logo

Хабарҳо

ҒОИБ АЗ ЧАШМОНУ ПАЙДО АСТ БА ДИЛ

Дар Китобхонаи давлатии бачагонаи ба номи Мирсаид Миршакар ёдбуди шоири ширинбаён ва рӯзноманигори соҳибқалам Ғоиб Сафарзода баргузор гардид. Дар чорабинӣ нависандагон Абдулҳамид Самад, Латофат Кенҷаева, Раҷаб Мардон, овозхони маъруф Баҳодур Неъматов ва аҳли оилаи марҳум иштирок ва суханронӣ намуданд.
Абдулҳамид Самад аз хидматҳои шоистаи Ғоиб Сафарзода дар рушду равнақи адабиёти тоҷик ёдовар шуда, таъкид намуд, ки шоир бо вуҷуди умри кӯтоҳ диданаш, тавонист худро ҳамчун адиби дорои сабки хосса ва рӯзноманигори ҳақиқатнигор нишон диҳад.
- Махсусан, матолиби публитсистии Ғоиб Сафарзода бояд ҳаматарафа омӯхта шаванд. Зеро мавсуф солҳои фаъолияташ дар рӯзномаи «Тоҷикистони советӣ», (ҳоло «Ҷумҳурият») бо мақолаҳои таҳлиливу танқидӣ масъалаҳои доғи замони худро ошкор сохта, роҳҳои ҳаллу баррасии онҳоро нишон додааст, - изҳор дошт А. Самад.
Воқеан ҳам, номбурда аз аввалин рӯшанфикрони тоҷик буд, ки дар солҳои 80 - уми асри гузашта барои мақоми давлатӣ гирифтани забони тоҷикӣ ҷонбозиҳо кард. Аз номгузорӣ, лавҳаву навиштаҳо ва матлабҳое, ки дар онҳо забони тоҷикӣ пурғалат ва омехта бо забонҳои русиву туркӣ истифода мешуд, ба шӯр меомад ва бо мақолаҳои танқидӣ ислоҳи онҳоро мехост.
Раҷаб Мардон, ки яке аз дӯстони наздики шоир аст, бори нахуст номаи марҳумро, ки ба унвони ӯ навишта шудааст, ба ҳозирин хонд. Дар нома шоир гӯё марги худро ҳис мекунад ва дар баробари бебақоии умр талқин менамояд, ки корҳои неку мондагор ба ин халқу миллат бояд кард.
- Ҳамроҳи Ғоиб Сафарзода як гурӯҳ адибони чирадаст, аз қабили  Шоҳмузаффар Ёдгорӣ, Одина Мирак ва баъдтар Абдулҳамид Самад ба майдони адабиёт омаданду дар бедории фикриву зеҳнии мардуми тоҷик ҳиссаи шоиста гузоштанд. Аз ҷумла, Ғоиб барои мо дарси ватандорӣ, ҳақиқатҷӯӣ ва ҷасорати нависандагиро омӯхт, - афзуд Р. Мардон.
Директори китобхона Ҳ. Сафарзода, нависандагон Л. Кенҷаева, С. Ҳасанзода, М. Юсуфӣ ва дигарон низ корҳои адабиву публитсистии шоирро сутуданд. Баҳодур Неъматов чанд суруди марғуб тараннум кард, ки матнашон аз шеърҳои Ғоиб Сафарзода буданд.
Ёдовар мешавем, ки чанде пеш роҳбарияти рӯзномаи «Ҷумҳурият» хидматҳои Ғоиб Сафарзодаро дар роҳи посдории асолати забон қадр намуда, ба хотири  гиромидошти шоир озмуни ҷумҳуривии беҳтарин  мақолаву матлабҳои публитсистиро роҳандозӣ кард.
Дар чорабинӣ ин нукта низ таъкид гашт, ки озмуни мазкур таконе бахшид, то дар зодгоҳи шоир – ноҳияи Восеъ бо иқдоми роҳбарияти ноҳия осорхонаи Ғоиб Сафарзода дари худро ба рӯи мухлисони шоир ва ҳаводорони адабиёт боз намояд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр:    №:    Мутолиа карданд: 393

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед