logo

Хабарҳо

ДУШАНБЕ. ОҒОЗИ СОХТМОНИ ЭСТАКАДАИ ДУЮМ

Дар буриши роҳи ҳалқавии маҳаллаи Қарияи Болои шаҳри Душанбе боз як эстакада (чорсӯи нақлиётии сесатҳа) бунёд меёбад. Он аз се қабат – роҳ, роҳи давродавр ва пул иборат буда, дар буриши ҳалқавии хиёбонҳои Исмоили  Сомонӣ ва Абуалӣ ибни Сино ҷой мегирад. Дар қисмати шимоливу ҷанубии буриши кӯчаи Абуалӣ ибни Сино бошад, гузаргоҳҳои зеризаминӣ сохта мешаванд.

Дар баробари ин, сохтмони  роҳ бо пул дар ду сатҳ дар буриши хиёбони Нусратулло Махсум то кӯчаи Маяковский, сохтмони роҳ бо пул дар ду сатҳ дар буриши хиёбони Нусратулло  Махсум то кӯчаи Баҳоваддинов ва таҷдиду азнавсозии роҳҳо то хиёбони Нусратулло Махсум дар назар аст.
Тибқи иттилои раёсати иттилоот ва робитаҳои хориҷии дастгоҳи раиси шаҳри Душанбе , бинобар оғоз гардидани марҳилаи дуюми корҳои сохтмонӣ дар роҳи автомобилгарди хиёбону кӯчаҳои Исмоили Сомонӣ, Абуалӣ ибни Сино, Нусратулло Махсум, Баҳоваддинов ва Маяковский, бо қарори раиси шаҳри Душанбе Рустами Эмомалӣ  ҳаракати воситаҳои нақлиёт дар буриши ин хиёбонҳо аз 26 феврал манъ гардид. 
Воситаҳои нақлиёти истифодаи умум ҳангоми азнавсозии роҳи ҳалқавии хиёбони Нусратулло  Махсум – Абуалӣ ибни Сино муваққатан бо роҳҳои ҳамшафат ҳаракат мекунанд.
Дар иртибот ба ин, муҷассамаи табиб ва мутафаккири бузурги тоҷик Абуалӣ ибни Сино ба бинои  нави Донишгоҳи давлатии тиббии Тоҷикистон кӯчонда мешавад.
Ёдрас мешавем, ки амалисозии лоиҳаи ба ҳамин монанд дар буриши хиёбонҳои Нусратулло Махсум ва Бобоҷон Ғафуров (маҳаллаи 82) моҳи июли соли 2016 аз ҷониби ширкати «Гурӯҳи сохтмони роҳу пулҳои Синтзян - Бейсин» (Xinjiang Beixin Road & Bridge Group Co, Ltd) – и Ҷумҳурии Мардумии Чин оғоз гашта буд.
Тибқи маълумоти Аброр Музаффаров, менеҷери лоиҳа аз тарафи фармоишгар, ин эстакада, ки  иншооти калонтарин дар минтақа мебошад, тобистони соли ҷорӣ ба истифода дода мешавад.
Боиси тазаккур аст, ки иншоотҳо дар доираи татбиқи лоиҳаи “Беҳтар намудани ҳолати роҳи минтақавии Душанбе – Турсунзода – сарҳади  Ӯзбекистон, қитъаи роҳ аз ҳайкали А. Сино то дарвозаи ғарбии шаҳри Душанбе” бунёд гашта, ба ин мақсад аз ҷониби Бонки аврупоии таҷдид ва рушд дар ҳаҷми 35 миллион доллари ИМА қарз дода шудааст.
Ш. ҚУРБОН,
«Ҷумҳурият»


Баёни ақида (0)    Санаи нашр:    №:    Мутолиа карданд: 270

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед