logo

Хабарҳо

Агар аз ӯ ёд ояд...

Дар Филармонияи давлатии Тоҷикистон ба номи Акашариф Ҷӯраев ба ифтихори Рӯзи Модар ёдбуди яке аз сарояндагони маъруфи тоҷик Муқаддас Набиева таҳти унвони «Агар аз ту ёд ояд…» баргузор гардид.
Дар чорабинӣ таъкид гашт, ки хидматҳои Муқаддас Набиева дар такомул ва инкишофи жанри эстрадаи тоҷик шоистаи таҳсин буда, дар давоми умри кӯтоҳаш тавонист ба чандин тозакориҳои ҳунарӣ даст зада, муваффақ бадар ояд. Бавижа, бори аввал ғазалиёти классиконро бо оҳангҳои замонавӣ сурудани Муқаддас на танҳо мухлисон, балки аҳли ҳунарро низ ба ҳайрат оварда буд.
Дӯсти деринаи Муқаддас Латофат Кенҷаева, пас аз марги нобаҳангоми ӯ китоби «Шарораи хотираҳо» - ро навишта, кӯшиш намуда буд, ки ба баъзе пахлуҳои рӯзгор ва осори мавсуф рӯшанӣ андозад.
- Муқаддас, бонуи озодаву наҳифпайкар, аз ноҳияи Фархор омада, фаъолияти кориашро дар ансамбли «Гулшан» оғоз кард. Дар чандин соле, ки мо бо ӯ дар бинои истиқоматии Хонаи радио мезистем, шахсияти нотакрор ва завқу дониши баланди эҷодиаш ҳувайдо гашт. Муқаддас воқеан ҳам барои санъат, ҳунар ва саҳна офарида шуда буд ва ҳоло ҳам номи ансамбли «Гулшан» тавъам бо номи Муқаддас ёд мешавад, ки бесабаб нест, - изҳор дошт Л. Кенҷаева.
Файзалӣ Ҳасан зимни ёдовар шудан аз хидматҳои Муқаддас дар олами санъати тоҷик махсус қайд намуд, ки ҳамин садои дилнишин, матнҳои баландмазмун, оҳангҳои марғуб ва сурудани самимонаи таронаҳо ному нишонаи Муқаддасро садсолаҳо зинда медорад. Санъати тоҷик дар арсаи байналмилалӣ имрӯз ҳам бо номҳои бонувони овозхон Муқаддас, Хурмои Ширин ва Наргиса Бандишоева муаррифӣ мешавад, ки боиси ифтихор аст. 
Сурудҳои машҳури ӯ «То боди саборо ба гулистон гузаре ҳаст» (ғазали Ҳилолӣ), «Ситораи ман» (шеъри Мирзо Турсунзода), «Шаб ба хайр!» (шеъри Лоиқ) «Эй нури ман», «Баргаштаму оина ба дасташ додам», «Шарораи хотираҳо», «Агар аз ту ояд…» имрӯз ҳам аз таронаҳои дӯстдоштании халқи мо буда, дар бештари маҳфилу нишастҳо вирди забон мешаванд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр:    №:    Мутолиа карданд: 1052

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед