logo

фарҳанг

ВАҲДАТИ МИЛЛӢ. ҲИФЗУ ТАҲКИМИ ОН РИСОЛАТИ ВАТАНДОРИСТ

Ваҳдат барои миллати мо ба як ҳарфи гӯшнавозу хушоҳанг ва гиромиву азиз мубаддал гаштааст, зеро мо онро сари ҳар қадам, дар ҳар замону макон бо меҳри самимӣ ба забон меорем. Дар замони мо зери мафҳуми ваҳдат оромиву осудагӣ, ҳатто бахту иқболро мефаҳманд, ки ин беҳуда нест, чунки маънии оромиву осудагӣ ва хушбахтӣ барои миллати сарафрози тоҷик дар як радиф қарор гирифтаанд.
Тамоми ҷаҳониён имрӯз аз ҳар чизи дигар дида ба оромиву субот, зиндагии осуда ниёзи бештар пайдо кардаанд, чунки авзои дунёи муосир мураккабу печидагиҳое дорад. Дар ин муҳити хатарзо ва ноором беҳтарин ва заруртарин неъмат барои ҳамаи мардуми олам ваҳдат хоҳад буд. Ваҳдати миллӣ дар радифи Истиқлолияти давлатӣ аз бузургтарин ва арзишмандтарин дастовардҳои миллати тоҷик ҳисоб меёбад. Барои мо, қабл аз ҳама, озодӣ арзиши олӣ дорад, ки онро истиқлолият насиби мо сохт ва баъдан амнияту осудагӣ қадру манзалати бузургро дорост, ки онро ваҳдати миллӣ муқаррар намуд. Аз ин ҷост, ки ба қадри ин ду неъмати худодод расидан вазифаи маънавӣ ва қарзи фарзандии ҳар як фарди ҷомеа аст.
Ба имзо расидани Созишномаи умумии истиқрори сулҳ ва ризоияти миллӣ дар шаҳри Маскави Федератсияи Русия 27-уми июни соли 1997 як ҳодисаи камназири таърихист. Имзои ин санади таърихӣ ва тақдирсоз миллати тоҷикро ба ҳам овард, фирориёнро ба Ватани аҷдодӣ бозгардонд, роҳро ба сӯйи ободию созандагӣ боз кард, муҳимтар аз ҳама, шуълаи умедро ба фардои нек дар дили мардум барафрӯхт, ки ҳосили талошҳои фарзанди фарзонаи халқ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Ин буд, ки бо иродаи мардуми шарифи тоҷик дар сатҳи олии қонунгузорӣ Эмомалӣ Раҳмон ба унвони Асосгузори сулҳу ваҳдати миллӣ - Пешвои миллат пазируфта шуданд, ки нишони эътироф ва арҷгузорӣ ба хизматҳои мондагори ин абармарди таърих аст.
Вазифаи шаҳрвандиву маънавии мост, ки сабақҳои талхи ҷанги таҳмилии шаҳрвандиро ҳамеша дар ёд дошта бошем, то дигарбора бо ин даҳшат рӯ ба рӯ нашавем. Сарвари давлат ин маъниро махсус таъкид кардаанд: «Сабақҳои талхи ҷанги шаҳрвандӣ, ки ҳаёти осоиштаи халқи моро ба фоҷиаи миллӣ табдил дод, набояд ҳеҷ гоҳ аз лавҳи хотири халқи мо ва наслҳои имрӯзу фардо фаромӯш  гардад. Бояд ҳамеша дар ёд дошта бошем, ки мо Созишномаи сулҳро ба осонӣ ба даст наовардем. Сабақҳои ҷанги шаҳрвандӣ чун зангӯлаи таърих моро ба ҳушёрӣ даъват менамоянд ва водор месозанд, ки ваҳдати миллӣ ва сулҳу суботро дар саросари кишвар ҳамеша ҳифз ва чун гавҳари қиматбаҳо эҳтиёт намоем».
Ҳамчун ҷузъи тафаккури миллӣ қабул гардидани ғояи ваҳдати миллӣ иқдоми хеле муҳим мебошад. Ғояи ваҳдати миллӣ барои расидани ҳар тоҷикистонӣ ба қадри Ватан, фарҳанги куҳанбунёд, муқаддасоти  миллӣ, аз қабили истиқлолият, озодӣ, рамзҳои давлатӣ нақши муассир мебозад. Аз ин рӯ, гиромидошт ва арҷ гузоштан ба ваҳдати миллӣ -  ба ин сарвати бебаҳо ва неъмати гаронмоя, талқину таҳкими он рисолати шаҳрвандӣ ва маънавии ҳар як сокини кишвари азизи мост.
Ҷангибек УЛФАТШОЕВ,
узви Иттифоқи журналистони Тоҷикистон


Баёни ақида (0)    Санаи нашр: 02.02.2018    №: 47    Мутолиа карданд: 84

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед