logo

фарҳанг

ҲУНАР БЕҲ АЗ МЕРОСИ ПАДАР

Дар замони муосир, ки замони бархӯрди тамаддунҳост, эҳё ва рушди ҳунарҳои мардумӣ дар боло бурдани ҳувияти миллӣ нақши босазо мегузоранд. Шахси ҳунарманд бошад, дар ҳама давру замон соҳиби обрӯву эътибори хосса аст. Зеро ҳар қадар технологияҳои замонавӣ фаъолияти дастиро осону онро сермаҳсул намоянд ҳам, онҳо эҳсосот, орзуву омол ва ниятҳои неки ба эҷози худ эҳдо намудаи инсонро иваз карда наметавонанд. Аз ин ҷост, ки рӯз аз рӯз ва сол аз сол таваҷҷуҳ ба ҳунармандон ва ҳунарҳои миллӣ бештар мегардад. Шахсе, ки мо дар борааш ҳарф мезанем, воқеан ҳам, ҳунарманди мардумӣ аст. Ӯ сокини деҳаи Сари Пули Ҷамоати деҳоти Нушори ноҳияи Тоҷикобод Адҳам Давлатов мебошад.

Номбурда солҳои зиёд аз пайи меҳнати ҳалоли худ нон хӯрда, фарзандони худу шогирдонашро дар рӯҳияи ватандорию хештаншиносӣ ва меҳнатдӯстӣ тарбия намудааст. Аз ин ҷост, ки фарзандонаш низ, новобаста аз ихтисоси гуногун гирифтанашон, ба касби  дуредгарӣ таваҷҷуҳи беандоза доранд ва худро боифтихор давомдиҳандаи касби падар меҳисобанд.
Адҳам Давлатов аслан омӯзгор аст. Дар мактаби деҳа ба шогирдон аз фанни забон ва адабиёти тоҷик дарс мегӯяд. Новобаста аз оне, ки омӯзгор аст, бо асбобҳои аз падар меросмонда ба сохтани ашёи рӯзгор аз қабили ҷевон, гаҳвора, асбоби мусиқӣ (тор, тамбур, думбра, дутор), инчунин, лавҳ, табақ, қошуқ, қанддон, сандуқҳои кандакорӣ ва ғайраҳо машғул аст. Дар эҷодаш аз нақшу нигорҳои қадима, ки бо гулҳои рангоранг, парандагон ва рамзҳои мухталиф оро ёфтаанд, васеъ истифода мебарад.
Солиёни зиёд аст, ки дар намоишгоҳҳои ноҳиявию ҷумҳуриявӣ бо маҳсули дастони хеш ширкат варзида, соҳиби ифтихорномаҳо гардидааст. Ҳар нақшро бо ҳавсалаи том рӯйи пораҳои чӯб тасвир намуда, пасон  кандакорӣ мекунад. Сеҳри дастони муъҷизаофараш дар ҳар кораш эҳсос мегардад.
Чун дар бораи ҳунару ҳунармандӣ аз ӯ пурсон шудем, чунин посух дод: «Ҳунар сармояест, ки онро ҳеҷ газанде намерасад. Аз ин ҷост, ки ҳунармандон онро бо ягон дороӣ ва симу зар иваз кардан намехоҳанд. Ҳунарро харидан низ мумкин нест. Онро танҳо  дӯст доштан даркор аст. Агар меҳр дошта бошед, ҳунарро аз худ мекунед, вагарна не.
Ҳунар инсонро бузургию шаҳомат бахшида, ӯро болидарӯҳ мегардонад ва зиндагиро зебоӣ мебахшад. Ҳамаи ҳунарҳо дар оғози аз бар намудан душворӣ доранд, вале кам одамоне ёфт мешаванд, ки ин душвориҳоро паси сар намоянд. Аз ин ҷост, ки дар ҳама давру замон ҳунарманд воломақому бообрӯ мебошад».
Таҷрибаи усто Адҳам Давлатов нишон медиҳад, ки ҳунарманд коргоҳ намеҷӯяд, ҳар куҷое, ки бошад, метавонад барои худ шуғле пайдо намояд. Гузашта аз ин, ҳунар мояи рӯзгор мебошад. Мояе, ки дар он хайру баракати беандоза нуҳуфта аст.
Дилшод АМИРОВ, «Ҷумҳурият»


Баёни ақида (0)    Санаи нашр: 14.02.2018    №: 34    Мутолиа карданд: 802

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед