logo

иқтисод

ЛАХШ. АВЛАВИЯТ БА КАРТОШКАПАРВАРӢ

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  зимни маҷлиси васеи Ҳукумати кишвар баробари  масъалаҳои дигар ба тавсеаи майдони кишти картошка  ва баланд бардоштани ҳосилнокии он  ба масъулон супоришҳои мушаххас  доданд. Дар доираи ин дастури Сарвари давлат роҳбарияти ноҳия иқдом пеш гирифтааст, ки тавассути барқарорсозии шабакаю хатҳои обёрӣ ва дар заминаи он ба гардиши кишоварзӣ ворид намудани заминҳои нав майдони кишти картошкаро аз 2343 гектари соли сипаришуда имсол ба 3000 гектар расонад.

Рафъи мушкили обёрии заминҳои ташналаб барои вусъат бахшидани  кишти картошка аз масъалаҳои ҳалталаб ба шумор меравад ва айни ҳол  яке аз самтҳои муҳими  фаъолияти  мақомоти иҷроияи маҳаллии  ҳокимияти давлатии ноҳия, бавижа масъулони бахшҳои идораи замин ва кишоварзӣ,  қарор дорад.   Баҳри  шодоб сохтани заминҳои доманфароху ҳосилхези диёр, ба монанди водиҳои  Қум, Мук,  Қунтой, Чоргул, Сартоло,  Сугат ва Лахш, ки  бо сабаби фарсудагии шабакаҳои обёрию иншооти дигар  давоми солҳои охир самаранок истифода  намегарданд, тадбирҳои махсус роҳандозӣ  шудаанд.
Файзулло Баротзода, раиси ноҳия, зимни суҳбат гуфт, ки ҷиҳати ҳар чи зудтар ба анҷом расондани таъмири шабакаю  хатҳои об ва дар сатҳи баланд гузарондани кишти мавсими баҳорӣ имрӯзҳо аз ҳисоби кормандони кумитаи идораи замин, бахшҳои кишоварзию беҳдошти замин ва обёрӣ гурӯҳҳои корӣ ташкил ёфта, барои  кор дар саҳро сафарбар гардидаанд.
 Мақсуд Асоев, сардори идораи беҳдошти замин ва обёрии ноҳия, изҳор дошт, ки  тайи солҳои охир як қисми иншооти обёрӣ,  хусусан дар минтақаҳои картошкапарварӣ, фарсуда ва қисми дигар бо сабаби фаромадани тармаю сел аз қуму шағал пур шуданд. Ин ҳолат боиси норасоии оби полизӣ дар ноҳия гардида буд. Тайи як сол барои бартарафсозии ин мушкилӣ  корҳои зиёде ба сомон расонда шуданд. Қариб 10 километри канали шабакаи обёрии «Пиёзӣ», ки баҳори соли гузашта бо сабаби фаромадани тарма хароб гардида буд, бо сарварии  бевоситаи роҳбари ноҳия  аз қуму шағал тоза ва қисматҳои дигари фарсудаи  иншооти обёрӣ навсозӣ, инчунин, шабакаҳои  обёрии  «Ҷонқирғиз» ба масофаи 13 километр ва «Гулама»  10 километр  таъмир ва тоза  карда шуданд.  Агар кори барқарорсозии он  сари вақт сурат намегирифт, ҳазорҳо гектар замини картошка беоб мемонд. Имсол  барои аз сангу шағал тоза намудан ва васеътар сохтани канали  бузургтарини минтақа - «Ғулама», ки 36 километр дарозӣ дорад, корҳо оғоз гардидаанд.  Ба воситаи ин шабака қариб 3 ҳазор гектар замини кишт бо оби полизӣ таъмин мегардад.  
Ба иттилои Олим Муродов, раиси кумитаи идораи замини ноҳия, соли гузашта аз ҳисоби маблағҳои  сармоягузорони ватанӣ 50 гектар замини бекорхобида дар минтақаи Сартолои ноҳия  обёрӣ  шуда, дар 12 гектари он картошка кишт гардид. Имсол низ  барои обёрии заминҳои нав бо ҷалби сармоя- гузорон  чораҳои зарурӣ роҳандозӣ мешаванд. Барои ҷалби сармоягузорон дар ҷодаи барқарор намудани қисматҳои фарсудаи шабакаю  хатҳои обёрӣ ва ба ин васила ба гардиши кишоварзӣ ворид намудани заминҳои бекорхобида аз ҷониби раиси ноҳия  масъулони бахшҳои иқтисод вазифадор  гардиданд. Тавассути  шодоб намудани майдонҳои доманфарохи ташналаб, пеш аз ҳама, мо мехоҳем  барои парвариши картошкаи навъи маҳаллӣ заминҳои нав кушоем ва бо  ин роҳ истеҳсоли онро  дар ноҳия афзоиш диҳем.
Навсозии шабакаҳои обёрӣ   дар самти  рушди соҳаи кишоварзии ноҳия иқдомест, ки  мушкилоти чандинсолаи деҳқонони водиро  аз ҷиҳати норасоии оби полизӣ рафъ месозад. Заминҳои доманфарохи дашту домани диёр, ки бо иллати харобии иншооти обрасон солҳои тӯлонӣ бекор хобидаанд, шодоб мегарданд. Дар ин ҷода соҳибкорони муваффақи кишвар ва ташкилотҳои маҳаллиро зарур аст, ки аз иқдоми пешгирифтаи роҳбарияти ноҳия ҷонибдорӣ намуда, барои ба гардиши кишоварзӣ ворид намудани заминҳои  бекорхобидаи водии Лахш  шабакаҳои  нави обёрӣ бунёд намоянд. Ин иқдом ба манфиати худи соҳибкорон  ва ҳам мардум хоҳад буд. Ҷойи таассуф аст, ки дар атрофи   дарёҳои хурӯшон  ҳазорҳо гектар замини ҳосилхез аз беобӣ то ҳанӯз бекор мехобанд.
Ташрифулло САЪДУЛЛОЕВ,  «Ҷумҳурият»


Баёни ақида (0)    Санаи нашр: 01.03.2018    №: 46    Мутолиа карданд: 432

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед