logo

фарҳанг

БОБОҶОН ҒАФУРОВ ХОДИМИ НОМДОРИ ДАВЛАТИЮ СИЁСӢ

Пиру барно дар шоҳроҳ гирд омаданд. Мӯйсафедони ришсафеди рӯдакисурат - эшони Умархон, мулло Мирзои Маликҷонӣ, Қаноати Иброҳим, Наҷмиддини Шамсиддин, усто Камол ва садҳои дигар марди кулоҳпӯшро ба канор мекашиданд. Ӯ бо завқ бо пирон суҳбат карда, сӯи мо - талабагон сар меҷунбонд.
Ин дидор дар солҳои 60 - уми асри ХХ сурат гирифта буд. Ба мо, хонандагон супориш доданд, ки дар тозаву озода гардондани деҳаи Некнот фаъолона иштирок кунем. Зеро ба деҳа Бобоҷон Ғафуров меояд ва бо хонандагони мактаб низ дидору мулоқот мекунад. Омӯзгорон пеш аз ҳама болохонаи мактабро, ки бинои баланде буд, оро медоданд. Тайи чанд рӯз деҳа намуди зебое пайдо кард. Рӯзи боздиди Бобоҷон Ғафуров аз деҳаи Некнот тамоми мардум гӯё ба по хеста буд.
Директори мактаби деҳаи Некнот пеш - пешу дигарон аз қафо ба болохона баромаданд. Дар толори вохӯрӣ минбар дуруст кардаву парчам гузошта шуда буд. Хаёл мекунам он рӯз директори мо Ҳазратқул Ҳусейнов ҳатто фаромӯш карда буд, ки ҳар ду пояш чӯбинанд (дар ҶБВ аз пойҳояш маҳрум шуда буд),  чунки бо асобағалаш чусту чолок қадам мезад…
Дабистонро хатм  кардаму ба Душанбе рафтам, насибам гардид, ки чеҳра, симо, суханронии Бобоҷон Ғафуровро дар Театри давлатии академӣ - драмавии ба номи А. Лоҳутӣ, Театри давлатии академии опера ва балети ба номи С. Айнӣ хонаи маорифи сиёсӣ ва маҷлисгоҳи Академияи фанҳо борҳо бинаму бишнавам…
Баъдтар донистам, ки Бобоҷон Ғафуров ба миллат хизматҳои шоиста кардааст. Ин фарзанди фарзона беш аз даҳ сол сарвари Тоҷикистон буд ва чи хидмате барои халқ кард, ҳама медонем. Дар бораи шоҳасари «Тоҷикон» сухан рондан шарт нест, чунки дар ин маврид  борҳо гуфтаанд… Моро чизи дигар, ҳамон муҳаббати пиру барнои рустои Некноти шаҳри Панҷакент нисбат ба Бобоҷон Ғафуров то ҳол ба шигифт овардааст. Аз ҳамон рӯз то ба имрӯз чунин муҳаббату  ихлосмандии мардумро банда танҳо нисбат ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Бобоҷон Ғафуров ва Мирзо Турсунзода дидам.
Дар замони шӯравӣ ба туфайли Бобоҷон Ғафуров ва Мирзо Турсунзода тоҷиконро дар ҷаҳон, хосса дар Осиё, Аврупо ва Африқо мешинохтанд. Устод Лоиқ ҷойе фармуда: «Бузургонро бузургон зинда медоранд». Беҳуда Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон ба Бобоҷон Ғафуров унвони Қаҳрамони Тоҷикистонро надодаанд. Пешвои муаззами миллат дар китоби «Чеҳраҳои мондагор» Бобоҷон Ғафуровро бо ифтихор «фарзанди фарзонаи миллат, ходими номдори давлатию сиёсӣ ва Қаҳрамони Тоҷикистон» меноманд.
Холмурод САФАРЗОДА,
узви Иттифоқи журналистони Тоҷикистон


Баёни ақида (0)    Санаи нашр: 20.02.2018    №: 38    Мутолиа карданд: 155

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед