logo

иҷтимоиёт

АМНИЯТИ ДАВЛАТ. ҲАР ЯКИ МО БОЯД БА ҚАДРИ ОСОИШ РАСЕМ!

Бо амри тақдир ду маротиба дар ҳайати гурӯҳи мушовирони ҳарбии шӯравӣ дар Афғонистони акнун ба гирдоби ҷанг печида будам. Қариб се сол дар яке аз сангарҳои доғи ин мамлакат – шаҳри Қандаҳор дар қисмҳои ҳарбии афғонҳо ба сифати тарҷумони ҳарбӣ хизмат намудам.
Воқеан дар набардҳои шадид 130 нафар сокини ноҳияи Деваштич низ иштирок карда, қарзи фарзандии худро сарбаландона адо намуданд.
Ҳеҷ гоҳ аз хотирам зудуда намегарданд он рӯзҳои мудҳиши ҷангӣ. Вақте саҳифаҳои китоби зиндагии ҳарбиамро варақгардон менамоям, боварам намеояд, ки дар он лаҳзаҳои пурхатар чи тавр аз тиру туфанги нохалафи душман амон ёфтам.
Ҳангоме ки дар полки артиллерӣ бо мушовирон хизмат мекардам, боре бо чархбол ба ҳайати қисми ҳарбии обанбори вилояти Ҳелманд маводи озуқа ва яроқу аслиҳа, муҳимоти ҳарбӣ мебурдем. Пас аз интиқол додани мавод, дар бозгашт, чархболи мо тавассути пулемётҳои вазнини ДШК мавриди тирпарронии шадиди қувваҳои хушкигарди мухолифин қарор гирифт. Он дақиқаҳо мо умедамонро аз ҳаёт канда будем. Хушбахтона, ба шарофати маҳорати ҳарбӣ ва чолокии пилоти машинаи ҳарбӣ мо аз вартаи ҳалокат наҷот ёфтем.
Вақте чархбол дар майдони ҳавоии Қандаҳор ба замин нишаст, дар ақиби он чанд сӯрохии тири пулемётро мушоҳида кардем. Бале, он як муъҷиза буд, ки тири душман каме хато хӯрда, ҷои сӯзишворӣ оташ нагирифтааст.
Дар он лаҳзаҳое, ки байни обу оташ қарор мегирифтем, Худоро тавалло карда, ба ҷон орзу мекардем, ки чунин рӯзҳои мудҳиш ба сари мардуми мо наоянд. Аммо сад афсӯс, ки дар оғози солҳои 90-и асри ХХ кишвари мо низ ба доми ҷанги шаҳрвандӣ афтод ва оқибаташ ба мову шумо маълум аст…
Сад офарин ба Пешвои муаззами миллат, ки дар ҳамон солҳои вазнини ҷанги шаҳрвандӣ ба хотири осудагии мардумаш ба мамлакати ҳамҷавор – Афғонистоне, ки дар коми оташ буд, ҷон ба гарав гузошта, сафар кард, то бо мухолифин гуфтушунид намояд. Он замон гӯё душманон ӯро месанҷиданд, аммо онҳо намедонистанд, ки Эмомалӣ Раҳмон соҳиби дили бузург ва иродаву неруи шикастнопазир аст.
Президенти кишвар дар Паёми навбатии худ ба нооромиву низоъҳои ҷаҳони муосир ишора карда, аз ҷумла фармуданд: «Хатарҳои замони муосир, вазъият дар Ховари Миёна, бахусус, вазъи Афғонистони ҳамсоя моро водор месозад, ки ба масъалаи таъмини амният диққати аввалиндараҷа диҳем». Бисёр касон гумон мекунанд, ки таъмини амният вазифаи аскарону афсарон ва ниҳодҳои қудратист. Вале амният аз оилаи ҳар яки мо оғоз меёбад. Агар фарзандони мову шумо роҳ сӯи кишварҳои ҷангзада нагиранд ва илмҳои диниву дунявиро дуруст маърифат кунанд, ҳамин як бахши муҳими амнияти давлат аст. Аз ин сабаб, аз ҷавонони кишвар хоҳиш менамоям, то бо одоби ҳамида, донишу ҷаҳонбинии шоиста ва хидматашон дар сафи Артиши миллӣ  ватандориву нангу номуси худро нишон диҳанд ва нагузоранд, ки рӯзҳои даҳшатноки мо аз сар гузаронда такрор ёбад.
Акбар МАҲМУДОВ,
ҷанговари интернатсионалист аз ноҳияи Деваштич


Баёни ақида (0)    Санаи нашр: 23.02.2018    №: 41    Мутолиа карданд: 288

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед