logo

туризм

МУЪМИНОБОД. АЗ РУШДИ САЙЁҲӢ ТО ҲУНАРҲОИ МАРДУМӢ

Бо дарназардошти иқтидори бузурги сайёҳии кишвар, инчунин бо мақсади ҷалби сармоя ба инфрасохтори туризм ва, дар ин замина, таъсиси ҷойҳои нави корӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018-ро Соли рушди сайёҳӣ ва ҳунарҳои мардумӣ эълон карданд.

Пӯшида нест, ки Тоҷикистони биҳиштосои мо бо табиати нотакрор ва мавзеъҳои таърихиву фарҳангӣ диққати сайёҳони зиёдро ба худ ҷалб месозад. Яке аз гӯшаҳои дилфиребу дилрабои кишвар ноҳияи Муъминобод мебошад, ки дар қисмати ҷанубу шарқии мамлакат, дар доманаи қаторкӯҳҳои ҳазрати Шоҳи Хомӯш, воқеъ гардидааст. Табиати зебою афсонавӣ, олами ҳайвоноту наботот, талу пуштаҳои сарзабзу хуррам, чашмаҳои оби мусаффо ва манзараҳои нотакрораш беихтиёр дили касро тасхир менамояд. Маҳз ҳамин ҳусну таровату дилрабоии табиат аз қадим диққати сайёҳони зиёд, олимон ва муҳаққиқонро ба худ ҷалб намудааст.
Муъминобод дорои таъриху фарҳанги қадима буда, мувофиқи маълумоти сарчашмаҳои таърихӣ, ҳанӯз аз асри X ҳамчун шаҳри Ободон маъруф буд. Боиси тазаккур аст, ки зимни сафари корӣ ба ноҳия 3 октябри соли 2016 Сардори давлат дар мулоқот бо мардуми ин диёр таъкид доштанд, ки Муъминобод воқеан сарзамини мардони сарбаланду некусиришт буда, табиати зебояш қалби ҳар як сайёҳу меҳмонро тасхир месозад.
Ноҳия дорои беш аз 100 ёдгории таърихӣ, ҷойҳои муқаддас ва мавзеъҳои тамошобоб мебошад. Яке аз ин ёдгориҳо мақбараи Мир Сайид Ҷалолиддини Гулдаста буда, поёнтар аз маркази ноҳия Қалъаи Мир воқеъ аст, ки таърихи пайдоиши он ба асрҳои II – III милодӣ рост меояд. Дар маркази ноҳия бошад, мақбараи Хоҷаи Нур ва хона - музейи олим ва муҳаққиқи намоёни тоҷик шодравон Соҳиб Табаров ҷой гирифтаанд. Инчунин, дар гӯшаву канори гуногуни ин диёри дилфиреб оромгоҳҳои Хоҷа Алмос, Хоҷа Иброҳимҷон, Бибӣ Навро ва Бибӣ Савро, Хоҷаи Гумбазӣ, Хоҷа Хидир, Ҳазрати Муродбахш, Хоҷа Валишоҳ, Домулло Икром, Султон Санҷар, ки зиёратгоҳи мардумони бешумор мебошанд, воқеанд.
Муъминобод, ҳамчунин, бо мавзеъҳои хушманзара машҳуру маъруф аст, ки кӯҳи Чилдухтарон аз ҷумлаи онҳо мебошад. Он 20 километр дуртар аз маркази ноҳия воқеъ буда, роҳи ноҳамвору валангор дошт. Хушбахтона, бо дастгириҳои Ҳукумати Ҷумҳурии Тоҷикистон ва мақомоти иҷроияи маҳаллии ҳокимияти давлатии ноҳия он пурра аз таъмири ҷорӣ бароварда шуд. Ҳоло бошад, бунёди роҳи 17 - километра то деҳаи Чилдухтарон, тахту ҳамворнамоӣ ва сангфаршсозии роҳи нави 20 - километра то деҳаи Шаҳрак, сохтмони пули мошингузар бо дарозии 130 метр дар болои дарёи Сурхак,  корҳои васлгарии пули 65 - метра дар болои дарёи Сардоб идома доранд, ки, бе шубҳа, ба ҷалби бештари сайёҳони дохиливу хориҷӣ мусоидат хоҳанд кард.
Аз мавзеъҳои дигаре, ки макони сайру саёҳати мардум гаштааст, обанбори Муъминободро метавон ном бурд. Масоҳати он 300 гектарро ташкил дода, дар гирду атрофаш меҳмонхонаву қаҳвахона қомат афрохтаанд ва ҳар сол ҳазорон нафар дӯстдорони табиат аз дохилу хориҷи кишвар барои истироҳату фароғат ва қаиқронӣ ба ин ҷо меоянд.
Дар баробари ин, аз қадимулайём Муъминобод бо ҳунармандони худ шуҳрат дорад. Бино ба маълумотҳои таърихӣ, ҳанӯз дар давраҳои пеш бозаргонону савдогарон аз Чину Балху Ҳиндустон маҳз барои хариди маҳсули дасти косибони ин куҳандиёр, ки шуҳраи офоқ гашта буданд, ба ин сарзамин қадам ранҷа менамуданд.
Ҷойи шубҳа нест, ки бо рушд ёфтани инфрасохтори туризм дар Муъминобод, сол ба сол шумораи сайёҳон афзуда, ба Буҷети давлатӣ маблағҳои зиёд ворид мегардад, ки ин дар навбати худ ба боло рафтани сатҳи иҷтимоии мардум мусоидат хоҳад кард. 
Холназар КАСИРОВ,
«Ҷумҳурият»


Баёни ақида (0)    Санаи нашр: 07.02.2018    №: 29    Мутолиа карданд: 756
14.08.2020


ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН


Дар сомонаҳои дигари Тоҷикистон хонед