logo

иқтисод

СУҒД. ДАСТГИРИИ СОҲИБКОРӢ ҶУЗЪИ ТАРКИБИИ СИЁСАТИ ИҚТИСОДИСТ

Дар кохи Рӯдакии шаҳри Хуҷанд вохӯрии иҷрокунандаи вазифаи раиси вилояти Суғд Раҷаббой Аҳмадзода бо соҳибкорони вилоят баргузор шуд. То оғози мулоқот аҳли ҳамоиш бо номгӯйи зиёди маҳсулоти истеҳсоли корхонаҳои вилоят, ки дар саҳни миёнсаройи кох ба намоиш гузошта шуда буданд, шинос шуданд.
Дар мулоқот зиёда аз 600 нафар соҳибкор аз ҳамаи шаҳру навоҳии вилоят, ки фаъолияти кории худро дар самтҳои гуногуни хоҷагии халқ ба роҳ монда, дар пешравии иқтисодиёт ва рушду ободии диёр саҳм мегузоранд, иштирок доштанд.
Бино ба иттилои Раҷаббой Аҳмадзода, соли гузашта ҳаҷми маҳсулоти минтақавии вилоят ба 16,7 миллиард сомонӣ ва суръати афзоиш ба 107,1 дарсад расонда шуд. Дар истеҳсоли маҷмӯи маҳсулоти минтақавӣ, ки дар маҷмӯи маҳсулоти дохилии ҷумҳурӣ 27,3 дарсадро ташкил медиҳад, нақши соҳибкорони вилоят басо назаррас аст. Маҳз бо талошу такопӯйи соҳибкорони маҳаллӣ соли гузашта дар қаламрави вилоят 84 корхонаи истеҳсолӣ бо таъсиси 1479 ҷойи корӣ мавриди баҳрабардорӣ қарор гирифт, ки самти асосии фаъолияти онҳо тавлиди моли воридотивазкунанда мебошад.
Сарфи назар аз баъзе мушкиливу монеаҳо, соҳибкорони вилоят дар ворид кардани хатҳои истеҳсолӣ, технологияҳои нав ва дастгоҳу таҷҳизоти замонавии ҷавобгӯй ба талаботи рӯз қадами ҷиддие ба пеш гузоштанд. Тибқи  маълумоти расмии мақомоти гумрукӣ, соли гузашта ба вилоят ба маблағи 65,7 миллион доллар таҷҳизоти гуногуни саноатӣ ворид гардид. Теъдоди коргоҳҳои тавлидотии муҷаҳҳаз бо дастгоҳҳои инноватсионӣ рӯз то рӯз афзоиш меёбад.  Ба фаъолият оғоз бахшидани корхонаи «Суғд Пак» оид ба истеҳсоли халтаҳои полипропиленӣ аз ҷониби соҳибкор Миразиз Амаков, аввалин гармхонаи инноватсионӣ дар миқёси кишвар оид ба парвариши сабзавот бо истифода аз усули «гидропоника» дар заминаи ширкати «Элегант» бо сарварии соҳибкор Абдуаҳад Муъминов, корхонаи дорусозии ширкати «Фарм Суғд»  бо ибтикори соҳибкор Диловар Қувватзода дар шаҳри Бӯстон, истеҳсоли нави «Қолинҳои Қайроққум» дар шаҳри Гулистон, лӯлаҳои пластикӣ дар ҶДММ «Хуҷанд пласт», маҳсулоти мебелӣ дар ҶДММ «Арча»-и шаҳри Хуҷанд, нӯшокиҳои ташнагишикан дар ҶДММ «Оби зулол»-и шаҳри Истаравшан, коркард ва бандубасти меваи хушк дар «Баракат Исфара»-и шаҳри Исфара, ки дар заминаи навгонии технологии замони муосир бунёд ёфтаанд, ҳоло барои афзунгардонии ҳаҷми истеҳсоли маҳсулоти содиротию воридотивазкунанда мусоидат мекунанд ва ба раванди диверсификатсияи тавлидоти саноатӣ заминаи боэътимод мегузоранд.
- Дастгирии соҳибкорӣ ва рушди он ҷузъи таркибии сиёсати иқтисодии давлату Ҳукумат ва дар меҳвари таваҷҷуҳи доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад, - таъкид дошт Раҷаббой Аҳмадзода. - Ин амр, бешубҳа, дар мустаҳкам гаштани заминаи меъёриву ҳуқуқии фаъолияти соҳибкорӣ, афзоиши ҳиссаи соҳибкорӣ дар маҷмӯи маҳсулоти дохилӣ, таъсиси ҷойҳои нави корӣ ва баланд шудани нақши соҳибкорӣ дар ҳаёти иқтисодиву иҷтимоии мамлакат мусоидат мекунад.
Дар ҷараёни мулоқот соҳибкорон доир ба паҳлуҳои гуногуни фаъолият ҷиҳати ҳаллу фасли мушкилиҳои мавҷуда, аз байн бардоштани монеаву муаммоҳо ва боз ҳам вусъат додани бахши соҳибкории вилоят фикру мулоҳиза ва пешниҳодҳои ҷолиб ироа доштанд.
Ҷовиди АШТӢ,
 «Ҷумҳурият»


Баёни ақида (0)    Санаи нашр: 27.02.2018    №: 44    Мутолиа карданд: 640
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед