logo

маориф

ТЕХНОЛОГИЯ ОМИЛИ МУАССИР ДАР САМАРАНОКИИ ТАЪЛИМ

Истифода аз технологияҳои муосир дар раванди таълим яке аз омилҳои муҳими таъминсозандаи сифат ва муайянкунандаи дараҷаи пешрафти он маҳсуб мегардад. Аз омӯзгори замони мо ғайр аз дониш, малака ва маҳорати касбӣ донистани технологияҳои муосир низ талаб карда мешавад.
Воқеан ҳам, имрӯзҳо қариб ҳамаи синфхонаҳои таълимӣ, толорҳои лексионию семинарӣ ва конфронсҳо, ҳатто маҷлисгоҳҳо низ бо тахтаи электронӣ, компютер ва проекторҳо муҷаҳҳаз шудаанд. Тавассути онҳо мо маълумоти гуногунро, аз қабили хабар, расму графикаҳои гуногун, тасвирҳои видеоӣ ва аудиосадоҳоро ба сомеон мерасонем. Онҳо ба ғайр аз вазифаи намоишдиҳӣ ва муаррифӣ, ҳамчунин, барои сохтани моделҳои мухталиф низ истифода мешаванд.
Коргирӣ аз тахтаҳои электронӣ аз омӯзгор истифодаи барномаҳои мухталифро низ тақозо менамояд. Аз ҷониби дигар, худи хонандагон низ аз машғулиятҳо дилгир намешаванд, зеро кор дар тахтаи электронӣ барояшон шавқовар мебошад.
Дар маҷмӯъ технологияҳои навтарин дар кашидани расм, ҳуруфчинии матнҳо, сохтани диаграммаҳо, интишори иттилоот аз дискҳо ба омӯзгор кумак мерасонанд. Баҳрабардории васеи онҳо шавқу рағбати хонандагонро на танҳо ба фанни омӯзонидашаванда, балки ба технологияҳои ҷадид низ зиёд менамояд. Фикрронии хонандагонро сайқал дода, ҳисси эҷодкориро дар вуҷуди онҳо бедор мекунад.
Аксари барномаҳои технологияҳои таълимӣ ба ҳалли дастаҷамъонаи масъалаҳо равона карда шудаанд. Ин тарзи муносибат хонандагонро ба муошират ва амали якҷоя ҳидоят менамояд. Чунин таҷрибаҳо дар оянда, ҳангоме ки онҳо дар коллективҳои калон фаъолият менамоянд, ба кор хоҳад рафт. Барномаҳои насли ҷадид имкон фароҳам меоранд, ки хонандагон камбудӣ ва хатоҳои худро сари вақт пайхас намуда, онро ислоҳ намоянд. Ҳамчунин, метавонем дар тахтаи электронӣ ҷузъи калима ё ибораи заруриро ҷудо намуда, онро бо вожаи дигар иваз ё матни хаторо ба осонӣ ислоҳ созем. 
Муҳимтар аз ҳама, технологияҳои ҷадид дар баёни мавзӯъҳои мушкил ба омӯзгорон кумак мерасонанд. Истифодаи онҳо хеле сода ва мувофиқ низ мебошад. Омӯзгор ҳангоми баёни мавзӯи нав ҳатман чанд амалиёти заруриро дар рӯйи тахта иҷро менамояд. Хонандагон низ дар тақлид ба устод ин амалҳоро дар майнаи сар ҷо мекунанд. Ин амали назарногир ҳам шавқи онҳоро ба техника бедор менамояд ва ҳам хотираашонро қавӣ мегардонад.
Асри XXI – ро асри технологияҳои ҷадид номидаанд. Баҳрабардории васеи технологияҳои нави таълимӣ ба хонандагон дар аз худ намудан ва минбаъд самаранок истифода бурдани дастовардҳои техникӣ низ мадад мерасонад.
Раванди мазкур ба дарсазбаркунии хонандагон низ бетаъсир намемонад. Чуноне ки медонем тафаккури аксари наврасон тафаккури биноӣ мебошад. Ҳамвора бо шунидан, яъне шарҳи мавзӯъ дидан (тамошо кардани раванди он) ба онҳо дар раванди донишандӯзӣ кумак мерасонад. Мо - омӯзгоронро зарур аст, ки аз равандҳои муосири техникӣ дар ҷараёни таълим самаранок истифода бурда, ба ин васила, шавқу завқи бачагонро ба онҳо бедор намоем. 
Ашӯрхон РАЗЗОҚОВА,
омӯзгори гимназия барои
хонандагони болаёқати № 1, шаҳри Душанбе


Баёни ақида (0)    Санаи нашр: 22.02.2018    №: 40    Мутолиа карданд: 440

22.09.2019


Ҷаҳон дар як сатр

Душанбе пойтахти фарҳангии ИДМ дар соли 2021 интихоб шуд

ММД Тоҷикистон 7,4 дарсад боло рафт

Путин бо шоҳзодаи саудӣ ҳамла ба иншооти нафтиро баррасӣ намуд

Сӯхтор дар Малайзия боиси бастани яку ним ҳазор мактаб гашт

Дар Ӯзбекистон сабти телефонҳои мобилӣ пулакӣ мешавад

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай


Дар сомонаҳои дигари Тоҷикистон хонед