logo

туризм

САЙЁҲИИ ДОХИЛӢ. ҚАДАМИ УСТУВОР ДАР РУШДИ ТУРИЗМ

Сайёҳии дохилӣ саёҳати гуногунҷабҳаи шаҳрвандон дар ҳудуди кишвар буда, рушди соҳаи туризм аз ривоҷу равнақи ин бахш вобастагии амиқ дорад. Аз ин лиҳоз, Ҳукумати мамлакат ба он таваҷҷуҳи махсус зоҳир намуда, барои пешрафти он тадбирҳои муассир меандешад. Яке аз чунин иқдомҳои ҷиддӣ соли 2017 қабул гардидани Қонуни Ҷумҳурии Тоҷикистон “Дар бораи сайёҳии дохилӣ” маҳсуб меёбад, ки асосҳои ташкилӣ, ҳуқуқӣ, иқтисодӣ ва иҷтимоию фарҳангии фаъолиятро дар ин бахш муайян менамояд.

Тавре мудири бахши иқтисод ва банақшагирии Кумитаи рушди сайёҳӣ Муродалӣ Алиев иброз дошт, самараи ҳамин чораандешиҳост, ки соли сипаригардида теъдоди сайёҳони дохилӣ бамаротиб афзуд ва зиёда аз 600 ҳазор сайёҳ аз мавзеъҳои таърихию фарҳангӣ ва табобатии кишвар дидан кард. Дар шаҳру ноҳияҳои Ҳисор, Турсунзода, Норак, Ховалинг, Балҷувон, Файзобод, Рашт, Айнӣ ва мавзеъҳои Сари Хосор, Ромит ва Канаск 20 хатсайри нав ифтитоҳ ёфта, ширкатҳои сайёҳӣ бо имкониятҳои туристии ин минтақаҳо ошно гаштанд. Ғайр аз ин, дар ҳамкорӣ бо бахши хусусӣ дар ноҳияи Ховалинг меҳмонхонаи «Хонаи шикорчиён» ба истифода дода шуда, бунёди осоишгоҳ-табобатгоҳ дар шаҳри Норак, комплексҳои сайёҳӣ дар шаҳру ноҳияҳои Нораку Шаҳристон, иншооти маишӣ ва хизматрасонӣ дар мавзеи Себистони ноҳияи Данғара ба нақша гирифта шудаанд.
Ба андешаи коршиносон барои рушди соҳаи туризм бояд, пеш аз ҳама, сайёҳии дохилиро ривоҷу равнақ бахшид. Зеро сайёҳони хориҷӣ ба ҷойҳое, ки дар онҳо сайёҳии дохилӣ рушд кардааст, майли бештар доранд. Дар ин росто, Тоҷикистон бо мавзеъҳои зебо, обу ҳавои соф ва иқлими мусоид, объектҳои табиию солимгардонӣ ва мероси бойи таърихию фарҳангӣ барои ҷалби бештари сайёҳон имкониятҳои зиёд дорад. Дар баробари ин, саёҳати дохилӣ ба сокинони гӯшаву канори гуногуни мамлакат имкон медиҳад, ки бо расму оин, анъанаҳои қадимии этникию  фарҳангии ҳамдигар ошноӣ пайдо намоянд.
Мавриди зикр аст, ки сайёҳии дохилӣ ба намудҳои фарҳангӣ ва маънавию маърифатӣ, варзишӣ, саргузаштӣ, корӣ ё хизматӣ, намоишию тадқиқотӣ, тандурустӣ, деҳотӣ, экологӣ, динию таърихӣ ва мактабӣ ҷудо мешавад. Аммо чуноне аз маълумотҳои оморӣ бармеояд, шаҳрвандони мамлакат бештар ба сайёҳии таърихию фарҳангӣ, табобатию солимгардонӣ ва саёҳат бо мақсади шикор таваҷҷуҳ доранд.
- Ин аз он сабаб аст, ки аҳолии кишвар дар бораи соҳаи сайёҳӣ ва намудҳои он маълумоти кофӣ надоранд,- мегӯяд мудири кафедраи туризми Донишкадаи соҳибкорӣ ва хизмат Фазлиддин Қодиров. – Зарур аст, ки тавассути ба роҳ мондани корҳои фаҳмондадиҳӣ, вохӯрии намояндагони соҳа бо аҳли ҷомеа моҳияти масъала ба шаҳрвандон, махсусан ҷавонону наврасон, фаҳмонда шавад. Ҳатто, ташкили хатсайрҳои омӯзишӣ ба мавзеъҳои сайёҳӣ ба манфиати кор хоҳад буд.
- Бояд гуфт, ки барои рушди сайёҳии дохилӣ ва ташвиқу тарғиби он ширкатҳои туристӣ нақши муҳим мебозанд. Инро ба инобат гирифта як қатор ширкатҳо, аз ҷумла «Тоҷик Тур», «Ҷавоҳир», «Роҳат Тур», «Ором саёҳат» ва Муассисаи сайру саёҳати Иттифоқҳои касаба саёҳати шаҳрвандонро ба мавзеъҳои гуногуни шаҳру ноҳияҳои Душанбе, Ҳисор, Ваҳдат, Норак, Кӯлоб, Панҷакент, Хуҷанд, Варзоб, Муъминобод, Данғара, Восеъ, Шаҳритуз ва ВМКБ ташкил карда истодаанд,- мегӯяд Муродалӣ Алиев.
Мавсуф, ҳамчунин, иброз дошт, ки сайёҳии дохилӣ имрӯз яке аз бахшҳои асосии туризм дониста мешавад. Барои рушди он дар мамлакат  ташкили шӯроҳои миллӣ ва маҳаллии рушди сайёҳии дохилӣ, гӯшаҳои иттилоотӣ, меҳмонхонаҳо, марказҳои хизматрасонии нақлиётӣ, дуконҳои фурӯши молу маҳсулоти сайёҳӣ ва минтақаҳои моҳигирӣ зарур ва ногузир аст. 
Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 22.02.2018    №: 40    Мутолиа карданд: 399

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед