logo

иҷтимоиёт

ШОДИХОН ҶАМШЕД: “КОРМАНДОНИ СОҲАИ МАОРИФ ПЕШСАФИРО АЗ ДАСТ ДОДАНД”

- Вазъи таълиму тарбия, ислоҳоту навсозӣ ва таҷдиди муассисаҳои таълимии вилоят, сатҳи омӯзиш ва таълими забони давлатӣ, иштироки хонандагон дар олимпиадаҳои ҷумҳуриявӣ ва байналмилалӣ, таъмини муассисаҳои таълимӣ бо мутахассисони дорои маълумоти олӣ дар шаҳру ноҳияҳои вилоятро наметавон қонеъкунанда номид, - изҳор дошт Шодихон Ҷамшед, раиси Вилояти Мухтори Кӯҳистони Бадахшон, дар машварати назди раиси вилоят, ки фаъолияти соҳаи маорифи вилоятро мавриди баррасӣ қарор дод.

Ба гуфтаи раиси вилоят, гурӯҳҳои кории ҳукуматӣ, ки чанде пеш бо фаъолияти муассисаҳои таълимии вилоят аз наздик ошно гардиданд, камбудиҳои зиёдеро дар фаъолияти он ошкор намуданд. Яке аз нишондиҳандаҳои асосӣ, ки сатҳи дониши хонандагонро муайян месозад, иштироки мактабиён дар олимпиадаҳои ҷумҳуриявӣ ва байналмилалӣ мебошад. Вале тавре натиҷаҳои олимпиадаҳои солҳои охир нишон медиҳанд, вилоят мавқеи намоёнашро байни манотиқи дигари ҷумҳурӣ дар ин самт аз даст дода, дар зинаи пасттарин қарор гирифтааст. Дар чор соли охир хонандагони муассисаҳои таҳсилоти ҳамагонии вилоят дар олимпиадаҳои ҷумҳуриявӣ ҳамагӣ 54 медал ба даст оварданд, ки дар қиёс бо дигар минтақаҳои ҷумҳурӣ ниҳоят кам аст. Дар соли 2017 хонандагони мо ягон медали тиллоро ба даст наоварданд. Хонандагони муассисаҳои таҳсилоти миёнаи умумии навоҳии Ванҷ, Рӯшон, Шуғнон, Роштқалъа ва Мурғоб дар давоми сол дар ягон олимпиадаи ҷумҳуриявӣ умуман ширкат наварзиданд. Иштироки хонандагони шаҳру ноҳияҳои вилоят дар олимпиадаҳои байналмилалӣ дар солҳои охир тамоман аз байн рафтааст.
 Шодихон Ҷамшед аз фаъолияти маркази рушди истеъдодҳо, академияи хурди илмии вилоят шадидан интиқод намуда, гуфт, ки ба туфайли фаъолияти сусти ин марказҳо, шуъбаи маорифи шаҳру навоҳии вилоят истеъдодҳои наврас нодида мемонанд ва паёмади манфии он касеро аз роҳбарони соҳаи маориф ба ташвиш намеорад. Дар шаҳри Хоруғ ва ноҳияҳои вилоят ба ҷобаҷогузории кадрҳои омӯзгорӣ, кормандони шуъба ва кабинетҳои методӣ, дигар сохторҳои маориф диққати ҷиддӣ дода намешавад. Дар шуъбаи маориф ва марказҳои методӣ нафаронеро ба кор ҷалб кардаанд, ки ҳатто бо забони тоҷикӣ озодона ҳарф зада наметавонанд, собиқа, таҷриба ва малакаи дурусти корӣ надоранд. Раиси вилоят ба хадамоти назорат дар соҳаи маорифи вилоят ва мудири шуъбаи кор бо кадрҳо ва корҳои махсуси дастгоҳи раиси вилоят супориш дод, ки фаъолияти маркази рушд ва истеъдодҳо ва академияи хурди илмиро дар муҳлати кӯтоҳ пурра санҷида, ба кормандони он аз рӯи собиқаи корӣ, таҷриба, садоқат ба касб баҳои мувофиқ диҳанд.
Зикр гашт, ки тибқи ахбори Маркази миллии тестӣ, довталабон аснои дохилшавӣ ба макотиби олӣ дар интихоби касб душворӣ мекашанд, ҳол он ки онҳо бояд аз рӯи лаёқату донишҳои андухтаашон бо кумаки омӯзгорон аллакай дар синфҳои ҳашту нуҳ равияашонро муайян карда, минбаъд барои ноилшавӣ ба нияташон тайёрии комил медиданд. Дар алоқамандӣ ба ин, раиси вилоят зикр кард, ки аслан хонандагон бесавод нестанд, вале ба тайёр намудани онҳо барои дохилшавӣ ба макотиби олӣ бояд аҳли маориф ва волидон бештар таваҷҷуҳ зоҳир намоянд. Раиси вилоят дар иртибот ба таъмини хонандагони муассисаҳои таълимии вилоят бо либоси мактабӣ ба мудирони шуъбаҳои маориф дастур дод, ки пеш аз ҳама кӯшиш созанд бо корхонаҳои дӯзандагии қаламрави вилоят ва кишвар ҳамкорӣ намоянд.
 Раҳмони ГУЛЗОР, “Ҷумҳурият”


Баёни ақида (0)    Санаи нашр: 08.02.2018    №: 30    Мутолиа карданд: 565
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед