурдӣ ба тоқидӯзӣ машғул аст. Вай мувофиқи шароити маҳал ва завқи одамон дар ин санъати амалии халқ ҳамеша мекӯшад навгоние ворид намуда бошад.
Ҳангоми дохил шудан ба коргоҳи дӯзандагиаш пай бурдем, ки ӯ нисбат ба касби хеш меҳру муҳаббати беандоза дошта, маҳсули ангуштони сеҳрбораш ба кас неруи тоза мебахшад.
Аз нақли ӯ бармеояд, ки аввалин бор ба даст гирифтани сӯзану матои махсус, ки танҳо аз он метавон тоқӣ дӯхт, ӯро ба мушкилиҳои зиёде рӯ ба рӯ намудааст. Вале бо сабру таҳаммул тавонистааст нозукиҳои касбро пурра аз худ намояд.
- Нобурда ранҷ ганҷ муяссар намешавад,- мегӯяд Р. Гулова ва илова менамояд: “Бо гузашти солҳо ва кӯшиши беандоза дӯхтани ҳама гуна навъи тоқиро аз модарам ва дигар устодони ҳунар омӯхтам. Бароям мояи ифтихор аст, ки намуде аз ҳунарҳои мардумиро зинда нигоҳ медорам”.
Ӯ асосан тоқии гирда медӯзад. Қисми болои тоқиро гулдӯзӣ намуда, ба канори қисми бараш шероз мечаспонад ва ҳошияи онро низ гулдӯзӣ мекунад. Дар гулдӯзии ин навъи тоқиҳо бештар нақшҳои “ҳандасӣ” ва баъзан нақшҳои табиии “гулнусха” ё “баргнусха” ба кор мераванд. Ин тоқиҳо рангоранг буда, аз як паҳлу пӯпакдор низ мешаванд. Вале баробари тоқии гирда дар байни мардуми кӯҳистон тоқии “чортарк” низ маъмул аст, ки ба монанди тоқии “чустӣ” ва “ироқӣ” дӯхта мешавад.
Бештари тоқиҳои омоданамудаи ӯ дар чорабиниҳои гуногуни ноҳиявию вилоятӣ ба намоиш гузошта мешаванд. Борҳо дар озмунҳои мухталиф низ иштирок карда, баҳои сазовор гирифтааст. Ҳангоми намоиш маҳсули дасти ӯ таваҷҷуҳи сайёҳонро ҳам ба худ ҷалб намудааст: “Вақте онҳо аз маҳсулоти мо дидан мекунанд, дар ҳайрат мемонанд ва бо шавқ тамошо менамоянд. Бештар ҳамон нақшҳои махсуси дар тоқиҳо дӯхтаи мо, ки ифодакунандаи анъанаҳои миллию фарҳангӣ ҳастанд, ба онҳо писанд меояд. Лаҳзае, ки як нафар ба ҳунари мо таҳсин мехонад, худро хушбахт меҳисобаму ифтихор аз ҳунарам менамоям”,- бо хушнудӣ мегӯяд Раҷабмоҳ.
Қурбон АҲМАДЗОД,
“Ҷумҳурият”


Баёни ақида (0)    Санаи нашр: 06.02.2018    №: 28    Мутолиа карданд: 428

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед