logo

иқтисод

РАҲНАМОИ ИМРӮЗУ ФАРДОИ МО

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба яке аз соҳаҳои асосии иқтисоди миллӣ - саноат эътибори ҷиддӣ дода, бо назардошти талаботи бозори ҷаҳонӣ то ҳадди ниҳоӣ коркард намудани маҳсулотро вазифа гузоштанд. Дар ин замина аллакай дар ноҳияи мо  тадбирҳои зарурӣ роҳандозӣ шуда истодаанд.
Аз ҷумла,  дар коргоҳи ресандагии мо, ки 180 нафар занону духтарони маҳаллиро бо шароити мусоиди корӣ ва маоши хуб таъмин менамояд, вусъати корҳои истеҳсолӣ ба нақша гирифта шуд. Айни ҳол моҳе то 100 тонна риштаи аълосифати корхона қариб пурра ба хориҷа содир карда мешавад, ки мо инро натиҷаи иҷрои дастурҳои Пешвои миллат медонем. Дар комёбии афзоиши истеҳсоли риштаи пахтагӣ дар соли 2017 ҳиссаи хоксоронаи корхонаи ресандагии мо низ ҳаст. Айни ҳол пайи иҷрои дастури дигари Роҳбари давлатем: коркарди ниҳоии ашёи хом, яъне аз риштаи истеҳсолшуда дӯхтану бофтани газвор ва либос. Дар ин ҷода ҳам мо аллакай қадами ҷиддӣ ба пеш гузошта, инфрасохтори сехҳои бофандагиву дӯзандагиро омода кардем. Танҳо насби дастгоҳҳо боқӣ мондаасту халос. Ният дорем, дар муҳлати кӯтоҳ ин корро ба анҷом расонем.
Пешвои миллат дар Паёми худ ёдрас карданд, ки пешрафти кори соҳа бе  кадрҳои баландихтисос, хосса мутахассисони варзидаи соҳаи саноат, амри муҳол аст. Бо назардошти ин тасмим гирифтем, аз ҳисоби корхона якчанд ҷавони маҳаллиро барои таҳсил ба мактабҳои олии соҳавӣ фиристем, то ки оянда мутахассисони хуб шуда, баргарданд. Дигар чизе, ки ҷомеаи меҳнатии моро зимни тамошои ироаи Паёми Пешвои миллат хурсанду  рӯҳбаланд сохт, ин эълон шудани мораторий ба ҳама гуна санҷишҳои фаъолияти соҳибкорӣ дар ду соли минбаъда аст. Ҳадаф аз ин, бешак,  пешгирии санҷишҳои беасосу такрорист. Гоҳо маҷбур будем, ки як сохтори назоратӣ санҷишро ба итмом нарасонда, сохтори дигарро «истиқбол» гирем. Табиист, ки баҳсу муайянсозии вазъи воқеӣ вақти қиматро мегирифт ва ба раванди муътадили истеҳсолот бетаъсир намемонд. Ин иқдоми шоистаи Пешвои миллат ғамхорӣ  дар ҳаққи соҳибкорони ватанӣ ва фароҳам овардани шароити мусоид барои рушди соҳибкорӣ буда, дар ояндаи наздик самари даҳчанд хоҳад овард.
Ҳакимзода САНГИНМУРОД,
муовини директори кулли ҶДММ «Спитаментекстайл»


Баёни ақида (0)    Санаи нашр: 06.02.2018    №: 28    Мутолиа карданд: 364

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед