logo

фарҳанг

КЛУБҲОИ САЙЁР ЭҲЁИ ОНҲО ТАҚОЗОИ ЗАМОН АСТ

Як замон яке аз ҷабҳаҳои муҳими фаъолияти соҳаи фарҳангро дар деҳоти кишвар клубҳои сайёр ташкил медоданд. Шояд баъзеҳо чунин андеша дошта бошанд, ки клубҳои сайёр (автоклубҳо) маҳсули замони худ буданду имрӯз ба кор намеоянд. Вале дар асл чунин нест.
Нахуст онҳо барои расондани хизмати фарҳангӣ дар мавзеъҳое, ки он ҷо муассисаҳои фарҳангӣ - фароғатӣ вуҷуд надоштанд, пешбинӣ шуда буданд. Вазифаи асосии автоклубҳо гузарондани чорабиниҳои гуногуни фарҳангӣ ва сиёсӣ маҳсуб меёфт. Яке аз тадбирҳои фарҳангӣ ташкил намудани ҳайати ташвиқотӣ - бадеӣ аз ҷумлаи адибон, санъаткорон, табибон, лекторон буд. Радиогазета жанри маъмултарини клубҳои сайёр ба шумор мерафт. Дар давраи баргузории раъйпурсиҳои умумихалқӣ, ҷашну санаҳои гуногуни таърихӣ аз онҳо ба таври васеъ истифода мебурданд. Расондани муроҷиатҳои гуногунмазмун ба аҳолӣ ва амсоли ин тадбирҳо бо воситаи эълон намудан аз тариқи радиои клуби сайёр амалӣ мешуд. Дар назди ҳар шуъбаи (ҳоло бахш) - и фарҳанги ноҳияҳо то солҳои 90 - уми асри гузашта аз 6 то 8 клуби сайёр амал мекард. Аз 2 то 4 клуби сайёр дар назди бахши фарҳанг, 4 клуби дигар дар назди хонаҳои фарҳанги ҷамоатҳои деҳот. Тибқи харитаи хизматрасонии маданӣ ба аҳолӣ онҳо ба минтақаҳои муайян вобаста гардида буданд. Ҳоло дар миқёси ҷумҳурӣ ҳамагӣ 48 клуби сайёр бо 132 нафар корманд боқӣ мондаасту халос. Чаро? Сабабҳо зиёданд.
Аввалан, нақлиёте, ки ба клубҳои сайёр бо таҷҳизоти махсус вобаста буданд, кайҳо корношояму фарсурда гардиданд. Азбаски сохтори хоҷагиҳои кишоварзӣ таҷдид гардид, ин омил ҳам ба фаъолияти клубҳои сайёр то дараҷае халал ворид намуд. Зеро шумораи зиёди иштирокчиёни чорабиниҳо кормандони соҳаи хоҷагиҳои кишоварзӣ буданд.
Ташкилотҳои ҳизбӣ дар назди хоҷагиҳо, ки фаъолияти клубҳои сайёрро роҳбарӣ мекарданд, аз байн рафтанд. Мутахассисони беҳтарини соҳаи фарҳанг, ки тарбиятдидаи замони шӯравӣ буданд, бо сабабҳои гуногун тарки вазифа намуданд, ё ба нафақа баромаданд. Воҳидҳои кории клубҳои сайёрро масъулини соҳа тақсим намуда, бо дигар мақсад истифода бурда истодаанд. Боз чанд омилеро метавон номбар намуд, ки сабаби камфаъолиятии яке аз самтҳои хуби соҳаи фарҳанг гардиданд.
Чорабиниҳои фарҳангӣ саропо таълиму тарбия буда, саршор аз мавзӯи ватандӯстӣ, меҳнатдӯстӣ, ваҳдату ҳамгироӣ буданд. Барномаҳои консертӣ хуб омода мешуданд. Шӯроҳои бадеӣ дар бахшҳои фарҳанг пурмасъулият ва холисона кор мебурданд. Барномаи ташвиқотӣ - бадеии клубҳои сайёр низ ҳаматарафа омӯхта мешуд ва тасдиқ мегардид. Ҳоло чунин нест.
Масъалаи мазкур паҳлуҳои зиёд дорад ва суҳбати доманадорро мехоҳад. Манзури мо ин аст, ки клубҳои сайёр бояд эҳё шаванд. Ҳеҷ мушкиле барои ин тадбир нест. Шукр, ҳар рӯз ба ҷумҳурӣ нақлиёти гуногун ворид гардида истодааст. Мутобиқ намудани онҳо ба клуби сайёр мушкиле надорад. Технологияҳои ҷадиди кинонамоишдиҳӣ, воситаҳои техникаи замонавӣ низ бо нархҳои дастрас мавҷуд ҳастанд.
Имрӯз дар маркази ноҳия чорабиние баргузор шавад, раисони ҷамоатҳо ва  ташкилотҳои ҷамъиятӣ  бо ҷамъ овардани 15 - 20 иштирокчӣ вазифаи худро ба иҷро расида медонанд. Аммо дар ҳудуди ҷамоатҳо, ки аксари аҳолӣ он ҷо истиқомат доранд аз баргузории чунин тадбирҳои муҳими сиёсиву фарҳангӣ огоҳӣ надоранд ва ба онҳо ҷалб ҳам намегарданд. Маҳз дар ҳамин маврид аз клубҳои сайёр самаранок истифода бурдан мумкин. Сабаби камфаъолият гаштани муассисаҳои фарҳангӣ дар деҳоти кишвар низ аз ҳамин ҷо маншаъ мегирад. Аз онҳо касе истифода намебарад. Аксари масъулони мақомоти иҷроияи маҳаллии ҳокимияти давлатии ноҳияҳо вазифаи худро дар баргузор намудани ҷашнҳои миллӣ дар марказҳои ноҳия бо гирд овардани тамошобинони доимӣ мебинанд. Навоварӣ дар ташкил ва баргузории чорабиниҳо дида намешавад. Сенарияҳо якранг ва барномаҳои консертии «обшуста» - анд. Чандин сол аст, ки касе ба таҳлилу таҳқиқи  мушкифонаи мавзӯъу муҳтавои ин чорабиниҳо даст назадааст. Ба қавле «Гузашт? Бале гузашт!».
Эҳёи фаъолияти клубҳои сайёр на танҳо вазифаи кормандони соҳаи фарҳанг, балки бахшҳои идеологии тамоми сохторҳои давлатист. Дар ин тадбири муҳим мақомоти иҷроияи ҳокимияти давлатии вилоятҳо, шаҳру ноҳияҳо бояд саҳм гузоранд, ки, мутаассифона чунин нест!
Шодибек УСМОНОВ,
Аълочии фарҳанги Ҷумҳурии Тоҷикистон


Баёни ақида (0)    Санаи нашр: 15.02.2018    №: 35    Мутолиа карданд: 436
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед