logo

фарҳанг

НУСХАҲОИ ХАТТӢ. ҲИФЗИ ОНҲО ҚАРЗИ ШАҲРВАНДИИ ҲАР КАДОМИ МОСТ

Нусхаҳои қаламӣ ва сарчашмаҳои нодири осори ниёгон сарвати бебаҳо, ифодакунандаи рӯҳи замон ва муайянкунандаи сатҳи фарҳангиву илмии ҳар кишвар ба шумор мераванд. Аз ин ҷиҳат, ба ҳифзу нигаҳдории онҳо дар кишвари мо диққати махсус дода мешавад. Шуъбаи дастхатҳои Шарқ ва китобҳои нодири Китобхонаи миллии Тоҷикистон яке аз махзанҳои ҳифзшавандаи мероси хаттии осори шоирон ва олимону донишмандони гузашта ба ҳисоб меравад.
Агар ҳамаи нусхаҳои аслии осори ниёгон ҷамъоварӣ карда мешуд,  тавассути онҳо бисёре аз ғазалиёту рубоиҳое, ки имрӯз бо ҳуруфи кириллӣ дастраси омма қарор доранд, аз байтҳои илҳоқӣ тоза мегардиданд. Ҳоло қисман нусхаҳои хаттии «Шоҳнома» - и ҳаким Фирдавсӣ, «Гулистон» ва «Бӯстон» - и Саъди Шерозӣ, «Девон» - и Камоли Хуҷандӣ ва дигарон дар Китобхонаи миллии Тоҷикистон нигоҳдорӣ мешаванд.  Дар нусхаҳои хаттӣ асолати матн бештар ҳифз гардидааст. Аз назари муҳаққиқони соҳа осори шоиронеро, ки ба дасти мо нарасидаанд, маҳз тавассути нусхаҳои хаттӣ метавон онҳоро ҷамъоварӣ ва барқарор намуд. 
Хушбахтона, дар даврони Истиқлолияти давлатӣ ихтисоси мероси хаттӣ дар факултети филологияи тоҷики Донишгоҳи миллии Тоҷикистон таъсис ёфт  ва донишҷӯён бевосита ба омӯзиши нусхаҳои хаттӣ машғуланд. Умед аст, ки тавассути заҳмати онҳо ашъори суханварони гузашта, ки имрӯз ба мо муаррифӣ нагардидаанд, пешкаши муҳаққиқону мухлисони илму адаб мегарданд.
Ҳар яки мо бояд дар ҷамъоварии нусхаҳои хаттӣ худро масъул шуморида, саҳм гузорем. Бешак, метавон гуфт, ки нусхаҳои қадимтар ва мукаммалтаре дар дасти мардуми бофарҳангу китобдӯсти тоҷик ба унвони «ёдгорӣ аз гузаштагон» ва «мероси бобоӣ» дар сандуқҳо пинҳон ва ё дар гӯшае овезон гардидаанд. Ин гуна нусхаҳоро аз сандуқҳо баровада, ба бойгонии Китобхонаи миллӣ, ки бешак бойгонии миллат мебошад, супурдан вазифаи муқаддаси ҳар яки мост.
Имрӯз моро зарур аст, ки нусхаҳои хаттиро ҳамчун ёдгории пурарзиши ниёгон маҳфуз дорем, тавассути онҳо гузаштаи пуразамат ва пур-арзишамонро дарк намоему ба оламиён нишон диҳем. Онҳо як ҷузъи муҳими фарҳанги миллиамон мебошанд. Пас, дуруст нигоҳ доштан ва самаранок истифода бурдан аз нусхаҳои хаттӣ арҷгузорӣ ба фарҳанги миллиамон низ мебошад. 
Раҷабалӣ ДОДИХУДОЕВ,
сардори шуъбаи дастхатҳои
Шарқ ва китобҳои нодири
Китобхонаи миллии Тоҷикистон  


Баёни ақида (0)    Санаи нашр: 08.02.2018    №: 30    Мутолиа карданд: 224

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед