logo

сиёсат

СИЁСАТИ БАЙНАЛМИЛАЛӢ. МАРҲИЛАИ НАВ ДАР КАСБИ ЭҲТИРОМ ВА ҶОЙГОҲИ ҶАҲОНӢ

Дар доираи густариши ҳамкориҳои гуногунҷанба бо мамолики ҷаҳон ва созмонҳои байналмилаливу минтақавӣ кишвари мо дар пешорӯи ибтикороти муҳиме қарор дорад, ки он на танҳо ба нафъи мо, балки тамоми мардуми сайёра хоҳад буд.

Бо назардошти пазироии гарми ҷомеаи ҷаҳонӣ аз ташаббуси нави байналмилалии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани Даҳсолаи байналмилалии амал «Об барои рушди устувор, 2018-2028» пешбинӣ мешавад, ки дар марҳилаи татбиқи ин амр Тоҷикистон ҳамчун кишвари ташаббускор дар меҳвари таваҷҷуҳи бештар қарор хоҳад гирифт. Аз ҳоло коршиносони умури байналмилалӣ пешбинӣ мекунанд, ки ташаббуси пурарзиши Президенти Ҷумҳурии Тоҷикистон муҳтарам Эмомалӣ Раҳмон дар рушди устувор ва мудирияти ҳамгироёнаи захираҳои об, татбиқи лоиҳаву барномаҳои хос, таҳкими ҳамкорӣ ҷиҳати татбиқи ҳадафҳои рушди устувори марбут ба захираҳои об нақши бориз хоҳад гузошт.
Тавре дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ зикр шуд, соли 2018 баробари оғози расмии татбиқи даҳсолаи нав кишвари мо мизбони муҳимтарин чорабиниҳои сатҳи байналмилалӣ хоҳад буд. Зеро дар доираи татбиқи Даҳсолаи байналмилалии амал «Об барои рушди устувор, 2018 - 2028», ки дар рӯзҳои таҷлили Наврӯзи ҷаҳонӣ ва Рӯзи ҷаҳонии об – 22 март оғоз мешавад, баргузории чандин нишасту конфронсҳо дар назар аст. Ба ин манзур, соли ҷорӣ меҳмонони зиёде ба кишвари мо ташриф меоранд, ки муносибати масъулона бо онҳо ба  касби ҷойгоҳи шоистатар ва мавқеи сиёсии мамлакат таъсиргузор хоҳад буд. Бо ба роҳ мондани сатҳи баланди хизматрасониву меҳмоннавозии тоҷикона дар ин фурусат метавон ба ҳадафҳое даст ёфт, ки дар доираи Соли рушди сайёҳӣ ва ҳунарҳои мардумӣ ба нақша гирифта шудаанд. Зеро ҳар шаҳрванди хориҷие, ки аз Тоҷикистон бо таассуроти нек бармегардад, бо зикри ёддоштҳояш метавонад чанд нафари дигарро барои сафар ба кишвари мо моил созад, ки як навъ ҷалби шумораи бештари сайёҳон аст.
Бояд гуфт, ки дар сиёсати хориҷии Тоҷикистон ҳамгироӣ оид ба  мубориза бо таҳдиду хатарҳои ҷаҳони муосир, аз ҷумла терроризму экстремизм низ ҷойгоҳи намоён дорад. Чунин мавқеъ, дар Паёми Сарвари давлат ба таври дақиқ арзёбӣ гардида, таъкид шуд, ки Тоҷикистон «бо мақсади таъмини амнияти устувор ҷиҳати пешгирӣ аз хатарҳои афзояндаи терроризму ифротгароӣ ва дигар таҳдидҳои замони муосир» ҳамкориҳои судмандро бо ҷомеаи ҷаҳонӣ ба роҳ мемонад. Конфронси байналмилалии сатҳи баланд дар мавзӯи муборизаи муштарак бо терроризму ифротгароӣ ва тундгароии  хушунатомез, ки қарор аст, моҳи майи соли 2018 дар шаҳри Душанбе баргузор гардад, иҷрои амалии ин тааҳҳудот мебошад.
Ибтикороти созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҳар яки мо тақозо менамояд, ки дар татбиқи ҳадафҳои сиёсати бобарори дохилию хориҷии Сарвари давлат саҳмгузор бошем. Муҳимтар аз ҳама, бо назардошти вазъи мураккаби ҷаҳон дар ҳифзи арзишҳои Истиқлолияти давлатӣ, ваҳдати миллӣ, ки асоси муваффақиятҳои беназири мост, фаъолнокии бештар зоҳир намоем.
Фурқат САМИЗОДА,
ёрдамчии прокурори шаҳри Ҳисор


Баёни ақида (0)    Санаи нашр: 13.02.2018    №: 33    Мутолиа карданд: 433

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед