logo

фарҳанг

ЗАБОНИ ТОҶИКОН

Дар ҳошияи мақолаи  Фарҳод Раҳимӣ,  президенти Академияи илмҳои Ҷумҳурии Тоҷикистон, “Забони миллати тоҷик забони тоҷикист”
Барои банда истилоҳи забони тоҷикӣ истилоҳи хушоҳангу дилпазир аст, зеро вақте ман чунин мегӯям, забони модарии худро дар назар дорам, забоне, ки модари азизу арҷманди тоҷики ман ҳарф ба ҳарф чун қанд ба коми ман ниҳодааст ва ин лаҳн дар набзи ҷони ман наво дорад ва бо зарабони дили ман садо мекунад. Аммо ин ҳаргиз маънои инкори забони бузурги форсиро надорад. Вақте мо ситоиши модар мекунем, ҳаргиз инкори модарбузург нест. Ё баръакс, вақте мо ситоиши модарбузургро мекунем, ин эътирофи модар ва фарзандони дигари ӯ ҳам ҳаст.  Ҳеҷ ҷойи айб ва ё тардид набояд бошад, ки забони Тоҷикистони соҳибистиқлол забони тоҷикӣ номида шавад, албатта, бо назардошти он ки ин забон шохаи забони бузурги форсист. Истилоҳи забони тоҷикиро дар радиф ва ҳолаи забони форсӣ дар навиштаҳои бунёдии аксари олимони шарқшиноси бузурги олам метавон пайдо кард.  Сайид Нафисӣ, олими барҷастаи эронӣ, вақте марқади Одамушшуаро Рӯдакиро дар Панҷрӯд зиёрат кард, мафтуни забони тоҷикӣ гардида, иброз дошта буд, ки сарчашмаҳои ноби забони форсӣ маҳз дар ҳамин диёр, дар Тоҷикистони азизи мо маҳфузанд.
Ҳукми таърих аст, ки вожаи “тоҷ”, сарфи назар аз пайдоиши баҳсноки беанҷомаш, имрӯз дар таркиби номи тоҷик ҳаст. Эй басо вожаҳо, ки дар тӯли таърих дигар шудаву маъно нав кардаанд. Аммо мо такя ба забони зиндаи имрӯз, такя ба воқеият мекунем. Агар мо аз паси асли дурусту таърихии вожаҳо равем, бояд забони имрӯзии тамоми башарро дигар кунем.
Мо тоҷиконем ва аминем, ки миллати фарҳангпарвар ва некманиши мо ҳамеша дар олами илму ҳикмат, шеъру адаб ва инсонигариву  сифатҳои шоиставу баланди инсонӣ, мисли маниши  неку ҳомии роҳи ростин  будан, тоҷе  аз  шараф  бар  сар  дош- тааст. Имрӯз мо тоҷикон бо Истиқлолияти давлатии худ тоҷи шарафи худро бар сар ниҳодаем ва ифтихорманду сарфароз аз ҳувияти миллӣ ва гузаштаи пурифтихори хешем. Бале, мо миллате ҳастем, ки бунёди зебоипарастӣ  дорад, зебоиҳоро мепарастем ва ҳар чи зебову шоиста аст, мансуби хеш медонем ва бо он ифтихор мекунем. Ва вожаи “тоҷ” - ро ба исми миллати шарифи мо тоҷбахши тақдир бахшидааст, яъне ин амри Худованд аст ва мо онро бо ифтихор дар номи худ ҷовидона нигоҳ хоҳем дошт.
Камол Насрулло,
Шоири халқии Тоҷикистон


Баёни ақида (0)    Санаи нашр: 27.02.2018    №: 44    Мутолиа карданд: 450

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед