logo

фарҳанг

АЛЛОМА БОБОҶОН ҒАФУРОВ ВА "ҶУМҲУРИЯТ"

Аллома Бобоҷон Ғафуров бо фаъолияти густурдаи худ дар соҳаҳои фарҳангу санъат, илму маориф, таъриху тамаддун ва иҷтимову сиёсат номи худро ба дафтари абадият сабт намуд. Аз ҷумла, дар ин мақолаи фишурда кӯшиш кардем, то робитаву ҳамкории ҳамешагии ӯ бо матбуоти тоҷик дар мисоли «Тоҷикистони советӣ» (имрӯза «Ҷумҳурият») барои хонанда рӯшантар шавад.
Аз чандин суханрониҳои гарм ва номаву навиштаҳои Бобоҷон Ғафуров пайдост, ки ӯ ба матбуот, бавижа рӯзномаву ҳафтаномаҳои даврӣ, меҳру ихлоси хосса доштааст ва онҳоро ҳамчун фишангҳои давлатсоз эътирофу эҳтиром мекардааст. Ӯ борҳо нақши бузург бозидани матбуотро дар тарбияи кадрҳои баландихтисоси тамоми соҳаҳо таъкид намуда, аз ҷумла 25 марти соли 1975 дар саҳифаи рӯзномаи «Тоҷикистони советӣ» навиштааст: «Дар солҳои 20 - 30 газетаҳои аввалини тоҷикӣ на танҳо ташкилотчӣ ва пропагандисти коллективӣ, балки макони ҳақиқии тайёрии кадрҳои партиявӣ, журналистӣ, адабӣ, маданӣ ва илмӣ буд. Аз насли калони нависандагон, коркунони илм ва маданият шояд касе набошад, ки дар газетаи «Тоҷикистони советӣ» кор ва ё бо вай ҳамкорӣ накарда бошад».
Зикри ин матлаб низ айни муддаост, ки Бобоҷон Ғафуров хатмкунандаи Институти журналистикаи ҳизбии Москва буд ва фаъолияти ҷамъиятиву сиёсии худро маҳз аз кори рӯзноманигорӣ оғоз кардааст. Ҳамчунин, ӯ солҳои 1927 - 1928 мухбири фаъоли рӯзномаи «Тоҷикистони советӣ» буд ва минбаъд равобити ӯ бо ин рӯзнома ӯро ба қуллаҳои баланд расонд.
Ӯ ҳанӯз ҷавони навхат буд, ки бо номи мустаор – «Бӯвоҷончӯлоқ» (Бобоҷони ланг - Б. Б.)  мақолаву фелйетонҳои тезу тунд ва фошкунанда навишта, аз кирдорҳои мулломаобону бойҳои истисморгар интиқод мекард. Бино ба навиштаи профессор Усмонҷон Ғаффоров, мавсуф солҳои 1927 - 1928 дар саҳифаҳои «Бедории тоҷик» (имрӯза «Ҷумҳурият»), «Овози тоҷик» зуд - зуд матлабҳо нашр менамуд ва минбаъд душману қасосгирандагон пайдо карда, ҷойи истиқоматашро тағйир дода меистод.
Баъдтар Бобоҷонро мухбири хурди рӯзномаи «Қизил Тоҷикистон» («Тоҷикистони сурх») таъйин мекунанд ва ӯ зина ба зина мудир, ҷонишини муҳаррир ва муҳаррири рӯзномаи номбурда шуда, ба камол мерасад. Дар ҷашни 50 - солагии «Тоҷикистони советӣ» иштирок ва суханронӣ карда, бори дигар ёдовар мешавад, ки ин рӯзнома дар камолоти ходимони барҷастаи давлативу ҳизбӣ ва фарҳангӣ нақши бориз дорад.
Шурӯъ аз соли 1935 ба тарбияи журналистони соҳибқалам кӯшида, бо ташаббуси Ҳизби коммунист курси шашмоҳаи тайёркунии муҳаррирони ноҳиявиро роҳандозӣ мекунад ва бори нахуст соли 1937 бисту ҳафт кас курси мазкурро хатм намуда, барои кор ба рӯзномаҳои ноҳиявӣ фиристода мешаванд.
Далели ҷолиби дигар ин аст, ки Бобоҷон Ғафуров дар аввалин мактаби омодасозии кадрҳои рӯзноманигорӣ, ки соли 1938 дар Душанбе (Сталинобод) ташкил ёфта буд, аз назария ва амалияи кори матбуот ба мутахассисони оянда дарс ҳам гуфтааст. Ӯ дар баробари мудирии сектори матбуоти маданӣ - равшаннамоии КМ ҲК Тоҷикистонро ба уҳда доштанаш, инчунин, як муддат муҳаррири маҷаллаи «Коркуни партиягӣ» буд ва бо мақолаҳои «10 сол ва зани озодшуда» (1939), «Мубориза ба муқобили боқимондаи одатҳои феодалӣ - боӣ нисбат ба занон қувватнок карда шавад» (1940) аз ҳуқуқу озодиҳои занон дифоъ мекард.
Барои Б. Ғафуров дар масъалаҳои ҷиддитар, ки тобиши сиёсӣ доранду аз ҳуқуқҳои маънавиву таърихии халқи тоҷик бояд дифоъ шавад, минбари баландтар аз «Тоҷикистони советӣ» набуд. Масалан, солҳои ҳафтодуми асри ХХ олими англис Тереза Раковская – Хармстоун китобе бо номи «Русия ва миллатчигӣ дар Осиёи Миёна дар мисоли Тоҷикистон» навишта, ба таҳрифи таърихи халқи тоҷик даст мезанад. Дар ҷавоби он Б. Ғафуров дар «Тоҷикистони советӣ» (9 сентябри 1972) мақола навишта, аз ҷумла чунин гуфтааст: «Таърихи гузаштаи халқҳои Шарқ, аз ҷумла халқи тоҷик  аз силсилаи беохири ҷангҳову табаддулоти дарборӣ иборат аст» (ин ҷумлаи Тереза Раковская – Б. Б.), зарбаи сахт зад. Бинобар ин, ман аз рӯи масъулиятшиносӣ гуфта метавонам, ки ин «тадқиқотчии» бевиҷдон таърихи гузашта ва ҳаёти ҳозираи халқи тоҷикро то чи андоза сохтакорӣ ва таҳриф кардааст. Манзарае, ки вай дар китобаш тасвир кардааст, ба воқеият ягон қадар монандӣ надорад».
Номбурда дар солҳои Ҷанги Бузурги Ватанӣ низ бо мақолаҳои оташину нишонрасаш халқи тоҷикро ба муборизаи беамони зидди фашистон даъват кардааст. Ҳатто устод Садриддин Айнӣ зикр мекунанд, ки Бобоҷон Ғафуров барои навиштани асарҳои таърихӣ чандин мавзӯъҳоро пешниҳод кард ва ман аз байни онҳо мавзӯи Ибни Муқаннаъро пазируфтам (У. Ғаффоров, А. Усмонов «Нобиға», 2017, саҳ. 94 - 95). Минбаъд аз ин таваҷҷуҳи Б. Ғафуров устод Айнӣ илҳом гирифта, асарҳои «Исёни Муқаннаъ», «Қаҳрамони халқи тоҷик - Темурмалик» - ро офарид ва тоҷиконро ба корнамоиҳо ҳидоят намуд.
Боз як далели ҷолиби диққат ин аст, ки Б. Ғафуров баъди фикру мулоҳизаҳои зиёд навиштани номаи умумихалқиро ба унвони аскару афсарони зидди фашистон ҷангидаистодаи тоҷик ҳадаф қарор дода, матни пурраи онро 20 марти соли 1943 дар «Тоҷикистони советӣ» чоп кунонд. Номаи мазкур имзоҳои 390 ҳазор ходими машҳури соҳаҳои гуногун, аз ҷумла Бобоҷон Ғафуровро дар худ дошта, ҳар як ҳарфи он ҷавонмардони моро ба шуҷоату қаҳрамонӣ ва нангу номуси ватандорӣ даъват мекард. Яке аз нусхаҳои он то ҳол дар хонаи профессор У. Ғаффоров нигаҳдорӣ мешавад.
Албатта, ин садоқату самимият ва дилбастагии якумраи аллома Бобоҷон Ғафуров ба рӯзномаи «Тоҷикистони советӣ» бесабаб набуд. Зеро ӯ дарк мекард, ки умри «Тоҷикистони советӣ» пайваста бо умри Тоҷикистону тоҷикон дароз аст ва фардо ҳам, имрӯз ҳам бо номи «Ҷумҳурият» дар пойдории давлат, муназзаму мутараққӣ кардани афкори ҷомеа ва ваҳдату ҳамгироии халқи тоҷик мусоидат мекунад. Ва, дар ин росто, «Ҷумҳурият» низ номи содиқтарин мухбир ва муаллифи худ – Бобоҷон Ғафуровро зинда нигаҳ медорад!
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 13.02.2018    №: 33    Мутолиа карданд: 625
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед