logo

фарҳанг

МАРКАЗИ КАМОЛШИНОСӢ НУСХАҲОИ НОДИРИ ХАТТИРО АЗ ХОРИҶА ҶАМЪ ОВАРД

Ҳадаф ва самтҳои асосии фаъолияти Маркази илмии Камоли Хуҷандӣ, ки бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба фаъолият оғоз кардааст, анҷом додани таҳқиқоти бунёдӣ оид ба масоили мубрами адабиёт, таърихи халқ ва миллати тоҷик, ҳаёт ва эҷодиёти Хоҷа Камоли Хуҷандӣ, ҳамзамонони шоир ва бузургони илму адаби даврони ӯ мебошад.
- Мақомоти иҷроияи ҳокимияти давлатии вилояти Суғд дар иҷрои ин дастури Сарвари давлат барои дар сатҳи баланд истиқбол гирифтани 700 - солагии Камоли Хуҷандӣ дар соли 2020 корҳои муҳимро ба нақша гирифтааст. Яке аз чунин иқдомҳои созанда ба фаъолият шурӯъ кардани Муассисаи давлатии «Маркази илмии Камоли Хуҷандӣ» аст, - иттилоъ дод директори он Баҳром Раҳматов.
Муассисаи мазкур дар Боғи фарҳангӣ - фароғатии ба номи Камоли Хуҷандӣ ҷойгир буда, ҷиҳати тайёр кардани кадрҳои илмӣ, аз ҷумла пажӯҳандагони адабиёт, таърих ва ҷомеашиносӣ низ ҳиммат гумоштааст. Аксари кормандонро ҷавонон ташкил дода, бештарашон забонҳои арабӣ, туркӣ ва русиву англисиро медонанд ва дар таҳияву баргардони матнҳои қадимӣ таҷрибаву малакаи матншиносӣ доранд.
Масъулони маркази Камоли Хуҷандӣ то имрӯз нашри зиёда аз 40 китоби нодир ва тасҳеҳи 30 китоби арзишманди илмиро ба сомон расонданд, ки аз ҷониби пажӯҳандагону устодони сухан истиқболи гарм ёфт.
- Тавассути Вазорати корҳои хориҷӣ ва сафоратхонаҳо бо китобхона ва ганҷинаи дастхатҳои кишварҳои хориҷа, бахусус Ҳиндустон, Туркия, Миср, Ӯзбекистон, Покистон, Афғонистон, Олмон ҳамкорӣ сурат гирифта, аз ин кишварҳо нусхаҳое аз дастхатҳои девони Камоли Хуҷандӣ ба даст оварда шуд. Дар баробари ин, бештар аз бист нусхаи дастхатҳои нодири шоирону олимони тоҷик аз давлатҳои номбурда дастрас шуд. Афзун бар ин, аз «Ганҷинаи дастхатҳои шарқии ба номи А. Мирзоев” - и Академияи илмҳои ҷумҳурӣ, Китобхонаи миллии Тоҷикистон ва дигар марказҳои дастхатнигоҳдории ҷумҳуриамон дастхатҳо гирифта шуда, робитаи илмӣ мустаҳкамтар гардид, - афзуд Б. Раҳматов.
Соли сипаришуда ба ифтихори Соли ҷавонон дар назди марказ маҳфили ҳармоҳаи «Камолшиносони ҷавон» ташкил ёфта, то имрӯз даҳҳо пажӯҳандагони пӯёи вилоятро гирди худ ҷамъ овардааст. Дар ин робита, директори марказ зикр кард, ки 90 дарсади кормандони муассиса аз синни 30 поёнанд. Ин агар аз як тараф бозгӯи сиёсати хирадмандонаву фарҳангсолоронаи Пешвои миллатро ҷиҳати дастгирии ҷавонон баён созад, аз сӯи дигар ба худшиносии миллӣ гароиш кардани ҷавонони моро нишон медиҳад.
Б. САЛИМОВ, 
«Ҷумҳурият»


Баёни ақида (0)    Санаи нашр: 13.02.2018    №: 33    Мутолиа карданд: 199

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед