logo

маориф

МТМУ № 46. ОФТОБРО БО ДОМАН ПӮШОНДА НАМЕШАВАД!

Таълимгирандагони муассисаи таҳсилоти миёнаи умумии  № 46 - и ноҳияи Сино аз раванди навсозиву мувофиқ кунонидан ба шароити замони муосир дар канор мондаанд.
Шоҳидони ҳол мегӯянд, ки муассисаи мазкур ҳанӯз соли 1967 ҳамчун мактаби  ҳаштсола сохта шудааст. Баъдтар бо сабаби зиёд шудани хонандагон ва норасоии ҷойи нишаст бинои иловагии таълимӣ сохта, онро ба муассисаи таҳсилоти миёнаи умумӣ табдил доданд. Вале, бо мурури замон, бинои дуюм низ мушкили норасоии ҷойи нишастро бартараф карда натавонист.
Тавре ҳамагон шоҳидем, рушди соҳаҳои иҷтимоӣ, аз ҷумла илму маориф, аз самтҳои афзалиятноки давлату Ҳукумат маҳсуб ёфта, дар ин самт беш аз пеш тадбирҳои муассир роҳандозӣ карда мешаванд. Дар ин замина, бахусус тайи чанд соли охир  дар саросари кишвар муассисаҳои зиёди таълимӣ сохта, бо технологияи замонавӣ таъмин шуданд. Тибқи иттилои маркази матбуоти Вазорати маориф ва илми кишвар танҳо дар соли 2017 аз ҳисоби ҳамаи сарчашмаҳо ҷиҳати сохтмон ва навсозии муассисаҳои таълимӣ зиёда аз 431 миллиону 516 ҳазор сомонӣ   сарф гардида, 31 ҳазору 679 ҷойи нишаст муҳайё шудааст, ки нишондиҳандаи андак нест.

Аммо, бо вуҷуди ин, ҳанӯз ҳам дар самти таъмини сифатноки шароити таълиму тарбия нуқсонҳое ба мушоҳида мерасанд, ки аз масъулин таваҷҷуҳи махсус тақозо менамоянд. Барои мисол, таълимгирандагони муассисаи таҳсилоти миёнаи умумии  № 46 - и ноҳияи Сино аз раванди навсозиву мувофиқ кунонидан ба шароити замони муосир дар канор мондаанд.
Шоҳидони ҳол мегӯянд, ки муассисаи мазкур ҳанӯз соли 1967 ҳамчун мактаби  ҳаштсола сохта шудааст. Баъдтар бо сабаби зиёд шудани хонандагон ва норасоии ҷойи нишаст бинои иловагии таълимӣ сохта, онро ба муассисаи таҳсилоти миёнаи умумӣ табдил доданд. Вале, бо мурури замон, бинои дуюм низ мушкили норасоии ҷойи нишастро бартараф карда натавонист. Соли 1986 аз сабаби кам будани синфхонаҳо устодони мактаб ба як қисми толибилмон ҳатто дар даҳлез дарс мегуфтанд, ки ин, албатта, ба волидон ва худи шогирдон чандон писанд набуд. Чунин шароити маҳдуд ҳамон солҳо сабаб гашту қисми зиёди волидон фарзандонашонро аз ин мактаб гирифта, ба  дигар муассисаҳои таълимӣ бурданд…
Мутаассифона, ҳолати имрӯзаи мактаб низ аз пешина беҳ нест. Имрӯз ин муассисаи таълимӣ, ки ҳамагӣ даҳ синфхона дорад, 725 хонандаро  дар ду баст ба таълим фаро гирифтааст. Ва табиист, ки мушкили норасоии ҷойи нишаст ҳамоно ҳалношуда боқӣ мемонад.
Аз сӯи дигар ҳарчанд намои бинои мактаб ҷолибу таъмиршуда ба чашм мехӯрад, вале дохили он манзараи ниҳоят ногувор дошта, синфхонаҳои тангу торик ва фаршҳои шикаста солҳост, ки ба рафти таълим халал ворид месозанд. Тахтаҳои синфӣ ва мизу курсиҳо, ки муддатҳои тӯлонӣ ба мактабу хонандагони он хидмат намудаанд, кайҳо бояд иваз мешуданд, вале афсӯс чунин нашудааст.
Дар хусуси синфхонаи кимиё, биология ва омодагии дифои ҳарбӣ ҳоҷати сухан ҳам нест. Дар ин синфхонаҳо ба ҷуз чанд овеза ягон ашё ва ё лавозимоте, ки барои таълими ин фанҳо зарур бошад, умуман вуҷуд надорад.
Истифода аз компютерҳо низ маҳз бо сабаби бисёр хурд будани синфхонаҳо маҳдуд аст. Аниқтараш аз 42 компютер танҳо як қисм истифода мегардаду боқимонда бо сабаби набудани ҷой дар гӯшае бекор хобидаанд. Китобхонаи мактаб низ бинои алоҳида надорад ва то имрӯз китобҳо дар вагон нигоҳ дошта мешаванд.
Аҷаб ин ки мактаб на як солу ду сол, балки солҳои тӯлонист, ки  дар чунин ҳолат қарор дорад, вале масъулони соҳа дар роҳи ҳалли мушкилоти мавҷуда дидаву дониста чорае  намеандешанд, ки барои инҷониб худ муаммост. Маҳз ҳамин паҳлуи масъала моро водор сохт, ки дигарбора роҳ сӯи ин муассисаи таълимӣ бигирем.
Ориф Шодмонов, ки ҳамагӣ чанд моҳ пеш роҳбари муассиса таъйин шудааст, дар суҳбат бо мо чунин гуфт: «Баъди таъйин  шуданам ба ин вазифа бо мусоидати шуъбаи маорифи ноҳия аз муассисаҳои таълимии № № 43, 80  120 курсӣ, 6 тахтаи синфӣ ва 6 ҷевони китоб овардем. Дар ин давра аз ҳисоби маблағҳои сарикасӣ ва соҳибкорон мактабро то қадри имкон аз таъмири ҷорӣ баровардем».
Воқеан чунин аст. Тавре болотар гуфтем, намои муассиса ҷои нигаронӣ надорад, аммо мушкили асосӣ ҷои дигар аст ва ҳамоно ҳалношуда боқист.
Аз суҳбат бо мудири шуъбаи маорифи ноҳияи Синои пойтахт Муқаддас Носирзода маълум гардид, ки онҳо аз ҳоли табоҳи мактаб хуб огоҳанд.
- Барои азнавсозии мактаб ба мақомоти иҷроияи маҳаллии ҳокимияти давлатии ноҳия ва дигар сохторҳои дахлдор мактуб ирсол намудем. Намояндагони мақомот омада, аз муассиса дидан карданд. Қарор аст, ояндаи наздик   муассисаи таълимӣ навсозӣ гардад,- мегӯяд мудири шуъбаи маориф.
Воқеан, тавре Фарҳод Худоёров, муовини сардори раёсати маорифи шаҳри Душанбе низ тасдиқ кард, ҳанӯз се сол қабл пешниҳоди навсозии  мактаб ба раёсати сохтмони шаҳр ирсол гардидааст. Вале мавсуф дар суҳбат, ҳамчунин, иброз дошт, ки аз бобати дар ояндаи наздик навсозӣ шудани муассисаи мазкур  иттилоъ надорад.
Хуллас, танҳо таъмири ҷориву ворид намудани чанд мизу курсӣ, ҷевони китоб ва ё тахтаи синф  роҳи ҳалли проблема нест. Пеш аз ҳама роҳбарияти худи муассисаро зарур аст, ки ҷиҳати ҳар чи зудтар бартараф намудани мушкилоти ҷойдошта чораҳои иловагию муассир андешад. Тавре дар урфият мегӯянд: «... мушкиле нест, ки осон нашавад». Бо назардошти шароите, ки имрӯз дорем, таъмири асосии як муассисаи хурди таълимӣ ва ҳатто муҷаҳҳаз намудани он кори чандон миёншикан нест. Таҷрибаи даҳҳо шаҳру ноҳия аст, ки тариқи ҳашар ва ё бо ҷалби соҳибкорону шахсони саховатманд муассисаҳои зиёди таълимӣ сохтаву мавриди истифода қарор гирифтаанд.
Яъне аз чунин ҳолати ногувор баровардани муассисаи таҳсилоти миёнаи умумии  № 46 мушкили кӯчакест, ки метавонад дар ҳамкории сеҷонибаи роҳбарияти худи муассиса, шуъбаи маориф ва мақомоти иҷроияи маҳаллии ҳокимияти давлатии ноҳияи Сино дар як муддати кӯтоҳ пурра бартараф гардад. Вале ин кор кай амалӣ мешавад ва барои фарзандони  ин маҳалла кай шароити  муосиру замонавии таҳсил фароҳам мегардад, аз кӯшишу ғайрат ва муҳимтар аз ин, аз хоҳиши масъулон вобастагии калон дорад. Масъулон агар ба сиёсати маорифпарваронаи давлату ҳукумат содиқанд, бо итминон бояд гуфт, ки аз уҳдаи ҳалли ин мушкил ба хубӣ мебароянд. Ва ҳамин тавр ҳам бояд бошад. Охир офтобро бо доман пӯшонидан имкон надорад.
Бо назардошти муҳимияти масъала мавзӯъ ҳатман пайгирӣ хоҳад шуд!
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 09.02.2018    №: 31    Мутолиа карданд: 521

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед