logo

ҳуқуқ

ҶИНОЯТ ва ҶАЗО

РИШВА
муфаттиши милитсияро ба курсии айбдорӣ шинонд
Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон як корманди мақомоти корҳои дохилиро зимни гирифтани 1000 доллари амрикоӣ ҳамчун пора дастгир намуданд.
Тибқи гузориши сомонаи агентӣ, муфаттиши ШВКД - 2 дар ноҳияи Фирдавсии шаҳри Душанбе Рамзиддин Сафаров ин маблағро «барои бо маводи санҷишии дар пешбурдаш қарордошта қабул намудани қарор дар бораи рад кардан аз оғози парвандаи ҷиноятӣ бо моддаи 239 Кодекси ҷиноятии Ҷумҳурии Тоҷикистон аз шаҳрванд «А» талаб намудааст». Номбурда зимни гирифтани 1000 доллари амрикоӣ дар ҷойи ҳодиса дастгир шуда, далели шайъӣ аз ӯ гирифта шуд.
Вобаста ба ин ҳолат, нисбат ба Рамзиддин Сафаров бо моддаи 319 қисми 1 - и Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, тафтишот идома дорад.

КУШТОР
Ҷинояте, ки баъди 18 сол ошкор гардид
Кормандони мақомоти милитсия дар ноҳияи Бобоҷон Ғафуров парда аз рӯи ҷинояти бераҳмонае бардоштанд, ки 18 сол муқаддам содир шудааст.
Бар пояи иттилои сомонаи ВКД, шахси гумонбар дар ин ҳодиса, марди 55 - солаи сокини ноҳияи Бобоҷон Ғафуров буда, соли 2000 - ум дар ҳавлии истиқоматии бародараш бо марди он замон 41 - солаи сокини шаҳри Хуҷанд, миллаташ белорус, муноқиша карда, ӯро бо зарби хишт сахт маҷрӯҳ мекунад, ки ҷабрдида дар ҷои ҳодиса ба ҳалокат мерасад.
Гумонбаршуда, ки рӯзи 14 феврал боздошт гардид, он замон бо мақсади  рӯйпӯш намудани ҷинояти содирнамудааш ҷасади кушташударо дар ҳавлии истиқоматии бародараш гӯр кардааст.
Ба навиштаи манбаъ, ҷасади марди 41- сола дарёфт ва мувофиқи маълумотномаи судӣ - тиббии вилояти Суғд дар он аломатҳои марги маҷбурӣ, аз ҷумла шикасти пушти косахонаи сар ошкор шуда, тафтишот оид ба ин ҳодиса давом дорад.
.
КОРРУПСИЯ
Порадиҳанда 50 000 сомонӣ ҷарима шуд
Бо ҳукми суди ноҳияи Исмоили Сомонии шаҳри Душанбе шаҳрванд Улуғбек Казаков бо моддаи 320 қисми 1-и Кодекси ҷиноятӣ, яъне барои додани пора гунаҳкор дониста шуда, нисбат ба ӯ ҷазо дар намуди ҷарима ба маблағи 50 000 сомонӣ таъйин гардид.
Маркази матбуоти Прокуратураи генералии Ҷумҳурии Тоҷикистон иттилоъ медиҳад, ки номбурда бо мақсади озод кардани падараш Маъмурҷон Казаков ва бародараш Фурқат Казаков, ки дар содир намудани ҷиноят гумонбар дониста шудаанд, бо ваколатдори оперативии Раёсати мубориза бар зидди ҷиноятҳои муташаккили ВКД капитани милитсия Б. Шамсуллоев оид ба додани пора ба маблағи 30000 доллари амрикоӣ маслиҳат намудаанд.
Баъдан, У. Казаков барои минбаъд ёрӣ намудан дар озод кардани падару бародараш ба капитани милитсия 59850 сомонӣ, 10000 рубли русӣ ва 7480 доллари амрикоиро ҳамчун пора пешниҳод намуда, оқибат ба ҷавобгарӣ кашида шуд.
Шуъбаи ҳуқуқи рӯзномаи  «Ҷумҳурият»


Баёни ақида (0)    Санаи нашр: 20.02.2018    №: 38    Мутолиа карданд: 186

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед