logo

иқтисод

ҚАТЪИ ВОРИДОТИ МОШИНҲОИ КУҲНА. ИҚДОМ БАРОИ ҲИФЗИ САЛОМАТӢ ВА МУҲИТИ ЗИСТ

Мувофиқи қарори Ҳукумати Ҷумҳурии Тоҷикистон «Дар бораи манъ кардани воридоти воситаҳои нақлиёти автомобилии соли бароришашон то соли 2005 ба ҳудуди Ҷумҳурии Тоҷикистон»  аз 15 феврали ҳамин сол ба кишвар воридоти мошинҳои куҳна қатъ карда шуд. Ҳадафи ин иқдом  беҳтар кардани парки мошинии ҷумҳурӣ, бехатарии ҳаракати нақлиёт дар роҳҳо ва кам кардани таъсири манфӣ ба муҳити зист аз ҳисоби партофти газҳои зарарноки воситаҳои нақлиёт арзёбӣ мешавад.

Аз рӯйи омори расмӣ, дар ҷумҳурӣ ба ҳазор нафар 48 мошини шахсӣ рост меояд. Ин нишондиҳанда панҷ сол қабл 39 ададро ташкил медод. Аз ҳама бештар сокинони шаҳри Душанбе мошин доранд.   
Ба гуфтаи соҳибкорон ва тоҷироне, ки дар ноҳияи Рӯдакӣ ба харидуфурӯши мошинҳо машғуланд, дар Тоҷикистон мошинҳои истеҳсоли давлати Олмон серхаридор ва писанди ронандагонанд. Афзалияти бештар ба автомашинаи олмонии тамғаи «Опел» дода мешавад, зеро ин нархи мошин ҳарчанд аз дасти дуюм гузарад ҳам, барои аҳолӣ дастрас аст.
Суҳроб Тағоев, соҳибкор аз шаҳри Душанбе, ки чанд сол боз ба харидуфурӯши мошин сарукор дорад, гуфт, ки аксарияти мошинҳо ба Тоҷикистон аз давлати Латвия тавассути роҳи оҳан фиристода мешаванд. То имрӯз соҳибкорон ба кишвар автомашинаҳои истеҳсолашон то соли 2000 – ум ва аз ин навтарро низ меоварданд, ки харидори зиёд доштанд. Мошинҳои «Опел» - и Олмон дар Латвия бо нархи аз 600 то 800 доллари амрикоӣ фурӯхта мешаванд ва то ба кишвар воридшуданашон арзиши онҳо ба беш аз 4 ҳазор доллар мерасад. Ин бо назардошти ҳисоби пардохти боҷи гумрукӣ, андоз ва дигар хароҷотҳо мебошад.
Амалисозии қарори мазкур дар бозори Тоҷикистон ба воридоти мошинҳои истеҳсоли дигар кишварҳо низ роҳ мекушояд, аз ҷумла давлати Корея, - гуфт Суҳроб Тағоев. - Зеро мошинҳои  олмонии баъди соли 2005 – ум истеҳсолшуда ба мардум бинобар сабаби гарон будан дастнорас хоҳанд шуд. Мошинҳои нав бартарияти зиёд доранд. Пеш аз ҳама, парки мошинӣ марҳила ба марҳила бо тамғаҳои наву сифатан олӣ ғанӣ гардонда мешавад ва мафҳуми табдилёбии кишвар ба «партовгоҳи мошинҳо» аз байн хоҳад рафт. Партофти гази карбон ба ҳавои атмосфера низ аз ҳисоби нақлиёти автомобилӣ ба маротиб коҳиш меёбад. Соли гузашта дар ҷумҳурӣ аз ҳисоби нақлиёт, хусусан мошинҳои куҳна, ба атмосфера 344 ҳазору 743 тонна газ хориҷ шудааст, ки аз меъёр хеле зиёд мебошад.
Ба гуфтаи Саидисмон Судуров, сардори бахши ҳавои атмосфераи Кумитаи ҳифзи муҳити зисти назди Ҳукумати ҷумҳурӣ, барои коҳиш додани партофти зараровар тамоми сохторҳои давлатӣ чораҳои зарурӣ андешида истодаанд. Иқдоми пешгирифтаи давлату Ҳукумат маҳз ба хотири солимии аҳолӣ ва пешгирӣ аз таъсири тағйири боду ҳаво мебошад. Ҳарчанд партофти гази воситаи нақлиёт дар назари аввал ночиз метобад, вале он аз сатҳи замин то баландии 50 метр нигоҳ дошта шуда, ба саломатӣ зиён дорад. Бешубҳа, ин иқдом ва имтиёзи Ҳукумати мамлакат – 50 дарсад аз андоз ва пардохтҳои гумрукӣ озод кардан барои ворид намудани автомобилҳои нав, ки бо мақсади қатъи воридсозии мошинҳои куҳна роҳандозӣ шудааст,  барои рушди иқтисоди миллӣ ва истеҳсолот манфиатбахш аст.   
О. ВАФОБЕК, «Ҷумҳурият»


Баёни ақида (0)    Санаи нашр: 27.02.2018    №: 44    Мутолиа карданд: 593
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед