logo

сиёсат

БОНУВОН ВА УМУРИ ДАВЛАТДОРӢ

Истиқлолияти давлатӣ ҷиҳати таъмини мавқеи устувори зан - модар дар ҷомеа ҳамаи имкониятҳои заруриро фароҳам овард ва занони қавииродаву боҷасорати моро ба арсаи васеи сиёсат ворид намуд.
Эмомалӣ РАҲМОН

Таърих гувоҳ аст, ки нобаробарҳуқуқӣ, вазъияти сахти зан дар оила ва ҷамъият, ҳамчун шахс эътироф нашудани ӯ, ҷаҳолат ва шинохти зан чун моликият, ки аз одитарин ҳуқуқҳо маҳрум буд, занҷири сарбаста ва тангеро мемонд дар вуҷуди нозуки бонувон. Тазоди зиндагӣ дар он буд: мард, ки ӯро зан ба дунё оварда, тарбия намудааст, аз ҳуқуқҳои сиёсӣ бархӯрдор буду нафаре, ки ӯро ташаккул додааст, ин ҳуқуқҳоро надошт.

Ҳамин нобаробарии сиёсӣ, иҷтимоиву ҳуқуқӣ буд, ки боиси эътирози занон гардида, ҳаракати нерумандеро дар ҷаҳон ба миён овард. Талоши бонувон ҷиҳати иштироки фаъолона дар ҳаёти иҷтимоию сиёсии кишварҳои гуногун самаровар гардида, дар шинохти чеҳра, қудрат, тавонмандӣ ва ҷасорати онҳо саҳифаи наверо боз намуд.
Мустақилона ва боҷуръатона баробари мардон дар соҳаҳои гуногун қадам задани  занони тоҷик дар шикасти қолабҳо ва тасаввуротҳои куҳна, ки рисолати занро бениҳоят маҳдуд мекарданд, инқилоби ҷиддие гашта, баҳри ташаккули тафаккури нав вобаста ба мавқеъ ва манзалати онон заминаи мусоид фароҳам овард.
Муҳимтарин воқеаи таърихӣ, ки барои  баланд бардоштани иштироки занон дар ҳаёти сиёсии ҷомеаи Тоҷикистон мусоидат намудааст, ин ғалабаи Инқилоби октябри соли 1917 буд, ки баъди он занон озод шуданд ва ба баробарҳуқуқӣ ноил гардиданд.
Бояд зикр намуд, ки дар ҳар давру замон занон бо меҳнати шоистаи худ дар таърихи миллат нақши сазовор гузоштаанд. Низомҳо дигар мешаванд, сиёсатҳо тағйир меёбанд, вале зан - модар, ки ҷавҳари ӯро меҳру муҳаббат, самимият ва покию иффат ташкил медиҳанд, ҳама вақт неруе боқӣ мемонад, ки ҷамъият ба ӯ эҳтиёҷ дорад.
Дар замони Истиқлолияти давлатӣ мақоми зан дар ҷомеаи тоҷик ҷойгоҳи шоиста касб намуда, Ҷумҳурии Тоҷикистон ҳанӯз 27 декабри соли 1993 Конвенсияи байналмилалӣ «Дар бораи барҳам додани тамоми шаклҳои табъиз нисбати занон», «Ҳуқуқҳои кӯдакон», «Ҳуқуқҳои   занон» - ро қабул кард.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар баланд бардоштани мақоми зан дар ҷомеа иқдомоти шоистаеро анҷом додаанд, таъкид менамоянд, ки «нақш ва мақоми зан дар ҷомеаи мо аҳамияти калон дорад. Зеро, чӣ масъалае, ки моҳияти иҷтимоӣ ва сиёсӣ дошта бошад, мо рӯи даст нагирем, маълум мешавад, ки ҳалли он бе иштироки занон, бе назардошти фикру пешниҳодоти онҳо имконнопазир аст». Талошҳои судманди Пешвои муаззами миллат дар ин самт давра ба давра иштироки фаъоли занонро дар умури давлатдорӣ таъмин намуда, саҳми онҳоро дар пешбурди хоҷагии халқи мамлакат чашмрас намуд.Бонувони тоҷик дар солҳои ҷанги шаҳрвандии 1992-1997 бадтарин рӯзҳоро аз сар гузаронданд. Дар ин давра, 25000 зан шавҳари худро аз даст дод, 55 000 кӯдак ятим монд, беш аз 100 000 нафар ҷони худро аз даст дод, ки ин ҳолат ба рӯҳу равони аҳолӣ, махсусан занон зарари  ҷиддӣ расонд. Сарфи назар аз талафоти бузург, зарбаи тақдирро босаброна таҳаммул карда, дар қатори мардон барои пойдор намудани сулҳу  субот дар кишвар сарбаландона мубориза бурданд.
Сол ба сол иштироки бевоситаи бонувон дар низоми қонунгузорӣ, намояндагӣ дар порлумон, идоракунии ҳокимияти давлатӣ бештар гардида, дар интихоботи порлумонии соли 2015 - ум 12 бону вакили Маҷлиси намояндагони Маҷлиси Олии Ҷумҳурии Тоҷикистон интихоб гардид. Ҳамзамон 6 узви Маҷлиси миллии Маҷлиси Олӣ низ аз шумори занон аст, ки далели боло рафтани обрӯ ва мақоми зан-модар дар ҷомеа аст.
Ин ҳама бори дигар гувоҳ аз он медиҳад, ки зан - модари тоҷик як неруи бузурги созанда, тарбиятгари насли наврас, пешбарандаи сиёсати Ҳукумати Ҷумҳурии Тоҷикистон,  нигоҳдорандаи сулҳу ваҳдати миллӣ дар ҳама давру замон буд, ҳаст ва хоҳад монд.
Маҳбуба КАМОЛОВА,
сармуҳаррири «Народная газета»


Баёни ақида (0)    Санаи нашр: 07.02.2018    №: 49    Мутолиа карданд: 469

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед